Alpha Omega

The Third Prophecy

Thea's POV

Papunta ako sa mechanical room nang makasalubong ko si Trev na galing sa clinic.

"Kumusta na siya?" nag-aalala kong tanong.

Isang araw na ang nakalipas simula nung marinig ko ang nangyari kay Cesia. Natagpuan daw siya ni Doc na walang malay sa labas ng clinic.

"No progress." maikli niyang sagot.

Binigyan ko siya ng malungkot na ngiti. "Bibisitahin namin siya mamaya."

Tumango siya bago magpaalam since may pupuntahan pa daw siya. Eh ako naman dumiretso lang sa paglalakad papunta sa destinasyon ko. Pagpasok ko, nakita ko si Seht na tinutulungan si Bo sa paglilinis ng iilang machineries.

"Hindi pa ba kayo tapos?" sabay silang napalingon sa'kin pagkatapos marinig ang boses ko.

"Actually, I will have to leave. Pinapatawag kami ng principal. Something about the barriers I think." tumayo si Bo. Narinig namin ang tunog ng hooves niya hanggang tuluyan na nga siyang makalabas.

Tumayo na rin si Seht saka pinagpag ang jeans niya. Nagtinginan kami bago pumunta sa malaking painting. Binuksan namin ito at pumasok sa hidden office.

"Nakita ko nga pala si Trev galing sa clinic." pagbibigay-alam ko sa kanya habang pinapaliwanag ang torches na nasa nakatagong silid.

"Did he say anything?" dumiretso si Seht sa mesa.

Nagbuntong-hininga ako. "Walang pagbabago..."

Inangat niya ang ulo niya para tignan ako. Lumapit siya sa'kin. Nakayuko ako pero naramdaman ko ang kamay niya sa balikat ko.

"It's okay... I'm sure gigising rin siya... just like the old times..." bakas sa boses niya ang pag-asa.

Sinubukan niyang pagaanin ang loob ko kaya kusa akong napangiti. Mayamaya, nakasimangot ulit ako.

"Bukas aalis na naman tayo... sana nga magising na siya..." malumbay kong sabi.

Kararating lang namin tas papaalisin na naman kami. Wow naman. Parang pakiramdaman ko na ata wala kaming panahon para magpahinga.

Kung saan-saan lang kasi kami pinapadala. May malaking octopus pa kaming nakilala papunta dito. Eh ano kasunod? Magkikita ba kami ni Dora at Boots?

Binaling ko ang atensyon ko at napatingin kay Seht na seryosong nagbabasa ng mga libro.

Napagdesisyunan niyang basahin lahat ng mga libro na andito. Yung iba di naman ganoon ka useful pero may iba rin na mahalaga para sa kanya. Katulad nalang ng lumang medicine book na nahanap namin.

"You know.. I was really wondering how Theosese knew all of these..." lumipat siya sa susunod na pahina.

Tumulong si Theosese sa paggawa ng Academy. Siya rin ang lumikha ng logo. Siya ang may kapakana ng mga pakpak at siya rin ang nagdisenyo ng buong school. Nagtataka nga ako kung paano 'yun nagawa ng isang demigod.

Ang laki ata ng tiwala ng mga gods sa kanya...

Kinuha ko ang litrato namin ni mama na nakapatong sa mesa. Napangiti ako saglit. Napapangiti nalang talaga ako sa tuwing naaalala ko ang ngiti ni mama.

Binaba ko ang frame bago kinuha ang larawan ng lola ko.

Sa ngayon, ang alam ko'y kilala ni Theosese ang buong pamilya ko.

Naabutan niya kaya si Arah?

Isang kamay ang kumuha ng picture at ibinalik ito sa mesa.

"How about we visit Cesia? May meeting tayo mamaya. We might not have the time to visit her later on." alok niya.