ပန်း ပျိုး လက် ( ၃ ) ပန်းရင့်ဋီကာ 🌸
" ဂျူတီရှိတဲ့သူက ဘာလို့ပြန်လာတာလဲ "
" အင်း ဘာမှမဖြစ်ပါဘူး
နေရတာသိပ်မကောင်းလို့ပြန်လာတာ "
တခန်းထဲအတူနေသူငယ်ချင်းဖြစ်သူ နော်စေးက
ဋီကာ့ကို အံ့သြသလိုလေးကြည့်ကာ မေးလေသည် ။
လက်ထဲမှပိုက်ဆံအိတ်နဲ့ဖုန်းကို စားပွဲပေါ်ပြစ်တင်ကာ
ကြမ်းခင်မှာထိုင်နေသည့် နော်စေးရဲ့ဘေးမှာလှဲအိပ်လိုက်သည်။
" ဟယ် .. အခြေအနေက အဲ့ဒီလောက်ဆိုးနေတာလား
ဒီလိုကြီးတော့အိပ်မနေနဲ့လေဋီကာရဲ့ ဆေးလေးဘာလေး
တခုခုတော့လုပ်ဦးမှပေါ့ဒေါက်တာမကြီးရယ် ထ, "
နော်စေးက ဋီကာ့လက်မောင်းလေးကိုဆုပ်ကိုင်ကာ
စိုးရိမ်တကြီးငုံ့ကြည့်ပြောနေပေမယ့် ဋီကာကတော့
မျက်လုံးတွေတင်းတင်းဖိမှိတ်ပြီးသာ ငြိမ်နေမိသည် ။
နော်စေးကလည်း ဆေးကုမ္ပဏီတခုမှာလုပ်နေတာမို့
ဋီကာနဲ့အဆက်အစပ်ရှိပြီး နားလည်းလည်ပါသည် ။
လုပ်ရသည့်နေရာချင်းမတူတာမို့
ဋီကာ့ရဲ့အလုပ်ချိန်တွေကိုတော့ ဋီကာပြောသမျှကိုဘဲ
နော်စေးမှာ သိခွင့်ရလေသည် ။
ဒါကြောင့်လဲ ဒီနေ့ဂျူတီရှိတယ်ဆိုပြီးညာခဲ့တာကို
နော်စေးက တကယ်ထင်မှတ်ကာ ယုံစားခဲ့လေသည် ။
ကရင်မလေးဖြစ်သည့်နော်စေးက
စကားပြောတာလေးတွေကချစ်စရာကောင်းနေသည် ။
ဒီအခန်းမှာ ဂျာကော့ဒါဆိုသည့်
ကချင်မလေးတယောက်လဲ ဋီကာတို့နဲ့အတူနေလေသည် ။
ဂျာကော့ဒါက ကချင်မြေမှ ဒီရန်ကုန်မြို့ကြီးမှာ
တယောက်ထဲ လာရောက်လုပ်ကိုင်နေသူဖြစ်သည် ။
ဂျာကော့ဒါနဲ့နော်စေးက အရင်သိကြတာဖြစ်ပြီး
ဋီကာနဲ့နော်စေးခင်ပြီးမှ ဂျာကော့ဒါနှင့် သိရသည် ။
နော်စေးက ရုံးတက်ရုံးဆင်းမှန်ပေမယ့်
ဋီကာကတော့ နေ့ညတချို့က လွဲနေတတ်သည် ။
ကော့ဒါကတော့ ဋီကာ့ထက်ဆိုးသည် ။
ဘာသာစကားသုံးလေးမျိုးကို
ကျွမ်းကျင်လည်ပတ်အောင်ပြောနိုင်သည့်ကော့ဒါက
နိုင်ငံခြားသားဧည့်သည်တွေကို လမ်းညွှန်လုပ်ပေးရင်း
တခါတလေ မန္တလေးပြင်ဦးလွင်ဘက်အထိ သွားရသည်။
YOU ARE READING
ပန်းပျိုးလက် ))) 🥀 (((
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
