اسكريبت "والتقينا بعد طول غياب "
الخمار شكله حلو
سارة : اه شكله حلو
رقية: طب والنقاب
سارة : شكلهم حلو والله انتى متوترة ليه
رقية : متوترة أوى، طب ايه رأيك أغير الخمار ده
سارة : لا سيبيه ، شكله حلو وكمان ماشى مع الفستان
رقية : طب تفتكرى........
سارة: فيه يا رقيه بقى ، ما خلاص قولنا حلو ومش محتاج تغيير ؛ الموضوع مش مستاهل يا حبيبتى
رقية : انتى بتزعقى ليا !!
سارة : انا !! لا خالص
سمعو صوت رنين جرس الباب
رقيه : الحقى جرس الباب بيرن
سارة : طب سيبى دراعى هتخلعيه معاكى
رقيه : انتى صاحبه مش جدعه على فكرة ، أشوف فيكى يوم يا سارة
سارة : ولكى بالمثل حبيبتى
..............
والدة رقية : يلا يا رقيه تعالى كلمى أبوكى
رقيه : لا مش هروح لوحدى ، تعالى معايا يا سارة
سارة : آجى معاكى فين يا بت ، انتى اتهبلتى
والدة رقيه : انتى هتدخلى تسمعى بس مش هتتضطرى تتكلمى الموضوع مش مستاهل
رقية : انتى عارفه لما أرجع يا سارة بينا نقاش طويل عريض
والدة رقيه: امسكى الصينيه ادخلى بيها
رقيه : لا طبعا مش لازم امسكها
والدة رقيه : اللهم طويلك يا روح يا بت مش وقتك
رقية : حاضر بس متزعليش
دخلت رقيه إلى الغرفه لم ترفع عينيها من الأرض
رفعت نظرها قليلا لتجد امرأة على مشارف الستين عاما
المرأة وتدعى حنان : ازيك يا عروسة
رقية فى نفسها وهى تضحك أسفل نقابها : عروسه!!! على اساس إنى وافقت لسه !! دا انا كنت هقولهم مش موافقه من غير ما اعرف أى حاجه
رقيه : الله يسلمك
والد رقيه وهو يوجه كلامه لأحد ما فى الزاوية : احنا طبعا عرفنا عنكم أنكم أشخاص محترمين وكل الناس عرفاكم بسيرتكم العطرة الطيبه واللى مقدر هو إللى هيحصل، حتى لو محصلش نصيب لك مع بنتى فإنت دخلت بيتى وبقيت شخص منه
رقية فى نفسها : هو دا بابا حبيبى ، قلبه طيب وعسل أوى ربنا يخليه
تابع الوالد قائلا : هنسيبكم تتكلمو مع بعض شوية وربنا يقدم إللى فيه الخير
تعلقت رقيه فى ذراع والدها فأزاله برفق
خرج الجميع من الغرفه ولم يبقى بها سوى اثنين
رقية وشخص آخر مجهول الهوية
دقيقه، دقيقتان ، حتى صارو عشر دقائق ومازال الصمت يخيم فى أرجاء الغرفه
رقيه: انا خارجه
...... : استنى بس نتكلم شوية
رقيه : لا لا انا مش هتكلم أصلا انا كنت هسمع بس
...... : ماشى اقعدى واسمعى من غير ما تتكلمى
جلست رقيه وبدأ هو الحديث قائلا : اسمى حمزه، مهندس مدنى وطبعا سمعتى عنى زى ما الناس ما بتقول إنى شخص محترم و ...
