يلا بسرعه يا أبرار عشان نلحق الشيخ فى الجامع
أبرار : حاضر هعدل نقابى وجايه أهو
يمنى: اخلصى بسرعه الشيخ هيمشى ومش هيسمع لنا القرآن
أبرار: يلا انا خلصت أهو
...........فى الطريق
يمنى : الواحد نفسه يعمل عمرة يا بت يا أبرار ايه رأيك
أبرار : ربنا يرزقك بيها يارب
يمنى : بس مش عايزه اروحها لوحدى عايزه اروحها مع زوجى ان شاء الله
أبرار: طب ممكن تمشى وانتى ساكته عشان فى حد ماشى ورانا وعيب كده لما تفضلى تتكلمى كتير فى الشارع
يمنى: حاضر يا اختى أمشى اخلصى
أبرار بذهول : هو انتى شايفه إللى انا شيفاه
يمنى : فى ايه يا بت ، انا مش شايفه حاجه
ضربتها على كتفها بخفة لتقول: انتى بتبصى فين بصى هناك
يمنى : اه فى ايه هناك بقى
أبرار : يخربيت الغباء وسنينه؛
يمنى : فهمت قصدك خلاص ، حلو اوى
أبرار: استغفر الله العظيم غضى بصرك عشان احنا كده أخدنا ذنب
يمنى : مش حلو اوى للدرجه يعنى أنى أفضل أبص عليه
أبرار: طب يلا ندخل بقى عشان احنا متأخرين ولو الشيخ سألنى مليش دعوة انتى السبب
يمنى : نعععععم، انا لبست وجهزت نفسى ولبست النقاب وطلعت لكى على طول انتى إللى اتأخرتى ولما وصلت مكونتيش لسه طلعنى
أبرار : خلاص دا انا خوفت منك يا شيخه يلا ندخل بقى
دخلت الإثنتان إلى المسجد
أبرار بدموع: شوفتى الشيخ مشى ودا شيخ تانى
يمنى : معلش بكرة نسمع له لليومين
أبرار: ماشى يلا نروح
......... : استنى يا آنسه
التفتت له أبرار لتصعق بشدة وسرعان ما فعلت يمنى المثل
شهقت أبرار فجأة إثر قرصة يمنى لها
....... : فى حاجه او محتاجين حاجه؟
أبرار بلا وعى : هو فيه كده يا ناس
...... : بتقولى حاجه !!!
يمنى مسرعة: لا مفيش حاجه خالص احنا بس كنا جايين للشيخ بس هو مش موجود
......... : الشيخ تعبان شوية وانا جيت مكانه النهاردة تعالو نبدأ الورد
أبرار بلا وعى: هو انت اسمك ايه ؟
نظر لها بابتسامه فقد سمع حديثهم خلال الطريق ليقول : هتعرفيه بس مش دلوقتى
يمنى بعدما ذهب : كنتى هتفضحينا، فى ايه يا بت اجمدى شوية مش كده، فين الشيخه أبرار
أبرار: عسل أوى
يمنى : طب غضى بصرك عشان متغضبيش ربنا
أبرار: معاكى حق
ودخلت الإثنتان معا إلى الحلقة المتجمعه لقراءة القرآن
قرأ ذالك الشاب القرآن بصوت عذب
وبعدما انتهت حلقة القرآن الكريم ذهب الجميع
أبرار: صوته حلو اوى
يمنى :بت انتى كده هتدخلينا جهنم
أبرار: آسفه خلاص .... استغفر الله العظيم وبعدين مش ملاحظه حاجه
يمنى : ايه؟
أبرار : النهاردة انتى واخده دور الناصح وأنا المخطىء
يمنى : اه ، تصدقى غريبه دى هى القيامه هتقوم والا ايه
ابرار: هههههههه معلش يلا بقى قولت خليكى تنصحينى يوم من نفسك
يمنى : بقى كده طب والله ماشى
أبرار: لا يا حبيبتى كنت بهزر معاكى مفيش داعى تقلبى على عمو عبدو كده
يمنى : بقى انا عمو عبدو
أبرار: هو انا قولت كده ، انتى بقيتى بتكذبى على فكرة
يمنى : ماشى يا أبرار يا بنت عمو محمد وطنط أم أبرار هوريكى بس لينا بيت يلمنا
أبرار: تصدقى انا خوفت
يمنى : بس خلاص وصلنا
أبرار: تعالى اقعدى معايا شوية عندنا وانتى عارفه ان اخويا مش فى البيت
يمنى : ايه يعنى خطيبى يا بت
أبرار : الله يعينك يا خويا على المجنونة دى
يمنى: لا بقى دا انت اغلطاك كترت أوى
أبرار: المسامح كريم تعالى نطلع عشان امى تحوشك عنى
صعدت الفتيات إلى الداخل وقضو معا وقتا رائعا
أتى اليوم التانى وذهبت الفتيات إلى المسجد
أبرار: انا هغض نظرى ومش هعمل أى حاجه عشان كده حرام
يمنى : اما نشوف
وبالفعل غض ال جميع بصره سواء الفتيات أو ذالك الشاب
..........
فى بيت أبرار
ابرار : بص يا حاج انا هروح بكرة اشترى شوية حاجات من المحل انا والبت يمنى
الوالد : ماشى لو عايزه فلوس قولى ، بس فى واحد متقدم لكى ايه رأيك تقعدى معاه ولو عجبك يبقى على بركة الله
أبرار: إللى تشوفه يا بابا
الوالد : يعنى اقول يجى بعد ساعه
أبرار: بسرعه كده، صحيح احنا فى عصر السرعه بس مش بالطريقه دى
الوالد : مفيش داعى للتأخير يا بنتى
أبرار: ماشى
.............
بعد ما يقارب الساعه
دق جرس المنزل ذهب الوالد ليفتح
الوالد : اتفضل يا ابنى
وبعد قليل دخلت أبرار حاملة صينية العصير وضعتها بخجل ثم جلست
تركهم الجميع بمفردهم
ليقول هو باسما :عبد الرحمان ، اسمى عبد الرحمان
انتبهت إلى مصدر الصوت لتجده هو
أبرار: اهلا وسهلا بيك
عبد الرحمن: بصى وبلا مقدمات انا اتقدمت لكى النهاردة ولو وافقتى عليا يبقى كتب الكتاب بكرة
عارف انك هتقولى لسه عايزة تعرفى عنى حاجات بس صدقينى هتعرفى كل حاجه لما نكتب الكتاب
قومى بقى اطلعى
صلت أبرار استخارة وذهبت إلى والدها لتخبره برأيها فقالت : انا موافقه يا بابا
الوالد : ربنا يقدم اللي فيه الخير
...........
أبرار فى الهاتف : اما يا بت يا يمنى حصل حاجات
يمنى : ها !!! قولى حصل ايه
أخبرتها أبرار بكل شىء
يمنى:مبارك لكى حبيبتى ، هجيلك بكرة من بدرى
أبرار: الله يبارك فيكى ،ماشى
أتى الصباح مر الوقت سريعا وحان موعد عقد القران
وما إن قال المأذون: بارك الله لكما وبارك عليكما وجمع بينكما فى خير
حتى ذهب إلى أبرار قائلا : بصى بقى انا حبيتك من ساعة ما كنتى ماشيه فى الشارع مع صاحبتك
عايز اقولك انى بحبك معشوقتى المجنونه
انتهت ؛ انتظرو الجزء الثانى
اسكريبت "معشوقتى المجنونه "
بقلمى ندى عماد
