لاتقارنين حبي لك بأي مخلوق انا حتى بغيابك احبك

Part 52

سبحان الله وبحمده سبحان الله العظيم ♡

المستشفى ..
الجميع بدون استثناء متوتر وخايف لان الي داخل العمليات شخص عزيز وغالي عليهم
ام نواف منهاره وتبكي وخايفه تفقد ولدها وابو نواف يهدي ام نواف
اما عن الوجد الي حالها لايرثى له تبكي بكاء يقطع القلب وتلوم نفسها مع ان مالها دخل بأصابه فيصل
جاء اتصال على جوال ابو الوجد ورفع جواله وناظر الرقم غير مسجل وعقد حواجبه بغرابه ورد : نعم؟
: انت قريب العم سلطان وجابر ؟ 
ابو الوجد قام بخوف ونطق بربكه : ايه نعم ابوي واخوي ليش عسى ماشر ؟
: اذا ممكن تتفضل لمستشفى الرياض ترافق العم سلطان وجابر صاير عليهم حادث
بردت ملامح ابو الوجد برعب من سوء افكاره
قام ابو نواف بخوف من ملامح ابو الوجد الي تغيرت : عسى ماشر ؟
مازن : علامك؟!
ابو الوجد بلع ريقه بخوف ونطق : اصابتهم بليغه ؟
: خير ان شاء الله اذا تشرفنا وتشوف
ابو الوجد : تمام تمام جايك 
قفل الخط ومسك راسه برعب وتوتر ونطق من بين توتره : مازن ترجع معي الرياض؟
مازن هز راسه بالنفي : لا ماني رايح لاي مكان غير اشوف فيصل واقف على رجلينه
ابو نواف شك بالموضوع ونطق : وش صاير ياخوي انطق
تنهد ابو الوجد بقله حيله : انت ي محمد اجلس عند ولدك تطمن عليه وانا ومازن والوجد بنرجع للرياض
قامت الوجد ونطقت بجديه بين دموعها : مستحيل ارجع للرياض وفيصل بين الحياه والموت !
ابو الوجد عارف الموضوع الي بين فيصل والوجد وان انتهت قصه حبهم بالنسبه لابو الوجد : جل ماقال لتس مالتس قعده بالبيت؟ خلاص يبنتي مالتس قعده الا ببيت ابوتس امشي معي
الوجد تجاهلت كلام ابوها وتكتفت بأصرار على كلمتها
ابو نواف ضايع بينهم : يولد خل موضوع الوجد وقل لي وش هالاتصال الي اربكك؟
ابو الوجد اخذ نفس ونطق بتردد : ابوي واخوي صاير لهم حادث
ابو نواف ارتخت اطرافه بصدمه من الي سمعه ومازن نفس الكلام مصدوم وخايف
شهقت جوري بخوف ونطقت : ابوي صار له شي؟
ابو الوجد مسح على ظهر جوري بحنان : والله مادري يابوتس لكن ادعي ربتس مايصير لهم شي نروح هالحين ونشوف
جلست جوري بصدمه ونزلت راسها ومسكته وبكت بينها وبين نفسها حست نفسها عاجزه تنقذ ابوها
ابو نواف تنهد : لاحول ولاقوه الابالله
ابو الوجد ناظر مازن ونطق: مازن انت اجلس عند فيصل ولاصحى ان شاء الله افطن له ولاتسمح له يطلع على مسؤليته
شيهانه بيأس : لاطلع؟ وانت واثق انه بيطلع من بعد رصاصتين دخلت جسمه وبمناطق خطره وفوقها الاسعاف تأخر الولد فقد دم !
كش جسم الوجد من تشائم شيهانه ونطقت : اكرمينا بسكوتك يرحم والديك !
ام عبدالله بدموع : وهي صادزه لاتقولين هالحتسي عن اخوتس تفائلي بالخير يبنتي
اما عند هند ام الوجد الي وجودها مثل عدمه ماتنفع ولاتضر وجالسه بينهم وتناظر فيهم وملتزمه الصمت
جاء فهد الي ملامحه تعبانه ومهمومه وبين يدينه اغراض فيصل وشماغ فيصل الملطخ بالدم
ماتحمل المنظر ولاتحمل يشوف اغراض اخوه بين يدينه يتقطع قلبه من يتذكر اخر مكالمه بينه وبين فيصل وكميه السعاده بصوت فيصل !
