ကျွန်တော့ ကလေးမေမေ
Unicode၂နှစ်ခန့်ကြာပြီးသော်
"ဖေဖေ ည ပြီးပြီလား"
"ဖေဖေ ည သားတို့ပြီးပြီ"လွယ်အိတ်ဆင်တူလေးတွေလွယ်ပြီး အော်ဟစ်ကာ အခန်းထဲပြေးဝင်လာတဲ့ သားနှစ်ယောက်လုံးကို ရိုးဂုဏ်က သူရဲ့အားကောင်းမောင်းသန် လက်ကြီးများဖြင့် အဆင်သင့်ပွေ့ဖက်ပစ်လိုက်တယ်။
"ဖေဖေ ... ဖေဖေ ညကော"
မိုးထက်လေးက အခန်းထဲကို တစ်ချက်ဝှေ့ကြည့်ပြီးနောက်မေးလာတယ်။
"မသိပါဘူး ပေါက်စနလေးတွေဖေဖေက ဘယ်လောက်တောင်ရှိုးထုတ်နေလဲဆိုတာ အခုထိ အဝတ်လဲခန်းထဲကကို ထွက်မလာသေးတာ"
"သား သွားကြည့်မို့"
ညရောင်လေးက ပြောရင်းဆိုရင်း သူ့ဖေဖေရိုးဂုဏ်လက်ပေါ် က ကော့ဆင်းပြီး အဝတ်လဲခန်းထဲသို့ လေလိုအလျှင်နဲ့ပြေးဝင်သွားတယ်။
မိုးထက်လေးကလည်း သူ့ညီလေးနောက်ကနေ ထပ်ကြပ်မကွာ ပြေးလိုက်သွားပြန်တယ်။
"ညီညီရေ ကိုကိုလည်းလိုက်မယ်"
ညမိုးက အဝတ်လဲခန်းထဲကနေ အပြင်က သားအဖသုံးယောက်ဆူညံနေတာကို ကြားနေခဲ့ရတယ်။ အခန်းထဲကို လုံးတုံးတုံးလေးတွေနဲ့ ဟက်ထိုးလဲကျမတက်ပြေးဝင်လာတဲ့ အမြွှာပေါက်စနလေးတွေမမြင်ခင် ညမိုးက အခန်းတံခါးနောက်သို့ ခပ်သွက်သွက်လေးဝင်ပုန်းနေလိုက်တယ်။
"ဖေဖေ ည ..."
ညရောင်လေးက အရင်ခေါ်တယ်။
မိုးထက်လေးကလည်း ဟိုဟိုသည်သည်လိုက်ရှာတယ်။"ဝါး ...."
"အား ...."
ညမိုးက အနောက်ကနေ လှမ်းခြောက်လိုက်တော့ ညီအစ်ကိုနှစ်ယောက်က အလန့်တကြားထအော်ပြီး တစ်ယောက်ကိုယ်တစ်ယောက် ပြေးဖက်ကြတယ်။
ရုတ်တရက်ထွက်လာတဲ့ အသံကြီးက သူတို့ဖေဖေညဆီကမှန်းသိတော့ နှစ်ယောက်သား မျက်နှာနှုတ်ခမ်းလေးထော်ပြီး
"ဖေဖေည က လန့်အောင်လုပ်တယ်"
ဟုဆိုကာ နှစ်ယောက်ပြိုင်တူ မကျေမချမ်းပြောလာကြတယ်။
YOU ARE READING
ကျွန်တော့ ကလေးမေမေ (2024){Complete}
RomanceMyanmar BL Fiction (Own Creation) Start Date - 11.02.2024//00:18AM(Sun) End Date - 25.04.2924//09:59AM(Thu) Written by G-GYIN