HOBBY yata ni Iñigo ang sumulpot kung kailan niya ito hindi inaasahan, naisip ni Charo. Ngunit ang mockery nito sa kanya sa harap ng kanyang ama ay hindi niya mapapalampas. Natagpuan niya ang sariling nanggagalaiti sa galit. Mukhang nabigla ang lalaki sa pananampal niya rito at sinamantala niya iyon upang muli itong sampalin.
"How dare you!" singhal niya. "Get out of our house!"
Halos hindi siya makapaniwalang dumayo pa ito roon upang gawin iyon. Ano ang akala nito? Na maniniwala siya sa sinasabi nito? Isang araw ay nagising ito at mahal na siya nito? Pumunta ito sa kanila at ganoon kabilis ay nag-propose ito? Isa iyong malaking insulto sa kanya. At dahil ginawa nito iyon sa harap ng kanyang ama ay malaking insulto rin iyon sa matanda.
"Ano'ng ginawa niya sa inyo, Dad?"
Napansin niyang nakangiti ang kanyang ama. "I have to talk to him, hija. You go to your room."
Nag-alanganin siya ngunit tumalima. Sa halip na magtungo sa silid ay hinanap niya ang bodyguard ng kanyang ama at pinataas ito, habang siya ay nagkubli sa likod ng pader upang marinig ang pinag-uusapan ng dalawang lalaki.
"You're chasing something very fragile, Son. I know your swift maneuvering worked wonders in closing deals and acquiring new contracts, but this is different. Trust me," ang kanyang ama. Napapantistakuhan siya sa sinasabi nito. At bakit ganoon ang tono nito sa pakikipag-usap kay Iñigo.
"I'm sorry, Sir---"
"I prefer Dad."
Napasinghap siya. Nagpatuloy si Iñigo. "I'm sorry, Dad. Na-overwhelm lang po siguro ako kanina."
"I understand. Seeing her overwhelms me still, but for a different reason of course. Darating ka rin doon, kapag nakita mo na kung gaano kabilis lumipas ang panahon at malalaki na ang anak ninyo."
Naitakip niya ang kamay sa bibig, nabibiglang talaga sa usapan ng dalawa. Siya ba ang tinutukoy nito?! Naloko na rin ito ni Iñigo?
"She's a delicate flower, hijo. Speaking of flowers, I do believe she likes stargazers. There's a flower shop in town."
Noon siya hindi nakatiis. "What in heavens is going here? Dad, you shouldn't be talking to him."
Tumayo na si Iñigo at nagmano sa matanda, saka siya binalingan. "I will be back, delicate flower."
Napanganga siya, ngumiti ito, at tumalikod na rin. Binalingan niya ang kanyang ama. "Daddy, he has a plan. Listen..." Ikinuwento niya rito ang naging usapan nila ni Iñigo noong nakaraan, dahilan upang magduda siya rito at maisip na mayroon na naman itong nabubuong plano laban sa kanila. "Galit na galit siya noong malaman niyang isinauli ko ang lahat sa kanya, Dad. Galit na galit siyang pinutol ko ang lahat ng koneksiyon natin sa kanya. Bakit siya magagalit kung ginawa niya ang lahat para makuha 'yon? Obviously, he has a new plan."
Nagpalakad-lakad siya sa tapat ng matanda, kumukumpas ang kamay. "Hindi ko alam kung ano ang bagong plano niya, ang alam ko lang, meron. Naisip ko rin na nakadagdag sa galit niya na inaway ko si Courtney. But, Dad, you're smarter than this. Don't believe a thing he says. Naloko na niya tayo noon, tama na 'yon."
Ngumiti ang matanda. "What could he possibly want now?"
"I don't know!" Napabuga siya sa eksasperasyon. "Mahirap hulaan, Dad. He's trying to gain your trust again but he doesn't believe you didn't kill his father."
Nanatili ang ngiti sa labi nito. "Napakabait pa rin ng Diyos sa akin. Napakabait..."
"Dad?"
"I will go to my room, hija. Inaantok ako. Kapag dumating si Iñigo, ikaw na ang bahalang magpatuloy sa kanya. I invited him to stay over for a few days."
"Daddy!"
"Be hospitable now."
"Daddy!" ulit niya ngunit pumasok na ito sa silid nito. Napabuga siyang muli. Mayamaya ay nag-abang siya sa tabing-bintana. Kapag nakita niyang muli si Iñigo ay palalayasin na niya ito agad, desisyon niya, kaya nang makita niya itong umibis sa sasakyan ay agad siyang bumaba sa bahay. Naabutan niya itong papasok sa gate.
"Hindi ka puwedeng pumasok."
"Here, these are for you. Walang stargazer."
Inabot niya ang bungkos ng bulaklak at pinagtatampal iyon sa dibdib nito. "Ang kapal mo! Pati Daddy ko, niloloko mo!"
"Hey, stop it, delicate flower!" anito, nakangiti.
"Hindi ka puwedeng pumasok!"
"Inimbitahan ako ni Daddy."
"Stop calling him that!"
"Gusto niyang 'yon ang itawag ko sa kanya."
"Puwes wala kang karapatan!" ngitngit na singhal niya.
"Sinabi rin niya sa akin na hindi mo naman pala boyfriend si Alejo. You naughty girl, trying to make me believe he was."
Napamulagat siya. Sumakit yatang bigla ang ulo niya. "Fine. Gusto mong utuin ang Daddy ko? Sige. Pero walang mangyayari, Iñigo. Your plan will not succeed this time."
Tumuloy na siya sa bahay, patungo sa kanyang silid na kanyang ikinandado. Pagod na pagod siyang makipag-usap sa lalaking iyon.