تقدم للوجد ونزل اغراض فيصل جنبها ولاتكلم وجلس على رجوله بالارض بضيق ومسك راسه بألم 
الوجد التفتت لاغراض فيصل والدم الي متلطخ بأغلب اغراضه
طاحت دموعها على خدودها وهي تشوف اغراضه وماتدري اذا هو ناجي من الاصابه او لا واذا نجا هل يصير مضاعفات هل ينشل ؟ هل ينساهم؟ هل يكرههم لانهم تسببو بأعاقاته ؟
فهد تنهد بتعب : جاء العصر لاحس ولاخبر من الدكتور متى دخل العمليات؟
شيهانه بدموع حضنت فهد الي جالس بالارض ونطقت : من الصبح جاء من برا وكان وجهه مجروح وتهاوشنا وصار الي صار الخسيس مشاري سوا فيه كل هذا
ابو نواف تنهد بضيق ونزل راسه من حس ان الدموع تجمعت بعيونه خوفاً على ولده فيصل الي اخر مره شافه كان قبل فتره وبرضو كانو متهاوشين
فلاش باك Part 44
مازن مسك كتف فيصل : امش اطلع معي
الجد يزيد الطين بله ويدق فيصل ويبغاه ينفجر :ايه احط حيلي بالبنت واشد عليها لان ماوراها رجال لا ابو ولا زوج
فيصل سحب يده من مازن ونطق بعلو صوته وبغضب يسيطر عليه: دامها على ذمتي لا انت ولا عشره من امثالك تحط حيلك بوحده على ذمتي والله لو اطلعها من البيت بدون عبايه انت مالك دخل انت مجرد اسم ورا اسم ابوي ولالك فـ....
انقطع كلام فيصل بكف على خد فيصل الي من قوته صد ما توقع ابدا ابوه يمد يده عليه عشانه دافع عن للوجد !
ابو نواف ارتفع ضغطه من مد يده على ولده جاه احساس بالندم لكن اخفاه : كم مره عدت وزدت احترم جدك الجدار فهم وانت ما فهمت !
نرجع للوقت الحالي
ابو نواف بلع ريقه بضيق من تذكر تخر لقاء بينهم
جوري بدموع : عمي تركي ابي ارجع للرياض بشوف ابوي وامي تكفى
ابو الوجد حضن جوري بحنان ونطق : ابشري يبنتي
ميلا مسكت يد الوجد ونطقت ببرائه : جوجي عمو فيصل وين؟ قال لي عمو فيصل جوجي اذا بكت علميني ابكي الي يبكي جوجي وين فيصل اقول له؟
انهارت الوجد زياده بعد ماسمعت كلام اختها وحضنت ميلا وبكت زياده من سمعت كلام ابو الوجد مع جوري وكيف هو حنون مع جوري وبنته الوجد قدامه منهاره ولا تجرا يحضنها !
حزت بخاطرها ان ابوها يساند غيرها ولايساندها رغم ان هي وجوري نفس الموقف
رفعت انظارها وهي تشوف ابوها وجوري ماتنكر انها حست بشعور جوري ان اغلى انسان لها بالمستشفى وتجاهلت  الموقف لان برضو حتى جوري تحتاج احد يساندها 
ابو الوجد : يلا يالوجد امشي للرياض !
الوجد بأنفعال يخالطه الدموع: اروح ليش ! اذا الي احبه هنا ليش اروح هناك وروحي هنا
ابو الوجد زفر بطفش من عناد الوجد : عيب فشلتينا احبه واحبه وانتم متهاوشين قومي بس قدامي اخيه
الوجد بدموع وقله حيله : مابغى مابغى خليني عنده على الاقل لو اتطمن عليه واشوف انه صاحي
ابو الوجد مسك يد الوجد وسحبها معه لكن قام فهد ونطق : الوجد امانه عندي من فيصل ودامها ماتبي تروح الرياض تجلس عند رجلها هنا !
ابو الوجد : لعنبو ابليسكم ماخرب بنتي الا انت وفيصل تدافعون عنها بالغلط لين تمردت 
فهد : الوجد حرم اخوي فيصل يعني بحسبه اختي ومهما صار ببقى ادافع عنها لين يقوم فيصل على رجوله وياخذها
ابو الوجد تنهد وهمس بـ: لاحول ولاقوه الا بالله
فهد : خلاص ياعمي البنت متزوجه وصارت على ذمه رجال ثاني هو مسوؤل عنها لاتحسسها انها ورعه ماتعرف الصح والغلط اتركها عندي هنا ومايجيها شي من بعد ربي بوقف معها واحطها بين عيوني هي مردها اختي !
ابو الوجد مسك يد جوري وبيده الثانيه ميلا ونطق : اجل بروح انا وجوري للرياض واترك الوجد امانتن عندك اذا شافت فيصل وتطمنت جبها لي !
فهد حط يده على انفه ونطق : على هالخشم اول ماتتطمن على فيصل بسلمها لك
ابو الوجد هز راسه بالرضى والتفت على ابو نواف ونطق : ماتبي تخاويني للرياض نتطمن على ابوي والي معه؟
ابو نواف بين نارين بين فيصل الي مايدرون عمليته نجحت او فشلت ولا الجد والي معه نطق : بتطمن على فيصل والحقكم
ابو الوجد هز راسه بالرضى واخذ البنات وام الوجد وطلع من المستشفى
مازن تعب من التعب ووقف ونطق : من الصبح وانا جالس هنا والدكتور للحين ماطلع ! حشى
فهد تنهد بضيق : يشيخ لو ياخذون اسبوع بالعمليات بس اهم شي مانخسر فيصل
ام نواف بدموع : تفائل بالخير ولاتفاول على اخوك !
