مريم : بيرووو
عبير : نعم
مريم : وعندنا فرح حد يصقف يا بنات
ندى : ما تتهدى يا بت انتِ، عملتى صرع فى دماغنا
عبير : المهم فرح مين
مريم : فرحك انتِ طبعا
عبير : بس دا لسه فيه وقت
ندى : معلش احنا عاوزين حد يريحنا من البنت دى فياريت يعنى تاخديها معاكى فى شنطة من الشنط
عبير بضحك : حاضر
مريم : ياريت أنا نفسى أسافر أوى
" نسينا نعرفكم بنفسنا ، عبير دى أكبر حد فينا ، شخصية كيوت كده وقمر اللهم بارك وهى عروستنا المنتظره ، أما مريم فهى بقى الصغنن بتاعنا، أصغر حد وأجن حد، بس مش لوحدها فيه ندى برضو مجنونه بس مش أوى يعنى، اه واحنا أصدقاء على فيسبوك يعنى متقابلناش قبل كده "
عبير : نفسى ألبس نقاب أوى
مريم : وأنا كمان
ندى : ربنا يرزقنا إياه جميعا
مريم : إلا قولى يا ندى إزاى أقنعتى أمك بالخمار
ندى بغرور مصطنع : عيب عليكى تعرفى عنى كده ، أنا مش اقنعتهم أنا أجبرتهم عليه
مريم : شاطره، بس أنا إللى هكون أخت العروسه فى الفرح
ندى : وليه ميكونش أنا
عبير : انتو الاتنين اخواتى
ندى : بس هتبعتى الصور ليا أنا الأول
مريم : لا هيتبعتوا ليا أنا الأول
عبير : ادعولى بس أنجح وأجيب المجموع إللى نفسى فيه
ندى : يارب يا بيرو و نشوفك أحلى عروس بس عشان نرضى جميع الأطراف نعمل قرعه
مريم : لا القرعه بتاعتك دى فاشلة
ندى : نجرب المره دى
مريم : ماشى، خلى عبير هى إللى تسأل
عبير : يلا، أول سؤال
ما الميزة التى امتازت بها الخنساء ؟
مريم بسرعة : أشعر نساء العرب
ندى : طب استنى طيب أسمع السؤال
مريم : صقفة ليا
عبير : أين ولد داود عليه السلام ؟
ندى : بيت لحم
عبير : ما ( دلدل) ؟
ندى : بغلة أهداها المقوقس لرسول الله صلى الله عليه وسلم
عبير : ما خير متاع الدنيا ؟
مريم : المرأة الصالحة
عبير : من الصحابى الذى كلمه الذئب ؟
مريم : حيان بن أوس الأسلمى
عبير : ما السورة التى كانت تسمى الكبرى ؟
مريم : سورة الفرقان
ندى : اللهم بارك ، بس إهدى طيب أسمع السؤال
مريم : كل شىء مباح فى الحرب
عبير : ما المال الصامت وما المال الناطق ؟
ندى : المال الصامت وما الذهب والفضة وما يقوم مقامهما أما الناطق فهو الإبل والبقر والغنم
عبير : تمام ، أحسنتما
مريم : كده أنا إللى فوزت يبقى تبعتى الصور ليا أنا الأول ان شاء الله
ندى : مش محتاجه تبعتى ليا
"طبعا عبير فسرت كلمة ندى على إنها ممكن تحضر فرحها عشان كده مش محتاجه صور بس استبعدت الفكرة عشان دا شىء مستبعد أصلا "
..................
مرت الأيام وعبير امتحنت إمتحانات الثانوية العامة
وحان وقت النتيجة
عبير : أنا قلقانه أوى
ندى : هاتى رقم الجلوس بسرعه وانا هشوف
مريم : ايوه يلا بسرعه على ما اعمل عصير عشان اروق كده
ندى : بيرووووووو
عبير بقلق : خير قولى
ندى : نجحتى
عبير : ما انا عارفه يا غبية قولى المجموع
ندى : شوفى بنفسك
بعتت لها لقطة شاشة بمجموعها، دمعت عبير من الفرحه فما أروع أن تحصد نجاح تعبك وترى ثمار زرعك
مريم : يلا بقى نبدأ نجهز للفرح
ندى : وانتى هتجهزى إزاى ، بيتك مش جنب بيتهم دا انتى فى محافظة تانيه يا أختى
مريم : مفسدة لحظات السعادة انتى
عبير : خلاص مش لازم خناق النهاردة
مريم : طيب
خرجوا كلهم من الشات والست مريم كلمت ندى خاص بيخططوا لكارثة سوا ورجعوا اتجمعوا تانى فى الشات الصبح
عبير : أنا حلمت ان انتو جيتوا فرحى
مريم : ادعى أن احنا نحضر
عبير : يارب
ندى مخففه من حدة الأجواء : ما خلاص احنا هنحضر الفرح فيديو
عبير بضحك : ماشى
عبير انشغلت وأغلب وقتها مش فاضيه هى العروسة بها ، وفى نفس الوقت المجانين التانين بيخططوا و حاجه غير معلومة
وجه يوم الفرح وعبير طلبت من حد يصور كل تفاصيل الفرح عشان تبعتها لهم
فجأة بقى ومن حيث لا تدرى سمعت صوت مريم فكرت انها بيتهيأ لها ، الأضواء انطفأت ورجعت اشتغلت وظهرت مريم و معاها ندى
مريم : عروس كما القمر يضىء المكان، نجمة مضيئة تضىء عتمة قلبى، كوردة حمراء دائما فى ريعان ربيعها
ندى : شمس مشرقة فى الآفاق، شعاع أمل يتسرب فى الظلمات، ونورا وظيفته رسم السعادة على محياى
تجمعت الصديقات ولأول مرة كانوا يشوفوا بعض
وعمت الفرحة المكان
.........
نفسى يحصل كده فعلا 😥
ملهاش عنوان لأنى مش لاقيه عنوان 😁
بعد إما قرأت كوباية قهوة وامسك قلمك واكتب الأسئله إللى ظهرت النهاردة ✍✍
ما الميزة التى امتازت بها الخنساء ؟
👈 أشعر نساء العرب
أين ولد داود عليه السلام ؟
👈 فى بيت لحم
ما ( دلدل ) ؟
👈 بغلة أهداها المقوقس لرسول الله صلى الله عليه وسلم
ما خير متاع الدنيا ؟
👈 المرأة الصالحة
من الصحابى الذى كلمه الذئب ؟
👈 حيان بن أوس الأسلمى
ما السورة التى كانت تسمى الكبرى ؟
👈 الفراقان
ما المال الصامت وما المال الناطق ؟
👈 المال الصامت الذهب والفضة وما يقوم مقامهما أما الناطق فهو الإبل والبقر والغنم
حد الساحر ؟
👈 القتل
وبس كده 😁
صلوا على الحبيب
ندى عماد
