Тэр надаас цаасаа хурдхан шиг аваад уруулаа хазлан зогслоо. Би ч буруу зүйл хийчихсэн мэт түгдэрч гарав.
-Юу.. би.. санаандгүй.. Уучлаарай.
-Мм.. Зүгээр ээ.
-Юу хийж байсан юм?
Намайг асуухад тэр нэг л сандруу байдлаар ширээн дээр байсан ном руугаа заав. Би арай л мэдээжийн зүйл асуучих шиг боллоо, тийм үү?
Би түүний хажууд суугаад уншиж байсан зүйлийг нь хараад золтой л писхийтэл инээчихсэнгүй.
-Тэхён? Чи "далайн нялцгай биетэн"-ий талаар судлаж байсан юм уу?
Намайг инээхгүйг хичээн асуухад Тэхёны чих улайгаад эхэллээ.
-Үгүй ээ. Зүгээр л хийх юм олдохгүй, таарсан өгүүлбэрээ унших гээд л сууж байсан юм. Хүүхдүүдийн хажууд юу ч хийхгүй байгаа харагдалтай нь биш гээд.
-Бас тархац, үүсэл хөгжлийг нь үү? Бурхан минь яагаад заавал ийм хичээлийг..
Тэсэлгүй инээхэд Тэхён над руу хөмсгөө өргөн харлаа. Өөрөө энэ сэдэвт их дуртай байсан бололтойдог шүү.
Тэр жуумалзаад,
-Үржлийнх нь тухай ч байна лээ хэмээхэд би инээдээ барьж ядсаар,
-Өө, тийм байна уу? хэмээв.
Сүүлдээ Тэхён ч намайг дагаад инээд алдлаа. Саяханы эвгүй нөхцөл байдал алга болсонд би дотроо багахан баярлав. Гэхдээ л түүнийг яагаад зурсныг нь мэдэхийг хүсэж байсан билээ. Тэр олон зүйлсээс яагаад заавал миний өрөөний цонхыг зурсныг...
-Үнэндээ би нэг ч өгүүлбэр ойлгоогүй. Нэг өгүүлбэрээ дахин, дахин давтаж уншсаар байгаад л таарсан. Сүүлдээ нойр ч хүрэх шиг.
-Зүгээр дээ. Ядаж биологийн багшийг орж ирэх үед чи үржлийнх нь тухай ярьж өгч чадах нь байна шүү дээ.
-Би ойлгоогүй гээд байхад даа! Ер нь би бараг уншаа ч үгүй.
Тэр номоо хаагаад улаа бутарсан чигтээ хошуугаа унжуулаад суучихав. Энэ хүүхэд шиг байдлыг нь хараад би инээмсэглэхгүй байж чадсангүй.
-Гэхдээ.. Намжүүн чамд дахиж ямар нэг зүйл хэлсэн үү?
Намайг болгоомжтойгоор асуухад Тэхён нааш гайхан харлаа. Харцанд нь үл мэдэг нухацтай шинж тодорч иржээ.
-Юм хэлээгүй ээ. Ер нь юу ч яриагүй. Яг юу болсон юм бол оо?
-Би бараг мэдэх юм шиг байна...
ESTÁS LEYENDO
☪4 o'clock☪
Fanfic"Гүн шөнийг дагасаар, Чиний дуулж буй хоолой, Нэг алхмаар, Хоёр алхмаар, Улаан өглөөг авчирна..." -Дахиад дуулаад өгөөч? -Чи зүгээр үү? Одоо гэртээ харьж унтсан нь дээргүй юу? -Цаг хэд болж байна? -Үүрийн 4 цаг. Үнэхээр зүгээр гэж үү? -Зүгээр ээ...