ကျန်းမုက သူ့နဲ့အတော်လေးရင်းနှီးနေတဲ့ပုံ ပြုမူနေတာကြောင့် ဂိုဏ်းချုပ်မှာ ကြောင်အသွားပြီး သံသယရှိစွာ ကြည့်လာ၏။ သူ ဒီကလေးကို တစ်ခါမှမမြင်ဖူးပေ။
ကလေးက ကြည့်ရတာ ခုနှစ်နှစ် ရှစ်နှစ်ခန့်သာ ရှိသေးပုံရပြီး ဒီခုနှစ်နှစ် ရှစ်နှစ်အတွင်း သူဒီကလေးကို မတွေ့ဖူးတာ သေချာပါသည်။
"လုချွမ်.. မင်း ဒီကလေးကို မြင်ဖူးလား"
ဂိုဏ်းချုပ် သူ့ဘေးက ကိုယ်ရံတော်ကို အသံပို့ကာ မေးကြည့်လိုက်၏။
လုချွမ် - "မမြင်ဖူးဘူး"
ဂိုဏ်းချုပ် ကျန်းမုကို မေးလိုက်သည်။
"မင်းက...."
ကျန်းမုက ပျော်ရွှင်စွာ ပြန်ပြောလိုက်၏။
"ကျွန်တော်က ကျန်းမု.."
ဂိုဏ်းချုပ် "....."
ကျန်းမုက ဘယ်သူကြီးတုန်း!
ရုန်ယိ ဂိုဏ်းချုပ်ကို သေချာကြည့်လိုက်ပြီး ယင်ကျင်းရဲ့ဘက်လှည့်ကာ အကြည့်ချင်းဆုံသွားတဲ့အခါ ထိုသူက ဘယ်သူဆိုတာ သူခန့်မှန်းမိသလောက်ရှိသွားလေသည်။
ဂိုဏ်းချုပ်က သူ့ကိုမမှတ်မိသေးတဲ့အခါ ယင်ကွေဂိုဏ်းရဲ့ဂိုဏ်းချုပ်က သူ့ကို တစ်ခါ ဘိုးဘေးလေးလို့ ခေါ်ဖူးတာ ကျန်းမု သတိရသွားပြီး သူအမြန်ထပ်ပြောလိုက်၏။
"ကျွန်တော်က ဘိုးဘေးလေးလေ.. မှတ်မိလား"
"ဘိုးဘေးလေး...."
ဂိုဏ်းချုပ်မှာ ဘာမှပြန်မတုံ့ပြန်နိုင်။ ဒါပေမဲ့ ဒီကလေးက ဓားပျံအကူအညီမပါဘဲ လေထဲပျံဝဲနေတာ တွေ့လိုက်တဲ့အခါ ရုတ်တရက် တောင်အနောက်ဖက် ဘိုးဘေးအုတ်ဂူတွေထဲမှာ နေထိုင်ပြီး ပြီးခဲ့တဲ့ နှစ်အနည်းငယ်လောက်ကမှ ပျောက်ဆုံးသွားတဲ့ ဟိုဘိုးဘေးလေးကို သတိရသွားသည်။
"မင်းက ဘိုးဘေးလေးလား... သင်္ချိုင်းဂူထဲမှာ နေခဲ့တဲ့"
သူမေးကြည့်လိုက်သည်။
ကျန်းမုက ရွှင်မြူးစွာနဲ့ ခေါင်းငြိမ့်ပြလိုက်သည်။
ယင်ကွေဂိုဏ်းသားများမှာလည်း အကုန်အံ့သြကုန်ကြကာ ကျန်းမုကိုကြည့်လာကြ၏။
ဒါက သူတို့ရဲ့ ဘိုးဘေးလေးတဲ့လား... သူတို့ဘိုးဘေးလေးက ဘယ်လိုလုပ် ဒီလောက်တောင် ကြီးသွားရတာလဲ....
YOU ARE READING
[Book-2]ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]
Historical FictionI Became A Virtuous Wife And Loving Mother In Another Cultivation World ##start from chapter 199 **I'm just translate this and I don't own anything**
![[Book-2]ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]](https://img.wattpad.com/cover/326548876-64-k190725.jpg)