الوجد جلست جنب ام نواف وحضنتها وتواسي ام نواف وهي تحتاج احد يواسيها
فهد تقدم لشيهانه ومد يده : قومي امشي معي
شيهانه رفعت انظارها ومسحت دموعها ومسكت يد فهد وقامت معه وطلعو برى المستشفى
الوجد تبكي من الصبح ودموعها ماجفت وانفها وخدودها محمره من البكاء وحاضنه ام نواف وتطبطب عليها
،
بين جده والرياض على الخط السريع
ابو الوجد بغضب مكبوت : ياخي هالبنت ماتبي تعقل ومحد خربها الا عيال محمد اخوي لامني قلت شي بربي بنتي تلقينهم قدامك يدافعون عنها
ام الوجد ماعندها شخصيه ورايها من راي ابو الوجد : وانت صادق تمردت البنت من عقب فيصل والا اخبرها قبل
جوري رغم توترها وخوفها على ابوها الي ماتدري وش صار عليه بعد الحادث الا انها ماتخلت ابداً عن نقل العلوم نطقت بينها وبين نفسها بسخريه : الي يشوف ام الوجد يقول مربيه بناتها على يدها وهي تاركتهم فوق ال ٩ سنين !
ابو الوجد لازال على نفس الغضب : الله يعين بس هذا الي خايف منه بنتي تطول لسانها علي انا وتعتزي برجال غيري
ام الوجد : هالبنات التاليات مصيبه
جوري : انتم الي اخترتو ان بنتكم تعتزي وتحب رجال غيرك ياعمي معليش لكن الحق ينقال انت عمي وعلى عيني وراسي !
ام الوجد التفتت : وانتي وش دخلتس؟
جوري رفعت حواجبها بصدمه من اسلوب ام الوجد رغم ان جوري ابداً ماقلت ادبها معها بالعكس احرمتها : وش دخلني؟ انا اختها وصديقتها ! انا الي لعبت معها بصغري وانا الي ضميتها اذا بكت وانا الي شاركتها فرحتها تجين انتي وتقولين وشدخلتس ؟ على اي اساس!
ابو الوجد بلع ريقه من ادرك ان كلام جوري صح 100%!
ام الوجد شمقت ونطقت : الله لايشكر لتس فضل قاعده تذلينا انتس لعبتي مع بنتنا كم يوم
جوري تعقدت حواجبها بعصبيه ونطقت : كم يوم؟ حبيبتي قولي كم سنه جلست فيها بدون بنتي الوجد احسبي كم حضن حضتني بنتس فيه احسبي كم طبطبه طبطبتيها على الوجد احسبي كم دمعه مسحيتها على خد الوجد احسبي!احطها بذمه مازن انها اقل من عشر مرات  
ابو الوجد يهدي الوضع: خلاص عينو من الله خير
ام الوجد انحشرت بكلام جوري وماعندها رد : شدخلتس انتي حنا موضوعنا الوجد والي اسمه فيصل 
جوري ضحكت بسخريه : فكري زين ليش الوجد حبت فيصل اكثر منتس ي امها الي ولدتيها من بطنتس 
جوري الجمت ام الوجد بكلامها ، زفرت ام الوجد بقهر وتكتفت وسكتت
،
المستشفى
الوجد اخذت اغراض فيصل وحطتها بشنطتها وقامت تاركتهم لان ضاق صدرها محد منهم قال لها كلمه تواسيها وتطبطب عليها
دخلت دوره المياه ونزلت شنطتها عند الغساله ونزلت طرحتها على كتوفها وفتحت الماء وغسلت وجهها والماء اختلط بدموعها الي ماوقفت
عيونها منتفخه بسبب البكاء لفتره طويله وانفها وخدودها ورديه
رفعت راسها وشافت نفسها بالمرايه كميه فقدان الامل بملامحها مو طبيعيه ماتدري ليه في شي يقولها فيصل مستحيل يعيش بعد الي شافته
شافت الرصاصه بعيونها وهي تخترق صدر فيصل المشهد ماراح عن بالها وكل ماتغمض عيونها تتذكر شكل فيصل الغارق بدمه
نزلت دموعها من جديد وهي تشوف شكلها وانهارت من تذكرت كلام مشاري " اذا عاش بيكون مشلول مسكين " نزلت بالارض تدريجياً تبكي بصوت وتشهق وتحط اللوم عليها بأصابته
دخلت بنت شابه بمنتصف العشرين لدوره المياه وشافت الوجد منهاره
ماترددت ولاثانيه ماتساعدها رغم انها ماتعرف الوجد الا انها رمت شنطتها وتقدمت للوجد وساندتها توقف على رجولها "سوبر ومن"
الوجد بدموع : كان بحضني مليان دم روحه طلعت من الالم
البنت فتحت الماء وغسلت وجهه الوجد ونطقت : يماما لاتتعبين نفسك مو صاير شي تفائلي !
