" ဒေါက် ဒေါက် "
" သမီး ဋီကာ လူသစ် "
မှေးခနဲအိပ်ပျော်သွားသည့်အခိုက်အတန့်မှာဘဲ
နားထဲသို့တိုးဝင်လာသည့်တံခါးခေါက်သံနှင့်အတူ
ကြီးကြီးမိုးရဲ့ခေါ်သံကြောင့် ဋီကာ့ကိုယ်လေးတုန်သွားသည်။
ဟင် ။
အမူးပြေသွားသည့်လူတယောက်လိုမျိုး
အသိစိတ်အားလုံး ခန္ဓာကိုယ်မှာကပ်ငြိလာချိန်မှာတော့
လက်ရှိအချိန်ကို သတိရလာမိလေသည် ။
ကိုကို ။
ရုန်းထ,လိုက်ဖို့ပြင်စဥ်မှာဘဲ
ကိုကို့ရင်ခွင်ထဲမှာဆိုတာကို သတိရလိုက်သည် ။
ကိုကိုကတော့ ဋီကာ့ကိုယ်လေးကို
ခပ်တင်းတင်းလေးထွေးဖက်ပြီး အိပ်ပျော်နေလေသည် ။
ကိုကို့လက်တွေကိုဖယ်ပြီးထ,လိုက်ချိန်
လျောခနဲကွာကျသွားသည့်စောင်အောက်မှာတော့
ဋီကာ့ကိုယ်လေးသည်ဝတ်အစားကင်းမဲ့လျှက်ရှိနေသည် ။
ကိုကိုသည်လည်း အပေါ်ပိုင်းဗလာကျင်းလျှက် ။
ကိုကိုနဲ့ဋီကာ ။
အချိန်ကြာကြာမစဥ်းစားအားနိုင်သည့်ဋီကာသည်
ကြမ်းခင်းမှာပုံကျနေသည့် ဂါဝန်လေးကောက်ယူကာ
အလျှင်အမြန်ဝတ်ပြီး တံခါးစီသို့လျှောက်သွားလိုက်သည်။
" ကြီးကြီး "
" သမီး အိပ်နေတာလား လူသစ်ရော "
ဋီကာ့ကို စူးစမ်းသလိုကြည့်လာသည့်ကြီးကြီးမိုးက
အခန်းထဲကိုလည်း မျက်လုံးဝေ့ကြည့်လိုက်သည် ။
" ကိုကိုလည်းအိပ်နေပြီကြီးကြီး "
" ဟင် .. "
ကြီးကြီးမိုးရဲ့မျက်နှာပေါ်မှာ
သို့လောသို့လောတွေ ဖြစ်ပေါ်လာသလို
ဋီကာ့ကိုလည်း မယုံနိုင်သလိုကြည့်နေသည် ။
" ကြီးကြီးဘာပြောစရာရှိလို့လဲဟင် "
ဋီကာဆက်မေးလိုက်တော့မှ
ကြီးကြီးမိုးက လာရင်းကိစ္စကိုသတိရသွားကာ
လက်ထဲမှာကိုင်လာသည့်ဖုန်းကို လှမ်းပေးသည် ။
" အော် ဒီမှာလေ
သမီးရဲ့ဖုန်းက အဆက်မပျက်လာနေလို့ "
" အော် ဟုတ် "
YOU ARE READING
ပန်းပျိုးလက် ))) 🥀 (((
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
