" ဋီကာ ဒီအရောင်လေးကြိုက်လား
ကိုယ်က အဲ့ဒီထက် နည်းနည်းဖြူတာလေးယူမလားလို့ "
" လင်းသဘောလေ .."
" ကိုယ့်သဘောချည်း မလုပ်ပါနဲ့
ဋီကာကြိုက်တာလဲရွေးဦးပေါ့ လာပါကွာ .. "
လင်း,ဆွဲခေါ်သည့်နောက်သို့ ဋီကာသည်
စိတ်လက်မကြည်မသာနှင့် လိုက်ပါလာရသည် ။
preweddingအတွက် ဝတ်စုံလာရွေးကြသည့်
နှစ်ဦးသဘောတူ ချစ်သူနှစ်ဦးတို့၏ လက်ရှိအခြေအနေသည်
ပျော်ရွှင်ခြင်းတဝက် နာကျင်ခြင်းတဝက်နှင့်ပါပဲ ။
လင်း,ပျော်နေတာကိုကြည့်ရင်း
ဋီကာ့ရင်ထဲမှာ လှိုက်ကာလှိုက်ကာဝမ်းနည်းလာသည် ။
ဆုံးဖြတ်ချက်တွေ မပြင်ချင်သလို
လက်ရှိအချိန်တွေကိုလည်း မေ့ပြစ်ချင်ပြန်သည် ။
လွန်ဆွဲနေသည့်စိတ်အစဥ်သည် ယိမ်းထိုးလျှက် ။
အေးစိမ့်မွှေးပျံ့သည့်အခန်းကြီးထဲမှာပင်
ဋီကာ့ရဲ့စိတ်တွေ ရှုပ်ထွေးနောက်ကျိနေသည် ။
" ဒီကာလာလေးမဆိုးဘူးဋီကာ
နို့ခဲရောင်ဆိုတော့ အရမ်းကြီးလဲမဖြူတော့ဘူး "
လင်းက dress လှလှတထည်ရဲ့ရှေ့မှာရပ်ကာ
ဋီကာ့ကိုကြည့်ပြီး စိတ်ကူးနဲ့နှိုင်းယှဥ်နေပုံရသည် ။
ခဏအကြာမှာတော့ လင်းရဲ့ရွေးချယ်မှုဖြင့်
ဋီကာ့ကိုယ်ပေါ်မှာ dressတထည်က နေရာယူလာသည်။
" သတို့သမီးလေးက လှလိုက်တာ
အကိုလည်းဝတ်ကြည့်ပါဦး အရမ်းလိုက်မှာ "
ရွေအိုရောင်ဆံပင်ပုခုံးအတိလေးနှင့်
ရင်ပြတ်ဂါဝန်ရဲ့ပံ့ပိုးပေးမှုတို့နှင့်အတူ ဋီကာသည်
ဖယောင်းပွင့်လေးလို ဖြူလွလှပလို့နေလေသည် ။
လင်းသည်လည်း ဋီကာ့လို ကာလာတူဖြစ်ကာ
နက်ကတိုင်ကိုတော့ ခဲရောင်လေးကိုရွေးထားသည် ။
အနည်းငယ်ပြင်ဆင်လိုက်သည်နှင့်
လိုက်ဖက်သည့်စုံတွဲအသွင်ကို မြင်တွေ့ ရသည် ။
ဒေါက်တာလင်းမြတ်နဲ့
ဒေါက်တာပန်းရင့်ဋီကာဆိုတဲ့ ဆရာဝန်စုံတွဲနှစ်ဦးဟာ
သိပ်မကြာခင်အချိန်အတွင်းမှာဘဲ စေ့စပ်ကြတော့မည် ။
YOU ARE READING
ပန်းပျိုးလက် ))) 🥀 (((
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