الوجد حست الدنيا تدور فيها وتوازنها اختل والرؤيه تغبشت وفقدت الوعي
البنت صرخت من شافت الوجد بحضنها مغمى عليها وحاولت تصحيها او تطلعها من دوره المياه وفعلاً نجحت انها تطلعها بصعوبه من دوره المياه
البنت تركت الوجد وبدت تصرخ تنادي اي احد يعاونها
،
قدام غرفه العمليات
الكل على حاله صلو العصر وباقي فيصل ماطلع من العمليات ولاالدكتور طلع
خافو لوهله انهم فقدو فيصل بس ماسمحو لافكار الشيطان تخرب ايمانهم بالقضاء والقدر
اخيراً طلع الدكتور وتنهد بتعب ونطق : العمليه كانت صعبه واحتمال نجاحها ضعيف
ابو نواف فز وارتجفت كل خليه بجسده بخوف من فقدان اغلى عياله : بشر يادكتور وش صار على ولدنا لاتروعنا بالمقدمات ادخل بالموضوع
مازن وقف وبلع ريقه برعب من ملامح الدكتور : انطق
الدكتور بضيق : العمليه نجحت بصعوبه ولكن سلبياتها كثيرر وبرضو الحمدلله نجا من الغيبوبه
فهد مسك راسه ونطق : مثل وش يادكتور روعتنا
الدكتور شبك يدينه ببعض ونطق : مثلاً تأثر عليه بالمشى وفقد دم واكسجينه ناقص واعراض اخرى لازم مراجعات كثيره
ام نواف بكت وحطت يدها على قلبها من هول كلام الدكتور وتفكر بأن فيصل رح يكون مقعد طول عمره
شيهانه بدموع : يعني ماراح اشوفه يمشي ؟
فهد سحب شيهانه وحضنها يخفف عنها ونطق : طيب يقدر يتعافى اذا داوم على التمارين ؟
الدكتور ميل شفايفه : باقي له فحوصات نشوف هل هو مؤقت ولا دائم ولكن قوو قلوبكم وادعو ربكم ولدكم رجع من الموت بصعوبه والرصاصه الي بظهره مأثره على المشي والي بصدره كانت فوق القلب بشعره نجا بأعجوبه الحمدلله
جلس ابو نواف وعيونه دموع على حال ولده وهو بعز شبابه
مازن ماسك نفسه وده يصارخ ويضرب ويبكي بس مايقدر حول الناس
ام نواف رفعت راسها من بين دموعها نطقت : دكتور بشوف ولدي تكفى طالبتك طلبه لاتحرم ام من ولدها
الدكتور : الحين ننقله للافاقه ويصحى وتشوفونه لكن يحتاج راحه ولاتتعبونه
،
مستشفى الرياض
دخلت جوري تركض ووقفت عند الرسبشن ونطقت بخوف وتوتر : وين جابر سلطان ؟
: في عرفه **
وقف ابو الوجد جنب جوري ونطق : شصار عليهم ؟
: خير ان شاء الله
توقفت كل خليه بجسم جوري بخوف بمجرد التفكير انه ابوها او امها هم الميتين
تركتهم وراحت تركض للغرفه الي ذكرها الرسبشن وفتحت الباب واخذت نفس براحه من شافت ابوها جالس عند راس ام بتال يتطمن عليها
تقدمت وحضنت ابو بتال : الحمدلله ! روعتوني حسبت فيكم شي
ابو بتال بادلها الحضن ومسح على ظهرها : يانموت سوا يامافيه
ضحكت الجوري وابتعدت عن حضن ابوها والتفتت لامها وحضنتها وحطت راسها على صدر امها
ابو بتال ابتسم وطلع وحصل ابو الوجد جاي : شلون ابوي وامي؟
ابو الوجد وعليه معالم الضيق والاخبار الشنيعه : امي عندها نقص بالاكسجين وابوي عطاك عمره
،
في قسم اخر من المستفى
البنت جالسه عند راس الوجد وتقرا عليها القران وجايبه لها ملابس من شافت ملابسها مليانه دم
فتحت عيونها وقفلتها بأنزعاج من الاضاءه وتحس بصداع فضيع
رفعت يدها وحطتها على راسها بألم ونطقت بتعب : وين انا ؟
البنت وقفت بأبتسامه : تو ماصحت الدنيا تحسي في حاجه؟ يعورك شي؟
الوجد عقدت حواجبها وناظرت البنت وفوق راسها علامات استفهام وتعجب !
البنت مدت البجامه ونطقت : يلا حبيبتي قومي وبدلي ملابسك البيبي يبغى ماما قويه
الوجد جلست على السرير بصعوبه وعقدت حواجبها بصدمه وتعجب : بيبي مين؟
البنت رفعت حواجبها وجاها فضول عن شخصيه الوجد واسمها وكل شي يعنيها حست ان لها قصه معينه : البيبي حقك
الوجد هزت راسها بالنفى وتردد : لالا مستحيل
البنت : ليش مستحيل المفروض تفرحين !
