😂😂😂😂😂😂
.....: انجزى يا إيمان عشان نلحق نروح قبل معاد الحظر
إيمان : براحتى يا أختى
سارة : براحتك خالص ولما يجى الضباط دلوقتى ابقى ورينى لسانك ده هيتكلم إزاى
طلعت إيمان لسانها فى حركه طفوليه وهى تقول : أهو لسانى وبعرف أتكلم مبخفش من أى حد
آتاها صوت من خلفها قائلا : بتعملى ايه فى الوقت ده يا آنسه ؛ مش فيه حظر
إيمان بنبرة استعطاف وهى تقول لسارة : اوعى تقولى ان ده صوت ظابط
أومأت لها سارة ؛ فتابعت إيمان : طب اوعى تقولى انه ورايا
أومأت لها مرة أخرى لتقول : يخربيت لسانى إللى مودينى فى داهية
التفتت له لتقول : هو انت حقيقى والا ظابط من بتوع الكرتون
ضربتها سارة قائلة : هتودينا فى داهيه
قالت سارة للظابط فى محاولة لتصليح ما فعلته صديقتها : معلش يا حضرت الظابط أصل هى هبلة شوية
إيمان : مين إللى هبلة ما تتكلمى عدل يا سارة
الظابط : طب اتفضلوا روحوا
إيمان : وانت مالك انت ؛ إلا قولى انت متجوز
الظابط : يا مثبت العقل والدين يارب
إيمان : شكلك مجنون وبتدعى عشان تتعالج ، ربنا يشفيك يارب
الظابط : إلا قوليلى يا آنسه انتى خارجه تعملى ايه
إيمان : كنت خارجه اجيب شيبسى وسارة صاحبتى كانت عايزة شيتوس
سارة : أنا معوزتش حاجه ولا هعوز حاجه ، أنا طالعه معاها بس عشان هى جبانه وبتخاف
إيمان : أنا بخاف ؟ إلا قولى يا حضرت الظابط
الظابط : اخلصى قولى
إيمان : انت اسمك ايه
الظابط : انتى هتتصاحبى عليا ؛ غورى روحى بدل ما اجيب البوكس ياخدك
إيمان : هى مش الشرطه فى خدمه الشعب
الظابط : اه
إيمان : ومش أنا شعب وانت شرطه
الظابط : حصل
إيمان : يبقى تكون فى خدمة الشعب وتعزمنا على شيتوس
الظابط : ليه كنتى من بقيت أهلى
إيمان : قول يارب ؛ يارب اكون من بقيت اهلك
الظابط : هو مش انتى شعب وانا شرطه
إيمان وهى تقلده : حصل
الظابط : ومش القانون بيقول نحترم الشرطه
إيمان وهى تصطنع التفكير : محصلش
الظابط : لأ حصل
إيمان : محصلش
سارة : متأسفين يا حضرت الظابط احنا هنمشى خلاص
الظابط : يستحسن متطلعيش انتى وصاحبتك دى تانى
التفت الضابط وبينما هو على وشك الإنصراف تمتم : والله مجنونه
لكن سرعان ما ابتسم على جنونها
استمع الى صوتها قائله : إلا مقولتش انت اسمك ايه يا حضرت الظابط
ابتسم قائلا : محمود
إيمان : اسم حلو خالص ؛ كده بقى نحترمك يا حضرت الظابط
رفعت يدها وهى تؤدى تحية الشرطه
إيمان : هتيجى عندنا وقتيه يا اسطا محمود
محمود : وانا اجى عندكم أعمل إيه ؟
إيمان : عشان نتكلم فى أمور الفرح وكده
محمود : فرح مين ؟
إيمان : فرحى انا وانت
محمود : مبروك ؛ لكن سرعان ما أدرك ما قالته ليقول : انتى ومين يا أختى
إيمان : أنا وأنت
محمود : خدى يا آنسه صاحبتك الهبله من هنا أحسن
تركهم وذهب بعدما تأكد انهم ذهبوا
وبينما هم يصعدون الدرج قالت سارة : عجبك كده ؟
إيمان : كنت بتوهه وبفهمه ان احنا هبل عشان ميقبضش علينا
سارة : فالحه يا أختى
إيمان : بس الواد ده عسل
سارة : يا بت اخرسى ، دا ظابط
إيمان : طب اطلعى نكمل خناق فوق ومش هديكى شيبسى يا سارة
سارة : انتى متأكده إن عندك 20 سنه
إيمان : بيقولوا كده بس أنا متأكدتش
ضحكت عليها سارة ودخلت كل منهم إلى بيتها
وقفت إيمان فى شرفتها فلمحت مجموعه من الضباط : يا حضرت الظابط
التفت لها لتقول : لا ولا حاجه كنت بشوف حاجه
الظابط : إلا انتى اسمك ايه ؟
إيمان : اسمى إيمان ، ليه ؟ هنعمل فرح ؟
زفر بحنق لكنه ضحك عليها قائلا : هو والدك بيكون فى البيت وقتيه
إيمان : موجود على طول أما انت غريب بشكل وبتسأل أسئله غير منطقيه الصراحه
الظابط : ماشى يا ستى
إيمان : تاخد شيتوس
الظابط : شكرا
إيمان : طب بونبونى
الظابط : قولت شكرا
إيمان : شكرا شكرا
تنحنح الضابط بحرج قائلا : تقبلى تدخلى سجنى زى ما اقتحمتى حياتى
إيمان : قول والله كده
الظابط : والله
إيمان : ايوه أيوه هدخل سجنك انت خطفت قلبى أصلا وهناكل شيتوس سوا وهنعمل حفله فى عربية البوكس
ضحك عليها
لتقول هى " أردته مختلفا فأقحمنى بسجنه ؛ وبدلا من سوارا يحيط يدى أخذت حديدا يربطنى به "
😂😂😂😂😂😂
ندى عماد
