Exquisite Saga #1: Chianti Callahan

Chapter 35: The End

A/N: May Epilogue pa <3

CHAPTER 35

CHIANTI'S POV

Nag-iwas ako ng tingin kay Asti na titig na titig sakin habang walang tigil sa pagkain ng hawak niyang bowl ng sliced fruits. 'Yong dalawa naman nasa malaking kama ko habang nanonood sa laptop ko ng movies. Tapos na silang ayusang tatlo at ako na lang ang hinihintay nila.

"Ma'am lagyan pa natin ulit ng concealer ha? Masyado ata kayong na-excite sa husband-to-be niyo kaya hindi na kayo nakatulog."

Nasamid ako sa sinabi ng bakla kong make-up artist at sunod-sunod akong napaubo. Alam ko na iba ang tinutukoy niya pero konti na lang tatama na siya kung bakit nangingitim ang mga mata ko. Halos wala kasi talaga akong tulog. Ang haharot niyo kasi ni Gaige.

Buti na lang talaga at nakaalis si Gaige bago dumating dito ang mga kaibigan ko. Malamang kasi sa hindi nasermunan na nila ako. Maaga siyang umalis at ako naman bumalik sa pagtulog. Dapat bandang nine oclock gising na ako pero tinanghali na ako ng gising kaya after lunch na din nag start ang mga stylist para ayusan sila habang ako naman ay nahuli. Mabuti na lang five thirty pa ang simula ng kasal.

Napatingin ako kay Asti nang maramdaman ko parin ang mabigat niya na pagtitig habang harabas na ngumunguya. Wala man lang ka finesse-finesse kahit na sobrang postura niya ngayon. Pakiramdam ko nababasa niya ang isip ko kaya nag-iwas ulit ako ng tingin. "H-Ha? Oo. Excited na ako ikasal ulit eh."

"Siguro ang gwapo ng magiging asawa niyo ma'am. Ang ganda niyo din kasi eh. May picture kayo?" Napangiti ako at inabot ko ang phone ko. Binuhay ko ang screensaver no'n kung saan nandon ang picture namin ni Gaige. Pinakita ko 'yon sa make-up artist na napatili ng malakas. "Ang yummy!"

Hindi ako kumontra sa sinabi ng binabae dahil sino ba ang magtatangkang itanggi ang kagwapuhan ng asawa ko? Nababalatubalani akong napatitig sa cellphone ko at hindi ko na napigilang hindi mapabulong habang pumapasok sa isip ko ang mga naging kaganapan kagabi. "Yum."

"You!"

Napalingon ako kay Asti na nakaturo sakin ngayon habang naniningkit ang mga mata. Pinandilatan ko siya ng mga mata nang makita kong saglit na napatigil sa panonood sila Rous at Syrah na napatingin sa amin dahil sa bigla niyang pagsigaw.

Hindi pa nakuntento ang babae at lumapit siya sakin para kurutin ako sa tagiliran dahilan para mapahiyaw ako. "Asti ano ba?! Kakagatin kita!"

"Anong ginawa mo kagabi?" bulong niya sakin.

"Wala. Natulog saka nanood lang ng movies." sabi ko pero hindi ko magawang makatingin sa kaniya ng diretso. Para kasing basang-basa na niya ang nasa utak ko eh.

"Bahala ka, Chi. Hindi ka sumusunod sa pamahiin."

Napaangat ang kilay ko. "Ikaw naniniwala? Akala ko ba ang pinapaniwalaan mo lang eh yung mga bagay na nakagawa ng epekto sa buhay mo."

"Naniniwala ako kasi sabi ng kapitbahay ko wag daw akong magwawalis sa gabi kasi mawawalan ako ng pera. Ayon hindi ko sinunod, kinabukasan nawalan ako ng pera kasi siningil na ako ng landlady ko."

Pinigilan kong mapakamot sa pisngi at paikutin ang mga mata ko dahil alam kong maiistress ang stylist ko na pokus na pokus sa ginagawa niya. Minsan ang sarap din talagang alugin nito si Asti eh. Pero kaya siguro nagkakasundo-sundo din kaming apat kasi pare-parehas kaming wala sa tamang katinuan.

"Nagkataon lang 'yon. Kasal na naman kami ni Gaige kaya ano pang pipigilan ng tadhana?"

Hindi naman sa binabalewala ko ang mga pamahiin. Wala din naman kasing mawawala kung susundin. Pero I don't think na may mangyayari nga kung susuwayin. Wala naman kasing accuracy ang mga sinasabi nilang 'patunay' tungkol sa mga iyon. Lahat naman coincidence lang.