الوجد بدموع : وجود ابو البيبي بحياتي يسبب له الخطر هو بخطر اذا وقف بجنبي كيف لو بيننا بيبي يأذون فيصل بالبيبي
تنهدت البنت بضيق وجلست على السرير ومسكت يد الوجد : شوفي ياعيوني انا ماعرف وش صاير فيكم بالضبط لكن لاتستسلمين ولاتتركين احد محتاج لك خصوصاً بوقت تعبان فيه
الوجد مسحت دموعها وعقدت حواجبها : طيب اذا هو تخلى عني؟
البنت : تخلي! لكن انا متاكده ان مستحيل احد يتخلى عنك
تنهد الوجد بضيق ونزلت راسها وتذكرت فيصل وسحبت يدها من يدين البنت وفكت المغذي بقوه وانجرحت يدها
البنت استغربت وحاولت توقف الوجد لكن ابت بالفشل الوجد بحاله جنون وذعر ومو قادره تسيطر على نفسها
الوجد طلعت من الغرفه وهي تبكي وتركض وتصرخ بأسم فيصل
والبنت تلحق ورا الوجد تحاول قدر المستطاع توقف الوجد عن الي قاعده تسويه
،
جالسين حوله ينتظرون اي حركه منه لكن ماحصلو منه اي حركه
ام نواف تبكي على منظر ولدها الاجهزه على صدره تقيس نبض قلبه بحال وجود مضاعفات لاصابته والمغذي بيده ومقاس الحراره بأصبعه والاكسجين الي على انفه وفمه
وشيهانه تعض اظافرها بندم وتهز رجلها بتوتر وفهد ومازن متضايقين
قطع جو التوتر والضيق اتصال من جوال ابو نواف
تحسس جيوبه وطلع جواله ورد : بشر عسى مابه خلاف؟
ابو الوجد بنبره ضيق وحزن : عظم الله اجرك ياخوي
ابو نواف ماكان بيزيد الخوف بالغرفه فـ طلع من الغرفه ونطق : وش تقول انت ؟
ابو الوجد اخذ نفس وبصعوبه نطق : ابوي عطاك عمره
اتسعت عيون ابو نواف بعدم تصديق : ابك تقولها صادق؟طيب طيب جايكم
قفل الخط وهو متضايق ويعيد ويكرر "إن لله وان اليه لراجعون"
دخل ونطق : مازن تعال
مازن هز راسه بالرضى وطلع وهو في حاله هلع من ملامح ابو نواف الي ماتطمن نطق بخوف وتوتر : علامك؟
ابو نواف نزل راسه بحزن : ابوي توفى الله يرحمه
مازن بقى واقف وبلع ريقه وحس بشعور واحساس غريب ماقد حس فيه بردت اطرافه والخوف والحزن اجتاح صدره وانربط لسانه مقدر ينطق بحاجه ولاقدر يفرغ الي بداخله
من صدمته جلس بالارض ومسك راسه ويكذب الخبر
ابو نواف هز راسه بأسف على حال اخوه مازن ونطق : امش معي للرياض نشوف ابوي
مازن رفع راسه والحزن واضح على ملامحه : متأكد ماهم غلطانين بالاسم؟
ابو نواف تنهد بضيق وساعد مازن يوقف على رجوله وطالعين من المستشفى : يمازن استهدي بالله
ركبو السياره وحركو ومحد منهم نطق بحرف ابو نواف يتعوذ من ابليس ومازن طول الطريق منزل راسه ومايدرون  هو يبكي ولا مايبكي محد يدري لانه مخبي وجهه بالبلوفر
ومتوجهين للرياض
،
بين المغرب والعشاء
كشر بألم مو طبيعي بظهره وصدره اما عن الجزء السفلي ماكان يحس فيه
فزت ام نواف من حست بحركه فيصل ونطقت : فيصل يولدي قم افتح عيونك
فهد بفرحه : داري انك قوي
شيهانه ناظرت فيه ولانطقت بحرف
فيصل فتح عيونه وشتت انظاره بالغرفه وشافهم ورجع غمض عيونه بألم
ام نواف بأبتسامه : يوجعك شي؟ افتح عيونك  
فيصل هز راسه بالنفي وهو يناظر امه وكميه الالم بوجهه
حاول يقوم لكن ماقدر بلع ريقه بخوف من فكره انه يبقى مقعد طول عمره
فهد حط يده على كتف فيصل يمنعه يقوم : ارتاح لاتجهد نفسك
فيصل ارخى جسمه وحط يده على وجهه يخبي الضيق عنهم
شيهانه بتردد : فيصل شلونك؟
فيصل سمع حس اخته وزادت ضيقته من تذكر استغفالها وصد عنها ولارد
فهد وام نواف ماهتمو لتجاهل فيصل لشيهانه ظنو انه تعبان مو قادر يرد
فيصل غمض بألم من حرك يده يشيل الاكسجين الي على انفه : فهد ساعدني بجلس
ام نواف : لا يوليدي انثبر
فيصل بأصرار : بجلس تعال فهد
فهد استسلم للامر الواقع وتقدم يساعد فيصل يجلس
جلس فيصل ونزل راسه بتعب وآلم وتفكير لانهائي : وش قال الدكتور ؟
فهد بلع ريقه بوهقه : باقي لك فحوصات ماقال شي
فيصل مسح على وجهه بضيق : ماقال ان الاصابه اثرت على المشي؟
ام نواف غيرت الموضوع : الا وجيد وينها من اليوم به عندنا
شيهانه تلفتت يمين ويسار وعقدت حواجبها بمحاوله تذكر : اتذكر قالت بروح دوره المياه ضني
فهد : طيب روحي بشريها المسكينه ماسكتت من الصبح تصيح
فيصل تنهد بضيق من قالو انها تصيح من اليوم
شيهانه هزت راسها بالرضى ولفت واتجهت للباب وفتحت الباب وصقعت في الوجد
الوجد طاحت وحطت يدها على راسها : اهخخ
شيهانه مدت يدها وضحكت : بسم الله عليتس
البنت نزلت لمستوى الوجد وساندتها توقف : انتبهي على نفسك استودعتك الله ، بمشي !
