اسكريبت ( إنه أخى 💖💖)
قدس ...... ريان
..............
قدس : قوم يلا يا ريان عشان تروح على شغلك
ريان: حاضر هقوم أهو
قدس : قوم يا كسول لسه هنقرأ الورد اليومى من القرآن سوا
ريان : خلاص انا قومت أهو
قدس : تعرف يا واد يا ريان الواحد نفسه يفرح بيك يا شيخ بقى
ريان : ارتاحى انتى بس ، ومتشيليش همى
قدس : طب يلا بسرعه عشان نلحق نقرأ قبل ما تنزل
ريان: انا إللى هسمع لكى النهاردة
قدس : الحمد لله حفظت اما نشوفك هتعمل ايه
ريان : طب وعد منى انك لو مغلطيش ولا غلطه هجيب لكى شوكولا
قدس : ماشى يلا
وبعد وقت قليل
قدس : يلا يا أستاذ ريان ايدك على الشوكولا
ريان : هو انا قلت هديكى شوكولا
قدس : اه قولت
ريان : مش فاكر
قدس : رياااااان
ريان : حاضر حاضر خلاص كنت بهزر اهى الشوكولا
قدس : كده بقى تسلم اخى العزيز
ريان : اه دلوقتى افتكرتى إنى اخوكى وانى عزيز
قدس : عيب عليك يا راجل ما انت طول عمرك اخويا وخصوصا لما بتجيب شوكولا
ريان : بتاعة مصلحتك يعنى ، اخلصى يلا عشان اوصلك فى طريقى وانا ماشى
قدس : ماشى
كانو على وشك الخروج من المنزل حتى قالت قدس : واد يا ريان ؛ لبسى كده حلو
ريان : اه حلو
قدس : يعنى مش ضيق ولا فيه حاجه حرام
ريان : لا يا حبيبتى ، ربنا يبارك فيكى
قدس : ويبارك فيك يا ريان
....................
كانت تسير بجوار أخاها حتى التصقت بذراعه فجأة فأخذها على إحدى الجوانب
ريان : مالك يا قدس
قدس : انت مش شايف الناس شكلها عامل إزاى
هو احنا مطلعناش من البيت من زمان والا ايه !!أين عصر الرسول الكريم ، وأين عصر الرجال ، أين ذالك العصر حيث كانت النساء نساء والرجال رجال
أين عصر الإسلام ؟ وأين مجد الدين ؟
اين وأين وأين .... !!! حاجات كتير متغيره أوى
الشاب بقى بنت ( إلا من رحم ربى ) والبنت بتلبس بنطلوب زى الشاب ماشين عاملين معرض للأجسام إللى كرمها الله ، حتى إللى لابسه جيبه لبساها قصيره خالص ، القيامه هتقوم يا ريان !!!
هتقوم وهندخل النار !! دا مبقاش عصر دا اسمه عصر المحرمات ، لو كان الرسول عايش فى عصرنا ده كان لعن العصر
دا احنا مش بنعمل كده مع ان أمنا وأبونا متوفين لكن اكيد فيه منهم عندهم أم واب واللى عندها زوج
ليه كل واحد مش بيخاف ويغير على عرضه ؛ ليه الراجل ميحفظش كرامته وكرامة بيته ، ليه كل شاب ميفكرش انه قرة عين لأهله وانهم مستنين منه فرحة تفرحهم لكن دول عملو العكس ، دول اتحولو لبنات وكمان بيقلدو الغرب
ليه ميحسوش ويدركو انهم مسلمين وانهم قدوة للناس مش هم إللى يقلدو الناس
دا عار !!! خلاص حان وقت الفناء ، يوم القيامه آت والموعد قريب ، ماذا سنقول أمام الرب الكريم .
ريان : عليهن وذرهم يا حبيبتى ؛ مش هتقدر نقنعهم
قدس : مش هنعرف نقنعهم خالص ، لو كانو هيقتنعو كانو اقتنعو بأحاديث الرسول وبآيات القرآن
كانو اقتنعو ب " لعن الله الرجال المتشبهين بالنساء والنساء المتشبهات بالرجال "
كانو اقتنعو ب " وليضربن بخمرهن على جيبوبهن"
كانو عملو حساب يوم لا ينفع فيه لا مال ولا بنون
ريان : طب خلاص اهدى كده يا حبيبتى وغضى بصرك واستغفرى ربنا ؛ هو حسبنا وهو كافينا فى هذا الزمان
قدس : استغفر الله العظيم ؛ احنا اتأخرنا كده يلا نمشى عشان متتأخرش على شغلك
ريان : لا متقلقيش انا كده كده مطرود الحقى انتى جامعتك
قدس : لا ان شاء الله خير ومش هتنطرد
ريان : يلا ادخلى الجامعه ؛ بالتوفيق حبيبتى فى حفظ الله
قدس : خلى بالك من نفسك فى رعاية الله
ريان : حاضر يا ماما
قدس : هههههههه
.............
اظن رسالة ومغزى الإسكريبت واضحه أوى
انتظرو الجزء الثانى من اسكرييت " إنه أخى 💖💖"
ندى عماد
عارفه انى هلاقى انقلاب من معظم الناس بسبب الكلام إللى فى الإسكريبت وهيكونو المعارضين أكتر من المؤيدين بس انا مقتنعه انه صح ومش هغير فكرى لو اعترض كل العالم
دمتم موفقين 😍😍
مش هنزل الجزء الثانى إلا لو فيه تفاعل على ده يقنعنى ان انزل الجزء الثانى لأن التفاعل بيحسسنى انكم فعلا عايزين تكملو الإسكريبت
ندى عماد
