" ဋီကာ ..."
" ကိုကို .."
လူသစ်နေအလုပ်မှပြန်လာချိန်မှာတော့
ခြံဝ,မှာဘဲ ဋီကာနှင့် မျက်နှာချင်းဆိုင်ဆုံလေသည် ။
မျက်နှာချင်းဆိုင်လို့ဆိုရပေမယ့်
လူသစ်နေမှာ ကားနှင့်ဖြစ်ပြီး ဋီကာကတော့
စက်ဘီးတစီးနှင့်ဖြစ်ကာ လူပိုတယောက်လည်းပါလာသည်။
ထိုလူကတော့ လူသစ်နေကိုမှ
မျက်မုန်းကျိုးနေသည့် ကောင်းစည်သူပင်ဖြစ်သည် ။
ကိုကြီးကောင်းကို မကြိုက်ပါဘူးဟု
ပြောခဲ့ဖူးသည့်ဋီကာကိုယ်တိုင်က အခုတော့
ဘေးနားမှာ လိုလိုချင်ချင်ရှိနေပုံကိုမြင်ရတဲ့အခါ
လူသစ်နေ၏ရင်ထဲမှာ အဖြေရှာကုစားလို့မရသည့်
ဝေဒနာတရပ်က အလိုလိုပေါ်ပေါက်လာခဲ့လေသည် ။
ကားတံခါးဖွင့်ပြီး ဆင်းလိုက်ဖို့ဟန်ပြင်ပြီးကာမှ
သူ့ခြေလှမ်းတွေရှေ့ဆက်မတိုးဖြစ်တော့ဘဲဖြစ်နေသည်။
လမ်းကြုံလို့နေမှာပါလေလို့
ကိုယ့်စိတ်ကိုယ်ဖြေတွေးရင်းနှင့်သာ
အတည်ငြိမ်ဆုံးစကားကို ဆိုရလေသည် ။
" တယောက်ထဲလျှောက်မသွားနဲ့လို့ဆိုတာ
အခုရော ဘယ်ကပြန်လာတာလဲ အိမ်ထဲဝင်တော့လေ "
" ဋီကာတယောက်ထဲမဟုတ်ပါဘူး ကျနော်ရှိနေတာဘဲ "
" .............. "
သူ့နားထင်ကြောတွေထောင်တက်သွားသည်အထိ
အံကိုတင်းတင်းဖိကြိတ်လိုက်ပြီးမှ စိတ်ကိုဖြေရသည် ။
သူ့မှာ တည်ငြိမ်နိုင်ဖို့ကြိုးစားနေရပေမယ့်
ကောင်းစည်ကတော့ ထီမထင်မျက်နှာဘေးတွေနှင့် ။
ဋီကာကတော့ သူ့မျက်နှာကို
မဝံ့မရဲပုံစံလေးနဲ့လှမ်းကြည့်ပြီး မျက်နှာလွှဲသွားသည် ။
သူ့စိတ်ထဲမှာ နားမလည်နိုင်ခြင်းတွေများစွာ စီးဝင်နေသည်။
" ဋီကာက အစ်မနေရည့်ဆီသွားတာပါ "
" အိမ်ထဲဝင်တော့ .."
" ဟုတ် .."
ဋီကာအိမ်ထဲဝင်သွားသည်နှင့်
ကောင်းစည်သူလည်း လှည့်ထွက်သွားလေသည် ။
YOU ARE READING
ပန်းပျိုးလက် ))) 🥀 (((
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