ابتسمت الوجد ووقفت على رجولها : يعطيك العافيه اتعبتك معي
البنت بادلتها الابتسامه : واجبي
وراحت البنت
اخذت نفس بتوتر ودخلت الغرفه بهدوء
شافته قدامها جالس ويناظر فيها وتعابير وجهه مجروحه منا ومخذول ومحبط
صد عنها مايبغى يتذكر اخر كلمه نطقها يبيها بس انخذل
شافت صدوده عنها وارتخت كتوفها بتعب وضيق ونطقت : فهد
فيصل عقد حواجبه بغيره من انها تنادي غيره رغم وجوده !
فهد انظاره على الجوال : هلا
الوجد بغصه : تقدر ترجعني للرياض؟
ام نواف وقفت : هاه وراتس تبين الرياض مو بأنتي الي تهاوشتي مع ابوتس عشان تشوفين فيصل؟
فيصل رفع حواجبه بصدمه وسكت
الوجد بدموع التفتت على فهد متجاهله كلام ام نواف : فهد تقدر ولا ماتـ...
قاطع كلامها فيصل الي مايناظر فيها : مايقدر !
ام نواف : وهو صادز فيصل من يرجعنا الرياض لمنه راح فهيدان بتس
شيهانه مسحت على ظهر الوجد ونطقت : معليه نروح سوا
الوجد بهمس لشيهانه : ليتني رحت مع بابا ولاشفت هالتجاهل منه !
شيهانه : لاتلومينه ترى الي سوينا فيه ماهو بقليل كسرناه واستغفلناه ترى بالنهايه هو انسان يشيل بخاطره !
الوجد تنهدت بقله حيله واتصل جوال فهد ورد :يبه وينك صدق اختفيت من بيننا انت ومازن
ابو نواف بنبره ضيق : وشلون فيصل؟
فهد فتح السبيكر : زين اسد اسد الا يبه صوتك متضايق عسى ماشر؟
ابو نواف تنهد بضيق : جدك مات 
فهد فتح فمه بصدمه وسكر السبيكر وحط الجوال على اذنه وطلع من الغرفه وطلعت شيهانه وام نواف ورا فهد ومابقى بالغرفه غير فيصل والوجد
جلست الوجد وشبكت يدينها وفي في حاله صدمه من خبر وفاه الجد سلطان ومو مستوعب ! شبكت يدينها ببعض بتوتر من نظرات فيصل لها
بعد عده ثواني من نظرات فيصل نطق اخيراً بـ: ناويه البعد يابنت تركي؟
الوجد نزلت انظارها ليدينها وتشوف اثار جرح ابره المغذي ونطقت بتردد : انت الي بغيت بعدي عنك 
فيصل ناظرها بتمعن وتمنى انها تقرب اكثر : عندك دليل؟
الوجد فركت يدينها بتوتر  : ماعندي دليل لكن انت قلت لي مالك قعده عندي بالبيت وكنت بتنطق الطلاق يعني بأختصار استغنيت !
فيصل رفع حاجبه : قلت ان كذبتي وفعلاً انتي كذبتي علي ولاانتي شايفتني رجل ! اسألك مره ثانيه ناويه البعد؟
الوجد هزت راسها بالايجاب بدون لاترفع راسها وتناظر فيه
فيصل تحرك بألم : عايني فيني وقولي انك ماتبيني
الوجد التزمت الصمت ونزلت راسها واجتمعت الدموع بعيونها ،هي تبيه وتحبه بس كرامتها ماتسمح لها يستغني عنها وكان بيلفظ الطلاق وترجع له ؟ تمس كرامتها هي بنت ناس مو بكل مره يعصب يستغني عنها!
