တစ်ကိုယ်​ကောင်းဆန်​သော ဗီဇ《 ဘာသာပြန် 》一念之私 The Selfish Gene

Chapter 1 [Unicode]

Edited ✔️

အပိုင်း(၁)
ကြက်​လှောင်အိမ်အတွင်းသို့ ပြုတ်ကျသွား​​သောဇာမဏီငှက်​သည် ဇာမဏီငှက်​ပေပဲလား?

✿

ဒီလို ရယ်စရာကောင်းပြီး အဓိပ္ပါယ်မရှိတဲ့ ကိစ္စမျိုး ကျွန်​တော့်ဘဝမှာ ကြုံလာရလိမ့်မယ်လို့ တစ်ခါမှ မတွေးခဲ့မိဖူးဘူး။

အကယ်၍ ကြောင်တစ်​ကောင်ကကျားသစ်တစ်​ကောင်ရဲ့ အ​​ရေခွံကို ခြုံထားခဲ့ရင်​တောင်မှ သူဟာ ​ကြောင်တစ်​ကောင်ပဲဖြစ်​နေဦးမှာအမှန်​ပေ။

ဇာတ်ပို့တစ်​ယောက်က ဇာတ်ကားတစ်ကားရဲ့ ဇာတ်​ဆောင်မင်းသားတစ်​ယောက်မဖြစ်လာနိုင်သလို ၊ သံစဥ်နုတ်များ ငြိမ့်ငြိမ့်​ညောင်း​​ညောင်းမရှိသော ​တေးသွားသည်လည်း တည်တံ့ခိုင်မြဲ​သော ဆုလာဘ်တစ်ခု မဖြစ်နိုင်ပါ​​ပေ။ ဒါ​ပေမယ့် ​ကောင်းကင်ဘုံက ဒီ​လောက်​လေးနဲ့ ကျွန်​တော့်ကို အလဲထိုးနိုင်မယ်လို့ထင်ရင်​တော့ .. သူက ကျွန်​တော့်အား အထင်​သေးလွန်းအားကြီးခြင်းပင် ။

" ဒါက ..
ပြီးခဲ့တဲ့လ​တွေအတွက် ပိုက်ဆံ​တွေပါ။ "

ယန်ရှန့်ဟွားသည်​ပြော​ပြောဆိုဆိုနှင့် သား​ရေစာအိတ်​လေးကို ​ကော်ဖီစားပွဲ​ပေါ်သို့ သတိကြီးစွာဖြင့်တင်​လိုက်ကာ အ​နောက်သို့​ခြေနှစ်လှမ်းပင် ဆုတ်သွား​လိုက်သည်။ သူမ၏ ကြမ်းတမ်းပြီး ညို​ဖျော့​ဖျော့လက်ဖဝါးနှင့် အင်္ကျီအား​သုတ်​နေလိုက်သည်မှာ လက်ထဲတွင် ဘာမှမရှိပဲ မတ်တပ်ရပ်ရသည်ကို မ​နေတတ်​နေသ​ယောင်။

မနက်​စော​စောစီးစီး အရက်နာကျပြီး ဘာမှမစားရ​သေးသည့်အပြင် ၊ မလိုအပ်သည့်ဘာမဟုတ်တဲ့သူ​​တွေနဲ့​တွေ့ရတာ အ​တော်စိတ်ရှုပ်​စေသည်။ ​

ကော်ဖီစားပွဲ​ပေါ်တင်ထားသည့် စာအိတ်​​လေးအား တစ်ချက်ကြည့်ရုံမျှကြည့်ပြီး​ စိတ်ပျက်စရာ​ကောင်းလွန်းသဖြင့် မျက်​မှောင်ကြုံ့လျက်သာနေမိသည်။

" သွားလို့ရပြီ ။ "

ပြောလိုက်သည်ကိုကြား​သော်လည်းသူမက လှုပ်ရှားမှုတစ်စုံတစ်ရာမရှိပဲ ကျွန်​တော့်အား မဝံ့မရဲကြည့်​​နေ​မြဲပင်။