Section F ( BOOK 1, COMPLETED)

Chapter 32

Ziah's POV:)
Buong gabi napagisip ko kung bakit kailangan kong pansinin ang mga tao mula sa Section F kung sila mismo ang hindi pumapansin sa akin. Bakit ko pa kailangan ipagsiksikan ang sarili ko kung ayaw naman nila sa akin.

Naglalakad ako ngayon sa hallways. Nang makarating ako sa bago kong classroom, huminga muna ako nang malalim. Eto pa lang ang unang beses na papasok ako sa bago kong classroom dahil nung una kong pagpunta dito, wala nang tao. Agad naman akong pumasok at napatingin naman sa akin ang mga estudyante.

"Welcome to Section 5, Ziah!" Sigaw nilang lahat

Hindi ko ine-expect na ganito ang unang araw ko dito. Malalapitan naman pala silang lahat. Noong napatingin ako sa gawi kung saan nakaupo si Damon, nakita ko itong nakangiti sa akin. Ngitian ko din siya pabalik.

"Thank you for welcoming me." Sabi ko

Nagulat naman ako nung lumapit sa akin ang mga kaklase kong lalaki. Yung mga babae naman ay nakangiti lang sa amin.

'Ang ganda mo pala sa personal, Ziah.'

Napangiti ako. Hindi ko alam na ganito pala sila kabait. Akala ko masasama ang mga ugali nila noon, siguro kasi lahat ng section hindi maganda ang relasyon kasama ang Section F.

'Sana maging close pa tayo!'

Sana nga makasundo ko lahat ng mga kaklase ko dito.

'Sana hindi ka na ilipat ng section.'

Napasimangot naman ako ng konti. Hindi naman sa hindi ako masaya dito. Nasanay lang ako na ang mga kasama ko ay ang mga tao sa Section F.

Napahinga na lang ako ng malalim. Naalala ko nanaman ang Section F. Hindi sila ganito ka-friendly. Pag nakilala mo naman na sila, masaya na silang kasama. Mahilig din silang magkwento.

Bakit nga ba sila ang inaalala ko ngayon? Hindi ko na dapat sila inaalala. Dapat maging masaya na ko sa kung nasaan ako ngayon. Tutal binabaliwala na lang naman nila ako.

"Guys, hayaan niyo muna siyang magadjust dito." Pag singit ni Damon

Si Damon din ang nandyan para sa akin noong panahong wala sila Jin at Kit. Best friends ko si akin tsaka si Kit nung panahong nasa Section F pa ko pero ngayon, hindi ko na alam kung magkaibigan pa rin kami.

"No, it's okay!" Sabi ko bago ko sila bigyan ng isang maliit na ngiti

Gusto ko magkaroon ng mga bagong kaibigan. Nagulat naman ako nang may biglang humawak sa kamay ko. Napatingin naman ako sa gawi nito at nakita si Kit.

"A-Anong ginagawa mo dito?" Tanong ko

Napansin ko naman na nakatingin sa kanya ang buong klase. Bakit naman siya nagpaparamdaman ngayon kung kailan hindi ko siya gustong makausap.

"Let's talk." Sagot ni Kit

Bigla namang may nagtanggal ng pagkakahawak ni Kit sa kamay ko. Napatingin naman ako sa kung sino ito at nakitang isa pala siya sa mga kaklase ko. Gwapo siya pero mas gwapo pa rin si Ruki.

"Leave. Bawal ang mga taga ibang section dito." Sabi nung isa kong kaklase

Isa pa lang ang kilala ko sa kanila. Hindi ko pa natatanong kung anong mga pangalan nila.