قاطعته رقية قائلة : الحقيقه إنى مسمعتش عنك خالص
حمزة: ماشى إنتى مسمعتيش عنى خالص فاسمعى بقى ومتقاطعيش
انا مهندس مدنى وعايش انا ووالدتى والدى متوفى وطبعا زيى زى غيرى من الشباب روحت لبنت واتنين وتلاته وعشان اكون صريح كنت بترفض منهم كلهم
يعنى انا إللى مكنتش بعجبهم مش العكس
لأن أى بنت بروح لها بقول لها على الأساس إللى هنعيش فيه سوا لو حصل نصيب
فأنا هقول لكى إللى كنت بقوله لهم قبلتى كان خير مقبلتيش يبقى " عسى أن تحبوا شيئا وهو شر لكم "
ثم تابع قائلا :لو حصل بينا نصيب وروحنا نجيب دهب لكى انا مش هلبسك حاجه والدتى هى إللى هتلبسه لكى ، لأنك لسه أجنبيه عنى وحرام امسك ايدك
- مفيش كلام بينا على الموبايل إللى هو الكلام بالساعات والسهر بالليل لأنك لا تجوزى ليا ؛نقدر نتكلم براحتنا بس بعد كتب الكتاب
- مفيش كلام على الشات على أى مواقع التواصل الإجتماعى لأن زى ما قلنا حرام لأنك أجنبيه عنى
- هنعمل كتب كتاب صغير ندعى فيه الأقارب والجيران ومفيش داعى للفرح والحاجات إللى بتحصل دى
دا كله قبل الزواج، لو حصل نصيب بقى واتزوجنا
- والدتى هتعيش معانا وهتعامليها بود واحترام وطلباتها مجابه ، لأن انا بدور على زوجه تشبه امى ولو فى صفه واحده ومعنى انك هتعامليها كويس يبقى انتى كده بتشبهى أمى فى إحترامها وتعاملها الطيب مع الناس
- طبعا البيت هيكون مملكتك مش هسألك عن ابوكى جاب لكى ايه او انتى جبتى ايه معاكى
انا هجيب كل متطلبات البيت وعشان ميحصلش بينا زعل أى حاجه ناقصه من البيت اكون عارفها لأن مستحيل آكل حاجه من فلوسك الخاصه ؛ انتى وبيتى ووالدتى ملزومين منى
- البيت له أسراره مش أى حد يعرفها والست المثاليه إللى تحافظ على أسرار بيتها
- مفيش داعى تبصى للى فى ايد غيرك أى حاجه محتجاها اطلبيها منى انا ، دا حقك ولو مكنتش قادر اجيبها لكى هحاول اجيبها وانتى ملكيش رد غير الحمد والشكر لله
- طبعا هنتقاسم حياتنا سوا ، ان كنا فى رغد هنكون حامدين المولى وشاكرينه وان كنا فى ضيق برضو هنكون حامدين المولى وشاكرينه هو إللى قال " إن بعد العسر يسر "
- انا شخص بصلى ومواظب على الصلاة فانتى كمان لازم تواظبى عليها قدر الإمكان النقاب إللى انتى لبساه ده مش هتقلعيه والخمار هيكون طويل شوية
رقيه : فى حاجه تانيه حابب تضيفيها للمحاضرة دى
حمزه : كده خلاص وعارف ان معظم كلامى ضايقك زى ما هو واضح فى كلامك ، اقدر اعتبر أن جوابك وصلنى بس برضو هنتظره من والدك، اتفضلى
.................
خرجت رقيه من الغرفه وذهب حمزه ووالدته
سارة : ها !! حصل ايه
رقيه : ولا حاجه ربنا يقدم إللى فيه الخير
سارة : طب شكله عامل إزاى؟؟ حلو !!
رقيه : معرفش ! مشوفتهوش
سارة : تتك خيبه وانتى زى صاحبتك كده
رقية : بت اتلمى، انتى غلطتى كتير النهاردة
سارة : انا ماشيه يا اختى أهو؛ منتظرين جوابك يا عروسه
رقيه وهى تلقى عليها الزهرية : امشى يا بت من هنا
سارة: يا حرام كسرتى المزهرية ، هروح اقول لأمك وربنا يقدرني على فعل الخير
خرجت سارة فقالت رقيه : هبلة بس عسل وبحبها
............
تمر الأيام والليالي
فى بيت حمزه
حنان : ايه يا ابنى مردوش عليك
حمزه : لسه يا امى ، شكلهم مش هيردو أصلا زيهم زى غيرهم
حنان : اكيد هيردو ان فى الصبر فرج يا ابنى
............
والد رقيه : ايه يا بنتى قولتى ايه فى الموضوع
رقيه : هرد عليك بكرة يا بابا
والد رقيه: ماشى يا بنتى
ذهبت رقيه لتصلى استخارة ونامت من بعدها
إذ بها إلى فى المنام أنها تؤدى العمرة وبجانبها شخص ما ؛ لحظة ، اثنتان، واتضحت صورة الشخص لم يكن مألوف كثيرا بالنسبة لها عرفته من مناداة أحد الأشخاص له باسم "حمزة "
استيقظت من نومها وذهبت لخبر والدها بموافقتها
.............
والد رقية : السلام عليكم
حمزه: وعليكم السلام ورحمة الله وبركاته
والد رقيه: إن شاء الله يا ابنى تيجو تتغدو معانا انت ووالدتك
حمزه : ايه المناسبه يا عمى ؟
والد رقيه: خلاص يا ابنى رقيه وافقت
حمزه : بجد !!
والد رقية : اه هو انا ههزر برضو
حمزه : ماشى ان شاء الله هتكون عندكم بكرة
انتظرو الجزء الثانى.......
ندى عماد