فيصل عقد حواجبه ينتظر الاجابه : يعني ناويه؟
الوجد رفعت راسها وحطت عيونها بعيونه وناظرت فيه لثواني واخذت جوالها ناسيه شنطتها وطلعت تاركه فيصل بحيرته
: الله المستعان
دخل فهد وعليه ملامح الضيق : جدي يافيصل توفى 
فيصل : لاحول ولاقوه الا بالله 
شيهانه دخلت معقده حواجبها : شفيها الوجد طلعت ؟
ام نواف دخلت وضايق صدرها : مدري استودعتها الله
فهد تنهد وجلس والكل ساكت محد منهم يتكلم والصدق متضايقين على وفاه جدهم بالنهايه يبقى جدهم مهما سوا
وفيصل جالس ويناظر شنطه الوجد ويفكر متى ترجع وتجاوب على سؤاله !
،
الساعه ١١:٣٠ اليل 
انتهى مفعول البنج وبدا الالم الحقيقي للأصابات فيصل وصرخ بألم
فزت ام نواف الي كانت تقرا القران من صراخ فيصل الي افزع قلبها
فهد طلع ينادي الممرضه وشيهانه تهدي فيصل وفيصل يصرخ بألم ومايبغى شيهانه تلمسه 
: وخرييي عني !
ابتعدت شيهانه عن فيصل وبلعت ريقها بغصه ودخلت الممرضه ومعها ابره مهدي وخافض حراره
حطت المهدي بالمحلول وتدريجياً انخفض صراخ فيصل الين قفلت عيونه
طلعت الممرضه وتقدمت ام نواف وحطت يدها على جبهه فيصل وحست بحراره جسده : يويلي عليه حراره الولد !
فهد : عطوه مهدي وخافض حراره ، الطيبيب المشرف عليه يقول ثواني واجي
ام نواف رجعت تقرا القران على فيصل وتحصنه وهي تبكي منظره يقطع القلب
دخل الدكتور ونطق : السلام عليكم
الكل رد السلام ونطق فهد : بشر يادكتور وش الفحوصات وهل يقدر يمشي ؟ 
الدكتور بأبتسامه : ابشركم ان فيصل قوي يقدر يمشي بس بعد فتره عاد الله اعلم اذا طولت الفتره او قصرت تعتمد على فيصل وعزيمته وتحمله
تنهدت ام نواف : لاطالت كم تاخد ؟ ولاقصرت كم تاخذ؟
الدكتور : اقل شي شهر شهرين اما بالكثير تاخذ وقت يمكن سنه وعليها
فهد : العلاج الطبيعي يقلل مده الشلل من بعد ربي؟
الدكتور هز راسه : اكيد اكيد لازم بفتره علاجه يخضع للعلاج الطبيعي تحسباً للضروف والمضاعفات يمكن عرج او غيره لاسمح الله
ام نواف : كم يجلس بالمستشفى
الدكتور : لسى ماخلص فحوصات باقي له كثير فـ نحتاجه فتره اسبوعين بالقليل اتمنى مايطلع حالياً خطرر عليه ان طلع فـ اقدر اقولكم ان ولدكم مستحيل يتشافى من الشلل
شهق فهد بصدمه : اوله اسبوعين؟؟ يادكتور ولدنا معتوه ماينثبر اول مايفتح عيونه يقول طلعوني
الدكتور : نعتذر والله مانقدر نسوي شي لمصلحته ان طلع على مسوؤليته فـ الضرر عليه
فهد تنهد بقله حيله : زين يالدكتور ماتقصر يعطيك العافيه
الدكتور بأبتسامه : هذا واجبي
طلع الدكتور وجلست شيهانه ونطقت : مجنون ولدكم بيطلع وقولو شيهانه ماقالت
فهد جلس ونطق : وهذا الي مخوفنا يطلع من المستشفى وهذا خطر عليه
ام نواف جلست بالقرب من فيصل ومسحت على جروح وجهه ونطقت بأستغراب : وش هالجروح الي على وجهه ؟
فهد عقد حواجبه : اي صدق اذا هو طاح بحضن زوجته يعني بوقت الجريمه وجهه وراسه بشكل عام ماجاه ضرر منين الجروح؟ تهاوش مع مشاري؟
ام نواف : لا مشاري جاه من ورا مايمدي يتهاوشون !
فهد التفت على شيهانه المرتبكه ونطق : اعترفي تهاوش مع مين؟
شيهانه بلعت ريقها بوهقه من تذكرت هوشه فيصل مع يزن : مادري
فهد ضيق عيونه بشك: بنت اعترفي !
شيهانه كرهت الكذب وطاري الكذب بعد الي صار لفيصل وحرمت على نفسها الكذب ونطقت : تضارب مع يزن
فهد وقف بصدمه وعقد حواجبه : يزن ماغيره ؟
شيهانه هزت راسها : ايه خويه
فهد حط يده على فكه : استغربت انه ماجاء زار فيصل !
