Pilosopong Boyfriend (To be published under LIB)

24: The Liar and the Fool

If you are an old reader, I would suggest reading from the beginning since there has been a couple of changes in the flow of the story and characters as well. Thank you :)

THIS CHAPTER HAS BEEN EDITED.

- -

CHAPTER 24: THE LIAR AND THE FOOL

I was wearing a red bodycon knitted gown with a slit going all the way up to a sheer mesh waist insert, adding an alluring detail to the strapless dress finished with a v-shaped neckline, interior elasticized grip, princess seams, maxi length, and concealed back zipper.

My hair is styled in a textured half-up style. Nakalugay ang loose curls nito samantalang may mga ipit rin na nakalagay dito para ma-secure ang tresses sa likod, leaving a few pieces to fall in my face.

"Wow," my dad breathed out, looking at me through the mirror in front of me. "You look beautiful, sweetie."

Nilingon ko siya at nginitian. "Thanks Dad."

Para namang nanunubig ang mga mata niya kaya dali-dali ko siyang hinampas.

"Dad! Huwag kang iiyak dahil maiiyak din ako. Baka masira ang make-up ko."

"Sorry sweetheart. Na-realize ko lang na eighteen ka na pala. Dalaga na ang anak ko." I grunted when he pulled me into a hug. Napailing nalang ako at pinigilan ang mga luha ko. I returned his hug.

"Ano ba yan Dad, birthday lang 'to hindi pa naman kasal si Bea." Napahiwalay kami ni Dad sa isa't isa at parehas na sinamaan ng tingin si Skype na nakaupo sa sofa habang naglalaro ng PSP niya. Tulad ni Dad ay naka-suit din 'to at nakaayos. 

Agad naman siyang nilapitan ni Dad at inagaw ang hawak niyang PSP.

"Hey! I was playing that!" 

Binatukan naman siya ni Dad. "Sabi kong tawagin mong ate ang ate mo eh! Icoconfiscate ko muna ang PSP mo hangga't sa mag-tino ka. Birthday ng kapatid mo pero naglalaro ka lang dyan."

Inis namang napalingon saakin si Skype. Napangisi ako at binelatan siya.

"Eighteen na siya pero bata parin kung umasta! Dalawang taon lang naman ang tanda nyan saakin bakit kailangan ko pa siyang i-ate--Aray! Dad naman!" Bigla kasi siyang binatukan ulit ni Dad.

"I said respect your sister!" Galit na bulalas ni Dad.

Napabuntong hininga naman si Skype at napakamot nalang sa ulo.

Bigla namang bumukas ang pinto at pumasok ang birthday coordinator. Nasa isa kasi kaming private room at dito daw muna ako hangga't sa hindi pa ako tinatawag.

"Nandito po sila Ma'am." Mas lalong bumukas ang awang ng pinto at pumasok naman dito si Mom na nakaayos rin. Napakaganda niyang tignan, mukha siyang model.

She smiled when she saw me. Nilapitan niya ako at niyakap. "You look stunning, Louise!"

"Salamat po. Kayo rin po." I answered.

Napalingon siya kay Dad at Skype. Napansin kong parang hindi maganda ang tingin ni Dad kay Mom, na para bang pinipigilan niya ang sarili niyang mag-salita. Napalingon siya sa direksyon ko at napansin ko ang saglit na pagrehistro ng pagsisisi sa mata niya. Pagkurap ko ay wala na iyon at napalitan na ng isang ngiti.

"Skype, you'll escort your sister." Sabi ni Mom bago ibaling ang tingin kay Dad. "Henry, we'll be going down together."

Hindi umimik si Dad pero tumango siya. Alam kong mahirap para sakanila na umaktong parang ayos lang ang lahat ngunit ni-request ko kasi na kung pwede ba kahit ngayon lang, mag-act kami na para bang masaya kaming pamilya.