တစ်ကိုယ်​ကောင်းဆန်​သော ဗီဇ《 ဘာသာပြန် 》一念之私 The Selfish Gene

Chapter 32 [ Unicode ]

အပိုင်း (၃၂)
မင်းကိုစောင့်ရှောက်ခွင့် ကိုယ့်ကိုပေးနိုင်မလား”

✿

[ Surprise Third Update for today ]

စန်းကျန့်ပိုင်ဆီက ရုတ်တရက် အိမ်ပြန်လာဖို့ဖုန်းဝင်လာ​တော့သည်။မစ္စတာရှီ၏ နှုတ်ဆက်ပွဲအသုဘအခမ်းအနားသို့ အတူတူတက်ရောက်ခဲ့ကြပြီးနောက်အခုသည် ကျွန်​တော့်အား ဆက်သွယ်ရန် ပထမဆုံးစဥ်းစားလာဖူးခြင်းပင်။

ဘယ်​လောက်​တောင် ထူးဆန်းခဲ့လဲဆိုရင် အဖေနဲ့သားကြားက ဆက်ဆံရေးကို ဘယ်လိုထိန်းသိမ်းရမလဲဆိုတဲ့ဇာတ်ကား​တွေကြည့်ပြီးများ ရုတ်တရက် သူ ချစ်ဖေဖေတစ်​ယောက်အ​နေနဲ့ စတင်ပြုမူ​တော့မှာလားလို့​တောင်ထင်ခဲ့မိ၏။ 

သို့​သော် ထိုအ​တွေးများဟာ တစ်နာရီ​တောင်မကြာလိုက်-သူ့ဆီရောက်​ရောက်ချင်းပင် ကား​ပေါ်အတူတက်ခိုင်းသဖြင့် စီးပွားရေးပါတီတစ်ခုတက်ဖို့​ခေါ်ခြင်းသာဖြစ်​ကြောင်းသိလိုက်ရ၏။

လွန်ခဲ့တဲ့နှစ်အနည်းငယ်က စန်းကျန့်ပိုင် ရင်းနှီးမြှပ်နှံထားတဲ့ နည်းပညာကုမ္ပဏီတစ်ခုကဒီနှစ်မှာပဲအများပိုင်ကုမ္ပဏီတစ်ခုအ​နေနဲ့ အောင်မြင်ခဲ့ရာ သူ့ရဲ့စတော့ရှယ်ယာ​စျေးကွက်က တဟုန်ထိုးတက်လာခဲ့​တော့၏။ထို့ကြောင့် နှစ်ကုန်တွင် ကျေးဇူးတင်ကြောင်း ဖော်ပြရန်အတွက် အထူးဧည့်ခံပွဲကို စီစဉ်ခဲ့ခြင်းပင်။

အမှန်တော့၊ သူတို့ စန်းကျန့်ပိုင်အား​ပေးအပ်ချင်သော ကျေးဇူးတင်မှုသည် 20 မှ 30% သာရှိ​နေပြီး အနှီပွဲ၏ အဓိကရည်ရွယ်ချက်သည်​တော့ စီးပွား​ရေး​လောကအတွင်း ချိတ်ဆက်မှုများတည်ဆောက်ရန်နှင့် ပါတနာဆက်ဆံရေးများထူထောင်နိုင်ရန်အတွက်ဖြစ်သည်။

ဧည့်ခံပွဲသို့သွားရာလမ်းတွင်၊ ကျွန်​တော်တို့နှစ်ယောက်သည် ပထမနာရီဝက်​လောက်အတွင်း စကားတစ်ခွန်းမှ မပြောဘဲ အသီးသီး ကိုယ့်ဘာသာကိုယ် လုပ်စရာရှိတာလုပ်နေကြသည်။ 

ကျွန်​တော်က ကားအပြင်ဘက်က ရှုခင်းတွေကို ကြည့်​နေလျက် သူက​တော့ ထိုင်ခုံနောက်ကို မှီရင်းအိပ်ဖို့ မျက်စိမှိတ်ထားလိုက်​လေ၏။ဧည့်ခံပွဲသို့ ရောက်ရှိလာခါနီးတွင် စန်းကျန့်ပိုင်သည် ရုတ်တရက်စကားစလာတော့သည်။