ام نواف وهي تمسح على جروح فيصل : كسر تكسر اليد الي انمدت على ولدي
شيهانه خللت اصابعها بشعرها : ولدتس كفخ الرجال بمكتبه
فهد طبق مثال "انا واخوي على الغريب " : فيصل ماصفقه الا ان يزن غلطان انتهينا
ام نواف توافق راي فهد : وهو صادز اخوتس فهيدان
تنهدت شيهانه وطلعت من الغرفه واول ماسكرت الباب نطق بـ:شيهانه؟
التفتت شيهانه بصدمه وعقدت حواجبها بعصبيه : وش جايبك؟ ناوي توقف قلب فيصل!
ارتسمت الصدمه على ملامح يزن ونطق : اشبك معصبه ؟
شيهانه رفعت حواجبها : وشفيني؟ خلاص يزن كنت بخسر اغلى اخواني بسبب غلطه غلطتها بوقت طيش وجهل تكفى لاتزود هم على هم فيصل يكفي الي قاعد يصير بفيصل وربي يتقطع قلبي كل ماتذكر فعلتي فيه وهو مايستحق !
يزن بلع ريقه ونطق : اهدي اهدي جاي اعتذر واتطمن عليه يبقى صاحبي !
شيهانه نزلت دموعها بقله حيله ونطقت : خله عدوك لاسبوع اتركه لاتذكره بالي صار تكفى ي يزن تكفى اترك فيصل ولو فتره خليه يرتاح حرامم عليك
يزن تنهد بضيق : ي شيهانه والله اني مدرك بالي قاعده تمرين فيه بس ترى من حقي اتطمن على فيصل !
شيهانه مسحت دموعها بأكمام عبايتها ونطقت : خله يرتاح ويفكر ويدرك السالفه لاتجيه وتزيد الطين بله
يزن : بس شيـ...
قاطع كلامه خروج فهد من الغرفه وهو معقد حواجبه ومعصب : وش صاير هنا !
شيهانه بلعت ريقها ونطقت : انـ...
يزن فهم انها بتقول كل شي ونطق يقاطع كلامها : جيت اتطمن على فيصل وشفت شيهانه وسألتها وقالت نايم وانا اعتذر بمشي
فهد هز راسه : زين
راح يزن وهو في قمه التوتر
اختفى يزن عن انظار فهد الغاضب والتفت لشيهانه ومسك عضدها ونطق بشك : علامك تصيحين عنده !
شيهانه مسحت دموعها ونطقت : مابكيت عنده كنت ابكي من زمان
فهد ترك يدها ونطق بحده : ادخلي داخل ولااشوفك تعتبين برا هالغرفه الا معي ولا مع امي سالفه اطلع اشم هوا ماتمشي معي  
شيهانه دخلت الغرفه وفوق راسها علامات تعجب واستفهام من تغير اسلوب فهد معاها بس عذرته اخوه تعبان وجده ميت
،
طلعت من المستشفى معصبه ومتضايقه وشعورها متلخبط بعد ماعرفت انها تحمل طفل
دخلت كافتريا بسيطه جنب المستشفى وجلست فيه وحواجبها معقده وزامه شفايفها بزعل
تقدمت الموظفه اللطيفه من شافت ملامح الوجد الزعلانه ونطقت بكل احترام ولطافه : وش فيه القمر زعلان؟ عشانك زعلانه لك وجبه مجانيه من عندنا
ابتسمت الوجد بوسع ثغرها يمكن هذا الشي الوحيد بيومها كله اسعدها : يحياتيي انتي بس والله مابغى ماني مشتهيه اكل شي
الموظفه حطت الوجبه على طاوله الوجد : عادي تاخذين الوجبه سفري مالك عذر متى ماشتهيتيها تاكلينها
الوجد بأبتسامه ووقفت وصافحت البنت: بشرط ادفع لكم
الموظفه ضحكت بهدوء وصافحت الوجد ونطقت : احب الكريمين يناس لاوالله حلفت هذي الكافتريا انا صاحبتها وماني محتاجه غير الدعاء
الوجد حطت يدها فوق يد الموظفه : يعيوني انتيي والله مدري ايش اقول لكن ابشري بالدعاء
الموظفه ابتسمت ونطقت : صحه وهنا وعافيه يارب
الوجد بخفه : اوهه كيوت البنات عطيني سنابك ولاانستا
الموظفه ضحكت واعطتها حسابها وراحت
جلست الوجد وضافت البنت واكلت من الوجبه والابتسامه مرسومه على وجهها
لعل هذا الفعل البسيط اسعد الوجد كثيرر وطبطب عليها

________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
حسابي انستا انزل فيه الروايه : Ot34828
النجمه تدعم الروايه✨

بالله احد يتبرع ويصفق لنا الوجد الي رافسه النعمه وماتبي ابو ورعها😡

انا وشفيني متولجه ومتسلطه على فيصل ومازن؟😭