#unicode
ထယ်ယောင်းနဲ့ကူး ကားတိုက်မိမလိုဖြစ်ခဲ့ကြပေမဲ့
ကံကောင်းစွာဖြင့် ကူးလေးကဘာမှမဖြစ်ခဲ့ပါ။
ထယ်ယောင်းကတော့ လက်ထိထားတာကြောင့်
နာကျင်နေရသော်လည်း ကားပေါ်တစ်လျှောက်လုံး
ကြောက်နေတဲ့ကူးလေးကိုသာ ဖက်ထားရသည်။
" ဆရာ...ရောက်ပြီ၊ကျွန်တော်တွဲပေးပါ့မယ်၊
ဆရာ့အပိုင်ဘေးကလျှောက်ပါ... "
" အင့်...ဟင့်အင်း...ငါမလျှောက်ချင်ဘူး၊
ဟင့်...ကင်မ်ထယ်ယောင်း... "
ဆေးရုံရောက်တော့ ထယ်ယောင်းကိုယောင်းဝူက
ကူတွဲပေးမည်ပြောတာကို ကူးလေးကမရပါဘဲ
အနားသာကပ်နေတာမို့ ထယ်ယောင်းလည်း
လက်နာနေသည်ကိုလျစ်လျူရှုပြီး ကူးလေးကို
ကောင်းသည့်လက်ကဖက်ကာ ဆေးရုံထဲဝင်လာ
သည်။
" မောင်ဘာမှမဖြစ်ပါဘူး၊မငိုနဲ့တော့လေ၊
မျိုးစေ့လေး လိုက်ငိုနေရင်ဘယ်လိုလုပ်မလဲ "
" ဟင့်အင်း...သွေး...သွေးတွေထွက်နေတာ "
ထယ်ယောင်းကလမ်းသွားရင်းပြောတာတောင်မှ
ကူးလေးက အငိုမတိတ်ဘဲထပ်ငိုနေတာကြောင့်
ထယ်ယောင်း ပိုစိတ်မကောင်းဖြစ်မိသည်။
ကိုယ်ဝန်သည်ဆိုတော့ စိတ်ကနုပြီးတော့ထိလွယ်၊ရှလွယ်ဖြစ်နေချိန်မှာမှ ထိတ်လန့်စရာကိုမြင်ရလို့
ငိုနေတာကြောင့် ထယ်ယောင်းလည်းမနည်းချော့
နေရသည်လေ။
" အစ်ကိုကူး...မြန်မြန်လာ...ဘာဖြစ်တာလဲ၊
ကျွန်တော့်ကိုပြောပါဦး၊မျိုးစေ့လေး...တစ်ခုခု... "
နားကြပ်ကြီးတပ်ရပ်ကြီးနှင့် ဒေါက်တာဟိုဆော့ကဂျူတီကုတ်တကားကားဖြင့် ထယ်ယောင်းတို့နား
ပြေးလာကာ ကူးလေးဖြစ်သည်အထင်နှင့်စိုးရိမ်
စိတ်တွေများကာ ခေါ်သည်။
" မဟုတ်ဘူး အစ်ကိုဟိုဆော့၊ဖြစ်တာက ဆရာဖြစ်တာ၊ဆရာလက်ထိထားလို့... "
ယောင်းဝူကပြောတော့ ဟိုဆော့ကကူးဘက်မှ
လက်တစ်ဖက်ကိုခေါက်ထားသည့် ထယ်ယောင်းကိုကြည့်လိုက်ပြီး အံ့အားသင့်သွားသည်။ပြီးမှ
တပ်လက်စဖြစ်နေသည့် နားကြပ်ကိုချွတ်ပြီး
စကားဆို၏။
" ဒါဆို..အမြန်လာလေကွာ၊နမ်ဂျွန်တို့လည်း
အစ်ကိုကူးဖြစ်တယ်ထင်ပြီး လာနေကြတယ်၊ဟူး...
တော်သေးတာပေါ့ အစ်ကိုကူးဘာမှမဖြစ်လို့ "
YOU ARE READING
Between The Hate [ Completed ]
FanfictionTop - KIM TAEHYUNG Bottom - JEON JUNGKOOK VKOOK ေမာင္ကအတၱႀကီးတယ္!လိုခ်င္တာကိုလည္းရေအာင္ယူမယ္!ကိုကိုအလွေလးက ေမာင့္အပိုင္ပဲျဖစ္သင့္တာ! မောင်ကအတ္တကြီးတယ်!လိုချင်တာကိုလည်းရအောင်ယူမယ်!ကိုကိုအလှလေးက မောင့်အပိုင်ပဲဖြစ်သင့်တာ!
![Between The Hate [ Completed ]](https://img.wattpad.com/cover/352306526-64-k319292.jpg)