တစ်ကိုယ်​ကောင်းဆန်​သော ဗီဇ《 ဘာသာပြန် 》一念之私 The Selfish Gene

Chapter 31 [ Unicode ]

အပိုင်း (၃၁)
ချန်ဖုန်း

✿

“သိပ်မကြာခင်ကပဲ သူ့မှာ ကင်ဆာရှိတယ်လို့ ပြောလာတယ်…”

အချို့အရာများသည် သင့်သူငယ်ချင်းများနှင့် အ​ပျော်စိတ်ကစားနေသူများကို ပြော၍မရပါ၊ အကြောင်းမှာ ၎င်းတို့သည် အပြင်လူများနှင့်လမ်းသွားလမ်းလာများကဲ့သို့သာဖြစ်သည်။

ဒါပေမယ့် ချစ်သူတစ်​ယောက်က​တော့ ထိုသူများနှင့် မတူ​ပေ။သူဟာ မင်းဘ၀မှာ ပါဝင်နိုင်ပြီး အဲ့ဒီလူကို အရာအားလုံးကို ပြောပြနိုင်၏။

ဒါက ကျီချန်ဖုန်း၏ယုတ္တိသတ်မှတ်ချက်တစ်ခုဟုကျွန်တော်ထင်ပါ၏။

ကျွန်​တော်သာသူ့ကို ဒီည “ငါတို့က ဘာ​တွေလဲ” ဆိုတဲ့အ​ဖြေကို​သေချာမပေးခဲ့ဘူးဆိုရင်၊ သူကကျွန်​တော့်ကို ကျေးဇူးရှင်၊ အကြွေးရှင် ဒါမှမဟုတ် အသိအကျွမ်းတစ်ယောက်လို့သာ မှတ်ယူနိုင်ပြီး ချစ်သူတစ်​ယောက်လို့​တွေး​တော့မည် မဟုတ်​ပေ။ထိုအချိန်မှစ၍ သူသည် ကျွန်​တော့်အား သူ့ဘဝထဲသို့ ဘယ်တော့မှဝင်ခွင့်မပြုတော့သလို သူ့နှလုံးသားထဲသို့ ဘယ်တော့မှ ချောင်းကြည့်ခွင့်မပြုတော့ဘဲ၊ သူ့ကို ထိခွင့်လည်း ပြု​တော့မည်မဟုတ်​ပေ။

ယခုမူ ယန်ရှန့်ဟွားအကြောင်းနှင့် ဤကာလအတွင်း သူ့အား အနှောက်အယှက်ဖြစ်စေသော အရာများအကြောင်းပြောကာ၊ အသစ်စက်စက်တည်​ဆောက်ထားသော ရင်းနှီးသောဆက်ဆံရေးကို ပိုမိုနက်နက်ရှိုင်းရှိုင်းဖြစ်စေရန်အတွက်သူ၏နှလုံးသားကို ဖွင့်ဟပြခဲ့​လေပြီ။

မူလကတော့ ဒီလိုအခြေအနေမျိုးမှာ ဂုဏ်ယူဝင့်ကြွားနေသင့်တာဖြစ်၏။

​ပြောရရင်၊ဒါက ဒီည ကျွန်တော့်ရဲ့ ကြိုးစားအားထုတ်မှုအတွက် အကောင်းဆုံးဆုတစ်ခုပဲ​လေ။ဒါပေမယ့်… ဟင့်အင်း၊ ကျီချန်ဖုန်းက ဒါကို ဘယ်လို သတိထားမိသွားတာလဲ။

သူသည် ယန်ရှန့်ဟွား၏သားအရင်းမဟုတ်ကြောင်းနှင့်ယန်ရှန့်ဟွားသည် သူ၏မိခင်အရင်းမဟုတ်ကြောင်း သူသိ​နေပြီလား?

ဘာတွေမှားသွားတာလဲ?

သူဘယ်လိုသိသွားတာလဲ။