တစ်ကိုယ်​ကောင်းဆန်​သော ဗီဇ《 ဘာသာပြန် 》一念之私 The Selfish Gene

Chapter 3 [ Unicode ]

Edited ✔️

အပိုင်း၃။
ရန်သူ၏အားနည်းချက်။

မိမိကိုယ်တိုင်နှင့်ရန်သူကို​သေချာသိရှိမှသာပိုမိုအသေးစိတ်ကျသော အစီအစဥ်များကို ဖန်တီးနိုင်မည်ဖြစ်၏။

ပုဂ္ဂလိကစုံထောက်များမှ ပေးသော သတင်းအချက်အလက် အရည်အသွေးသည် ကျွန်​တော်ထင်ထားတာထက်​ကောင်းလွန်းလှသည်။

သူတို့​ကျေးဇူးနဲ့ကျီချန်ဖုန်းကကျွန်​​တော့်အတွက်​တော့လျှို့ဝှက်ချက်မရှိ​တော့တဲ့ဗလာစာအုပ်အလွတ်တစ်ခုလို့ပြောလို့ရလာတယ်။

သူ့လိင်စိတ်တိမ်းညွှတ်မှုကိုလည်းသိတယ်၊ သူ့ရည်းစား​ဟောင်းတွေရဲ့နာမည်တွေကိုလဲသိတယ်၊ ​နောက်ဆုံး ..သူတို့ဘာကြောင့်လမ်းခွဲလိုက်ရမှန်းတောင်သိ​သေးတယ်။

ကျီချန်ဖုန်းနဲ့တစ်ဖက်လူသည်အရင်းနှီးဆုံးသူငယ်ချင်းများဖြစ်ခဲ့ကြသည်။သူတို့ ငယ်ငယ်တုန်းကတစ်ရပ်ကွက်ထဲမှာတူတူကြီးပြင်းခဲ့ကြပြီး​တော့အလယ်တန်းကျောင်းအထိအတူတူ​တက်ခဲ့ကြပေမယ့်အထက်တန်းမှာကျောင်းမတူ​တော့ဘဲကွဲသွားကြ​လေ၏။

​ဝေးသွားမှသူတို့နှစ်ဦးသည်တစ်​ယောက်ခံစားချက်ကိုတစ်​ယောက်နားလည်ခဲ့ကြပြီးချိုမြိန်တဲ့လူငယ်ဘဝအချစ်ဇာတ်လမ်း​လေးပမာမိဘများ၏နောက်ကွယ်တွင်တိတ်တဆိတ်လက်တွဲခဲ့ကြခြင်းဖြစ်နိုင်သည်။

အချစ်ဦးဆိုသည်မှာလူတိုင်းအတွက်နူးညံ့ပြီးအလှပဆုံးဇာတ်လမ်း​လေးတစ်ပုဒ်ပင်။

သို့တိုင်ထိုသို့လှပရခြင်း၏အကြောင်းရင်းမှာ ငယ်ရွယ်စဉ်တွင်အနာဂတ်နှင့်လက်တွေ့ဘဝတို့ကို တွေးတောရန်မလိုအပ်ဘဲသင့်နှလုံးသား၌ချစ်ခြင်းမေတ္တာသာရှိလျှင်မည်သည့်အရာကမှမတားဆီးနိုင်ဟုထင်ရသောကြောင့်ဖြစ်၏။

လိင်တူချစ်သူတွေဆိုတာကိုထည့်မတွက်သည့်တိုင်​ ၊ သာမန်ဖိုမစုံတွဲတွေ​တောင်ဆင်းရဲပြီးနှိမ့်ကျခဲ့လျှင်အရာရာကိုအလိုလိုလွယ်လင့်တကူဝမ်းနည်းကြသည့်​လောကကြီးပင်။

အသက်ကြီးလာတဲ့အခါနောက်ထပ်အရာများကို အမြဲထည့်သွင်းစဉ်းစားရန်လိုအပ်ပြီး၊နှစ်ဦးသား၏အနာဂတ်ကို​တွေးရမည်၊ ပတ်ဝန်းကျင်မှမျက်လုံးများ၊ရှုံ့ချမှုများကိုထည့်တွက်ကာချစ်ရသူ၏ခံစားချက်များကိုလည်း ထည့်သွင်းစဉ်းစားရ​တော့မည်ဖြစ်သည်။