ပန်း ပျိုး လက် ( ၉ ) ပန်းရင့်ဋီကာ 🌸
" ကိုသစ် မနက်ဖြန်နေရည့်မွေးနေ့ရှိတယ်
အဲ့ဒါ လေးလေးတို့အိမ်မှာဘဲ ကိတ်မုန့်ခွဲမှာလေ
ကိုသစ် မပြန်ပါနဲ့လား ကိတ်ခွဲပြီးမှပြန်လေနော် .."
ကားရှေ့ပိုင်းဘော်ဒီအောက်မှာ
ကိုယ်တပိုင်းဝင်နေသည့်လူသစ်နေကို
နေရည်က ဘေးနားမှာလာထိုင်ပြီးပြောနေသည် ။
နေရည့်အသံကြားသည်နှင့် လူသစ်နေလည်း
အပြင်ဘက်သို့ ခန္ဓာကိုယ်ကိုလျောကာထွက်လိုက်ရသည်။
ဆောင့်ကြောင့်လေးထိုင်နေတဲ့နေရည့်ပုံစံလေးက
ညနေခင်းရဲ့ ရောင်နီဖျော့ဖျော့အောက်မှာ လှနေခဲ့ပါသည်။
နေရည်က သူ့ကိုစကားတွေလာပြောတိုင်း
ရုံမှာရှိသည့်လူအားလုံးရဲ့မျက်နှာတွေက ပြုံးစိစိနှင့်
လူသစ်နေကို စ,နောက်ချင်နေကြတာအသိသာပင် ။
သူကတော့ မသိသလိုသာ ဟန်ဆောင်နေခဲ့ရသည် ။
နေရည်သူ့အနားမှာရှိရင်
ရင်တွေခုန်ရတယ်ဆိုပေမယ့်
ချစ်ဖို့အထိတော့ သူ့ကိုယ်သူလည်းမရေရာခဲ့ပေ ။
" ............ "
လက်ထဲမှာကိုင်ထားသည့်ဂွကို
ဘေးသို့လှမ်းပြစ်လိုက်ပြီး လက်နှစ်ဖက်ကိုခါတီးကာ
နေရည့်ကိုကြည့်လိုက်မိတော့ သူမက သူ့ကိုပြုံးကြည့်နေသည်။
" မိုးချုပ်အောင်နေလို့မရဘူးနေရည်ရဲ့
အိမ်မှာ ညီမလေးတယောက်ထဲစိတ်မချလို့ "
" အဲ့ဒါဆိုလဲ ကိုသစ်ညီမလေးကိုပါ ဒီ ခေါ်လာခဲ့လေ "
" မလုပ်ပါနဲ့နေရည်ရယ်
ဒီမှာက ဆူဆူညံညံအသံတွေနဲ့ဆိုတော့
ပန်းနုလေးက နေတတ်မှာမဟုတ်ဘူး.. "
" နေရည်ရှိနေတာဘဲကိုသစ်ရဲ့
ကိုသစ်ရဲ့ညီမလေးကို နေရည်ကူထိန်းပေးမှာပေါ့ "
" အားနာစရာကြီးနေရည်ရယ် ပြီးတော့ ပန်းနုလေးက
ထိန်းပေးရလောက်အောင်လည်း မငယ်တော့ဘူးလေ "
" ကိုသစ်ကလဲ ဘာအားနာစရာရှိလို့လဲ
နေရည်ဒီမှာရှိတုန်း ကိုသစ်ညီမလေးကိုလည်း
စာပြပေးလို့ရတာပေါ့ နေရည်လဲ အဖော်ရတယ်လေ "
YOU ARE READING
ပန်းပျိုးလက် ))) 🥀 (((
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
