فرحه وشيرين بصدمه وهما تنظران إلى بعضهما : نعم يا أختى ؟
آيه : فى ايه ؟
فرحه : خدى هنا يا بت هو مين دا إللى بحبه ؟
آيه : بلاش تكذبى عليا يا فرحه أنا سمعتك وانتى بتقولى لشيرين انك بتحبيه
فرحه : محدش يحوشنى عن البت دى ؛ أنا جبت سيرة حمزة فى الموضوع
شيرين بتوتر : انتى فاهمه غلط يا آيه
آيه : محدش يتكلم نروح الأول عشان وقفتنا كده مش حلوه
فرحه : قدامى يا أختى ، وانا إللى كنت بقول عليكى ذكيه !
آيه : متغلطيش عشان انتى عارفه إللى هيحصل
شيرين : ما تبطلوا بقى انتو كبار
ساروا قليلا حتى وقفت فرحه قائله : هو انتى صح رفضتى عشانى
آيه : لا ! أنا قلت بس هتصدق بيه لكى بس مكنتش اعرف إنى فاهمه غلط
فرحه : يعنى رفضتى وانتى مفكره إنه صح ، وضيعتى سعادتك عشانى
احتضنتها فرحه لتقول آيه : وسعى كده احنا فى الشارع
شيرين : مشهد مؤثر أوى ، عشان كده بقى حمزه مشى
آيه بحزن : ربنا معاه
............................
وصلوا إلى المنزل
آيه : احكوا بقى إللى حصل
شيرين : روحى هاتى اكل الأول
فرحه : ايوا انا جعانه أوى
آيه : والله لو ما نطقتوا انتو أحرار
فرحه بجديه : بصى يا آيه
آيه : بصيت أهو
فرحه : منكرش إن حمزه شاب كويس وذو خلق وأنا بصراحه كنت معجبه بيه بس دا مجرد اعجاب مش حب انا بحب حد تانى
آيه : بجد ! يعنى انتى مش بتحبيه ، طب مين الشخص المقصود ؟
فرحه : بلاش تطفل عشان دا سر ؛ بس هينفع بإيه بقى الكلام ده دلوقتى ما حمزه مشى
آيه : معاكى حق
شيرين : روحى هاتى الأكل يا آيه
ذهبت آيه لتحضر الطعام
لتقول شيرين لفرحه : الكذب حرام يا فرحه
فرحه : يعنى كنتى عايزانى اقولها ايه ؟ مينفعش اقولها إنى كنت بدأت أحبه ، وبعدين هى بتحبه وهو بيحبها خلاص موضوع منتهى ، حمزه لآيه وآيه لحمزه اما انا بقى هيحبنى السلطان
شيرين : برغم إنك هبله إلا إنى بحبك اوى ، وفخوره بيكى جدا انتى وآيه وانى عندى اصداقاء زيكم يهمهم سعادت غيرهم أكتر من سعادتهم
احتضنتها شيرين فدخلت آيه بالأكل لتقول بمرح : خيااااانه ؛ حضن من غيرى
فرحه : بس يا مفسدة اللحظات السعيده
شرعوا فى الأكل لتقول شيرين : الأكل جميل وأكيد مش انتى إللى عملاه
فرحه : بس انتى مقولتيش يعنى يا آيه إنك بتحبى حمزه أوى كده
آيه : احنا هنسكت بقى والا هنزعل من بعض فى آخر تجمع فى بيتنا
شيرين : قصدك ايه ؟
فرحه : ايوه قصدك ايه ؟ بتطردينا يا بت ؟!
آيه : لا ، بس إبراهيم أخويا راجع بكره من سفره وانتوا مش هترضوا تيجوا عندى وهو موجود
فرحه : البت دى بتتكلم صح
شيرين :نبقى نشوف بعض فى المسجد ما احنا هنروح سوا
فرحه : ماشى ، إنتى ملاحظتيش حاجه يا آيه ؟
آيه : ايه ؟
فرحه : قصة حبك طلعت حزينه زى ما كنتى عايزه، عارفه انى السبب آسفه
آيه : دا قضاء وقدر اكيد خير
شيرين : طب يلا نمشى بقى يا فرحه
.....................
أتى إبراهيم أخو آيه من سفره ومر اسبوع بأكمله وآيه حزينه بعض الشىء
فى طريق عودتهم من المسجد
آيه : حاسه إنى هقابل حد
فرحه : حد مين ؟
آيه : مش عارفه
شيرين : بطلوا هبل ويلا انجزوا
وصلت آيه إلى منزلها فدخلت قائله بمرح : ماما انا جيت
إبراهيم : خدى يا آيه عايزك
آيه : خير
إبراهيم : مين البنت إللى كانت معاكى تحت دى
آيه : كان معايا أتنين
إبراهيم : فيه واحده بتلبس زيك بالظبط وواحده مختلفه
آيه : اه المختلفه دى شيرين طريقة نقابها غيرنا
بس انت بتسأل ليه ؟
إبراهيم : مفيش حاجه
آيه : شكله فيه حاجات
إبراهيم : أنا رايح اصلى
آيه : هسأل سؤال فكر فيه على ما تتوضا وتخلص
إبراهيم : قولى
آيه : يقال أنها الغميصاء ؟؟
..........
استمعوا إلى صوت طرقات على الباب
الوالده : افتح يا إبراهيم !
آيه : إبراهيم بيصلى يا ماما ؛ هفتح أنا
فتحت الباب لتقول بصدمه : انت ؟
.........: قل للمليحة بالخمار الأسود ، ماذا فعلت بناسك متعبد ، قد كان شمر للصلاة ثيابه ، لما وقفت بباب المسجد ، ردى له صلاته وصيامه لا تقتليه بحق دين محمد !
صلوا على نبينا محمد
انتظروا الجزء الرابع
اسكريبت " فى الجنة نلتقى"
ندى عماد
