الجزء الثانى من اسكريبت" على نهج الحبيب نسير"
أسماء :- ايه كل الكتب دى ؟
إسراء: دى الكتب إللى جمعتها طول حياتى ، عن الصحابة والصاحبيات
أسماء : ومالك حطاهم كده ليه ؟
إسراء: عشان انا قررت إنى هعمل مسابقة للأولاد
واوزع جزء منها عليها
أسماء : طب يلا بسرعه عشان مش نتأخر زى كل مرة و تقولى أسماء
................
إسراء : السلام عليكم ورحمة الله وبركاته
رد عليها الشيخ السلام لتقول : أنا عندى فكرة
الشيخ : قولى يا إسراء
أخرجت إسراء الكتب قائلة : أنا هعمل مسابقة للأولاد والفائز هياخد جائزة من الكتب دى
الشيخ : فكرة ممتازه
دخل عليهم أحد ما فجأة وألقى عليهم السلام
رد الشيخ السلام ليقول : خير يا ابنى
.......: أنا كنت حابب اتعلم علم العقيده وحفظ القرآن الكريم
الشيخ : كويس يا ابنى
.......: وجيت عشان حضرتك تعلمنى
الشيخ : أنا بكون موجود هنا من بعد العصر عشان التحفيظ ؛ انا موجود بعد كل صلاة لكن التحفيظ بعد العصر
.........: ماشى وانا موافق
الشيخ : اسمك ايه ؟
........: اسمى يُوسف
الشيخ : ربنا يجازيك خير يا يُوسف
تابع بضحك : بضم الياء
أسماء بهمس : مش هو دا إللى كان هنا امبارح
إسراء بهمس أيضا : ايوا هو ، اسكتِ خالص
الشيخ : روحى انتى يا إسراء نفذى المسابقة إللى قولتى عليها
إسراء: حاضر
يوسف : ينفع أسمع الأسئله بس
الشيخ : ماشى ؛ هاتى الأولاد هنا واسأليهم
...........
إسراء بمرح : كيف نرد السلام يا أولاد ؟
الاولاد : وعليكم السلام
إسراء : وماذا نقول فى حضور الشيخ ومدرسنا الفاضل
الأولاد : أطال الله عمرك وأسكنك الفردوس جزاء لتحفيظنا كتاب الله
إسراء : وماذا نقول بوجود شخص جديد ؟
الأولاد : أنرت ، وأهلا بك فى دار تحفيظ " على نهج الحبيب نسير "
إسراء : ايه رأيكم نعمل مسابقة والفائز ياخد جائزة
تابعت بمرح : هل أنتم مستعدون
الأولاد : دائما وأبدا مستعدون فيما يخص ديننا الحنيف
إسراء : أول سؤال ؛ من الذى يطلق عليها جدة العرب ؟ من منكم يعرف الجواب !؟
أذنت لأحد الأولاد ليقول : هاجر زوجة الخليل ووالدة أبو العرب إسماعيل رضى الله عنهم جميعا
إسراء : أحسنت أيها الصغير
تابعت : من الذى قتله النبى صلى الله عليه وسلم بأحد ؟
صمت الأطفال لتقول بحزن : ألا يعلم أحدكم الجواب
يُوسف : أبى بن خلف
إسراء:أحسن.....
صمتت لتقول بغضب : إنها أسئله خاصة بهم ؛ اصمت واستمع فقط
إسراء :- من هو أول من غزا فى سبيل الله؟
بسمة:- حمزة بن عبد المطلب عم النبى
إسراء : أول من عقد رآيه فى الإسلام ؟
أذنت لأحد الأطفال : حمزة بن عبد المطلب أيضا عقد له النبى صلى الله عليه وسلم أول لواء فى الإسلام أما أول رآيه فكانت لعبيده ابن الحارث
إسراء : أبى المساكين ؟
بسمه : جعفر بن أبى طالب
إسراء : أم المساكين ؟
بسمه: زينب بنت خزيمه
إسراء: ذات النطاقين
بسمه : أسماء بنت الصديق
إسراء : دعا النبى صلى الله عليه وسلم الله بأن يعز الإسلام بإحدى العمرين ؟ فمن وقع عليه الخيار
بسمة : الفاروق عمر ابن الخطاب
إسراء : وفى النهاية ماهو شعارنا ؟
الأولاد بفرح : على نهج الحبيب نسير
إسراء : وغدا نكمل المسير
أعطت إسراء الأولاد الجوائز على وعد بإعادة الكره فى الغد
عاد الجميع إلى بيته
..............
بعد يومين
يُوسف : يا ماما أنا عاوز كده
والدة يوسف : انت واحد معاك كلية وتعليم أزهرى
ايه لازمته تروح تحفظ القرآن وانت أصلا حافظه وبتحفظه لأولاد اخوك
يوسف : يا ماما عاوز أحفظه تانى
بسمه : اقولك انا الحقيقه يا تيتا
والدة يوسف : قولى يا أختى
بسمه : بيروح عشان يشوف أستاذه إسراء
والدة يوسف : مين دى بقى ؟
بسمه : دى المدرسه بتاعتى وعمو بيكون فرحان وهو بيسمع الأسئله بتاعتها
والدة يوسف : قولتى ليا بقى
تابعت بمرح :- أصابك عشق أم وقعت فى الهوى ؟
يوسف : يا ماما مفيش حاجه
والدة يوسف : طب انا هستنى لما تيجى تقول عاوز اخطبها ؛ والا نروح من دلوقتى
يوسف بشرود : ياريت
أدرك ما تفوه به ليقول : قصدى مش دلوقتى
والدة يوسف بضحك : ماشى
خرجت والدته فأمسك ببسمه وكأنها لص : بقى كده يا بسمة
بسمة : مش انا قولت الحقيقه
يوسف : انتى طفله انتى ؟
بسمة : عارفه انى طفلة عسل
يوسف : غرور آخر حاجه
بسمة : عيب يا عمو ؛ بلاش تتغر الغرور مكروه
يوسف :أمشى يا بسمة
بسمة : وبتطردنى كمان !؟
يوسف : عاوز أنام
بسمة : ماشى تصبح من أهل جنة عرضها كعرض السموات والأرض
يوسف : مين علمك كده
بسمة : أستاذة إسراء لما كنت يكلمها قبل كده بالليل فى التليفون قالت كده ؛ وأنا وهى بقينا صحاب خالص
يوسف : وانتى من اهل الجنه يا بسوم
.........
اسكريبت " على نهج الحبيب نسير"
ندى عماد
انتظروا الجزء التالى
صلوا على خاتم الأنبياء والمرسلين
أنا نويت والنية لله إن فى رمضان بإذن الله ننزل مواقف وجوانب من سيرة عمر الفاروق
بناء على طلب واحده
فكرت انه يكون عمل جماعى انا وكاتبات معايا
ايه رأيكم ؟
والكاتبات إللى موافقه على الفكرة ماشى
مش موافقين يبقى خلاص اكمل انا لوحدى
دمتم موفقين
