ဂူဖောက်သူတို့ဒဏ္ဍာရီ 盗墓笔记 (mm trans) Vol 4 & 5 & 6

Vol 5🐉2🐉ပျောက်သွားပြီ

ဂူဖောက်သူတို့ဒဏ္ဍာရီ 盗墓笔记 (volume 5)
Author -南派三叔 (nan pai san shu)
translater - Hninthawethadar

Chapter (2)
ပျောက်သွားပြီ

ဝူရှဲ့ စိတ်ပူစွာ အမြန်လှည့်ကြည့်လိုက်တော့ ပတ်ဝန်းကျင်မှာလည်း မတွေ့ရချေ။ လူက ထိတ်လန့်ပြီး ဒီတောထဲမှာ အလောင်း ပျောက်သွားတာက ဖြစ်နိုင်ပါ့မလားလို့ တွေးလိုက်မိသည်။ ထို့နောက် ဖက်တီးနဲ့ ဖန့်ကျစ်ကို လှမ်းခေါ်လိုက်သည်။

သူတို့နှစ်ယောက်လည်း ဒါကိုမြင်တော့ ထိတ်လန့်တုန်လှုပ်သွားပြီး ဖက်တီးက အော်လိုက်သည်။

“သောက်ကျိုးနည်း! ဒါဘယ်သူလုပ်တာလဲ”

အားလုံး အံ့ဩသွားကြ၏။ သို့သော် ပတ်ဝန်းကျင် တစ်ခုလုံးက တိတ်ဆိတ်နေတာမို့ ဆိုလိုသည်မှာ ဘယ်သူမှမရှိသလို သားရဲအသံကိုလည်း မကြားရပေ။ ရှေးခေတ် ရှီးဝမ်းမယ်တော် နယ်မြေထဲတွင် တခြားလူများ မရှိနေနိုင်ပေ။ အိပ်ပျော်နေသော အိတ်အနီးတွင် သားရဲခြေရာများ မရှိတာ သူတို့အားလုံး သိကြသည်။ ဒီအလောင်းက အတုများ ဖြစ်​​နေမလား။

ဝူရှဲ့မှာ အရင်က လျှို့ဝှက်ဆန်းကြယ်တဲ့ အိပ်မက်ကို ​ပြန်တွေးရင်း လည်ချောင်းက ခြောက်လာတော့သည်။ အိပ်မက်ဆိုးတွေ တကယ် ဖြစ်လာနိုင်ပါ့မလား။

နောက်ဆုံးတော့ ဖက်တီးနဲ့ ဖန့်ကျစ်တို့ဟာ ဒီအချိန်မှာ ကမ္ဘာကြီးကြီးကို မြင်ပြီးသားမလို့ ထိတ်လန့်မနေဘဲ ချက်ချင်းထထိုင်ပြီး သူတို့ဘာတွေဖြစ်နေလဲ ဆိုတာကို သိဖို့ အိပ်ရာအိတ်တွေကို ဖွင့်လိုက်သည်။ အိပ်ရာအိတ်ကို ဖွင့်လိုက်သည်နှင့် ဖန့်ကျစ်က နောက်ထပ်လေတစ်ချက်ကို မှုတ်ထုတ်လိုက်သည်။

အိပ်ရယအိတ်ရဲ့ အတွင်းပိုင်းမှာ မြွေတွေ တွားသွားလို့ ရွှံ့နွံတွေ ပြည့်နေတာကို တွေ့လိုက်ရပြီး အိပ်ရာအိတ်ရဲ့ အောက်ခြေမှာလည်း ရွှံ့အမှတ်တွေက ပြည့်နေတာမို့ အရေအတွက် အလွန်များနေတယ်ဆိုတာ သိသာပါ၏။ မြွေတွေ ဒီထဲမှာတွားနေတာလား။ ထိ​ကြည့်လိုက်တော့ စေးကပ်နေပြီး သဲလွန်စတွေက အရမ်းအသစ် ဖြစ်နေပြီဆိုတာ သိသာလေသည်။

ဖက်တီးရဲ့ မျက်နှာလည်း သိသိသာသာ ပြောင်းလဲသွားပြီး အံ့သြစွာနဲ့ ပြောလိုက်ပါသည်။