အဲ့ဒီနေ့ရက်တွေကတော့ ပုံမှန်ရက်တွေလိုပါဘဲ ။
သူလည်း သူ့အလုပ်နှင့်သူ
အချိန်အားလပ်သည်ရယ်လို့မရှိရသလို
ဋီကာလေးသည်လည်း ကျောင်းတက်ဖို့အတွက်
ပြင်ဆင်နေတဲ့အချိန်ဘဲ ဖြစ်လေသည် .. ။အောင်စာရင်းတွေထွက်လာတော့
ဆေးမှတ်မှီတာကြောင့်မို့ သူ့မှာဝမ်းသာရသေးသည် ။ဋီကာလေး ဆရာဝန်ဖြစ်တော့မယ်ဆိုတော့
သူ့ပျော်ရွှင်မှုက နှိုင်းပြလို့တောင် ရမယ်မထင်ပေ ။အိမ်နီးချင်းတွေကိုဖိတ်ပြီး
အစားအသောက်တွေကျွေးကာ
ဋီကာလေးအတွက်ဂုဏ်ပြုပေးခဲ့သည် ။သူငယ်ချင်းတွေကိုလည်း
ဖိတ်ကျွေးချင်သည်ဟု ဆိုလာတာကြောင့်
ဋီကာလေးစိတ်တိုင်းကျဖြစ်ဖို့ရာ Bar တခုမှာ
လေးယောက်စာfamilyset နှစ်ဆက်မှာပြီးစားခဲ့ကြသည်။သူ့ရဲ့ဋီကာလေးကတော့ ပျော်လို့မဆုံးတော့ပေ ။
သို့သော် အဲ့ဒီနေ့က အဖြစ်အပျက်ကိုတော့ဖြင့်
လူသစ်နေမှာ ယခုထိတိုင် မှတ်မိနေဆဲဖြစ်လေသည် ။ဋီကာ့ရဲ့သူငယ်ချင်းတွေကိုချိန်းပြီး
သူနှင့်ဋီလေးတို့ အိမ်မှထွက်မယ့်အချိန်က
ညနေ လေးနာရီထိုးခါနီးအချိန်ဘဲဖြစ်သည် ။" ကိုကို.. "
" အင်း ပြောလေဋီကာ .."
လူသစ်နေအခန်းထဲမှာရှိနေစဥ်
အနားကိုရောက်လာသည့်ဋီကာလေးကြောင့်
ဝတ်နေဆဲနာရီကိုတချက်ကြည့်လိုက်သည် ။သူ၏ဋီကာလေးကတော့
သွားရ၊စားရတော့မှာမို့ ပျော်နေရှာသည် ။" ဋီကာ ဘာဝတ်သွားရမလဲဟင်ကိုကို .."
" ဝတ်စရာမရှိရင်လဲ ကိုကို့ပုဆိုးခြုံလာခဲ့လေ အဟွန်း "
" ကိုကိုနော် ဋီကာက အတည်မေးနေတဲ့ဥစ္စာ "
" ဟုတ်တယ်လေ
ဋီကာ့ရဲ့ဗီရိုထဲမှာလဲ အင်္ကျီတွေချည်းဘဲ
အဲ့ဒါကို အခုဝတ်စရာမရှိဘူးဆိုတော့ ကဲ "အမှန်တကယ်လည်း ဤသို့ပင်ဖြစ်နေသည် ။
ဋီကာလေးအရွယ်ရောက်လာပြီဆိုကတည်းက
မိန်းကလေးတယောက်ရဲ့ လိုအပ်မယ်ထင်သည့်ပစ္စည်းတွေနဲ့
အသုံးအဆောင်အားလုံးကို ဗီရိုနဲ့အပြည့် ဖြည့်တင်းပေးခဲ့သည်။
YOU ARE READING
ပန်းပျိုးလက် ))) 🥀 (((
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...