الجزء الثانى من اسكريبت " سأمضي والثبات طريقى "
ريم : يلا يا هدى هاتى كل الهدايا إللى كان أحمد جايبها
هدى : ليه ؟
ريم : هو كده ، احتمال كبير يكون جاى ينهى كل شىء فياخد حاجته بقى هنخليها عندنا ليه
هدى : وانتى ليه متأكده من كده
ريم : عشان أختك مش فتاة احلام شباب اليومين دول
هدى : ليه بس دا انتى عسل
ريم : هددددددى اخلصى وبلاش تثبتينى وتجرى ناعم
هدى : حاضر يا أختى حاضر محدش يعرف يهزر معاكى خالص كده
ريم : ما بلاش عشان لو فتحنا هزار مش هنسكت واحنا جاى لنا ناس بعد شويه
هدى بضحك : معاكى حق
أحمد : يلا يا ماما عشان احنا هنروح عند بيت ريم
الوالده : لسه مصمم برضو على إللى فى دماغك ؟
أحمد : يا ماما صدقينى مش قادر
الوالده : طيب انت حر
وصل أحمد ووالدته إلى بيت ريم
استاذنا للدخول فدلفا سويا ، استقبلهما الوالد ببسمه بشوشه ،لم تعلم ريم بأنهم أتو فكانت تصلى هى وهدى ، وبعد أن انتهوا
هدى : ما تقرأى سورة الفجر كده بصوتك
ريم : مش وقته الناس زمانهم جايين
هدى : بسرعه قبل ما يجو كنت عاوزه اتأكد من احكامها ومخارج حروفها
ريم : طيب يا ستى
قرأت ريم سورة الفجر بصوت عذب لكنه بدا عاليا نسبيا ، كان أحمد على وشك الحديث قائلا : بصراحه يا عمى هو ....
استمع أحمد ووالدته إلى صوت ريم مما قطع أحمد عن حديثه
والدة أحمد : ما شاء الله صوت جميل
والد ريم : اه دا صوت ريم
أحمد : بصراحه يا عمى هو أنا ...
بدأ يرتبك قليلا ولا يعلم ماذا يريد ؛ حائرا تماما ما بين قبول ورفض
أحمد : بصراحه يا عمى كنت حابب اقعد مع ريم شويه بعد اذنك
والد ريم : تحت أمرك يا ابنى
أحمد : الأمر لله
خرج الوالد ليخبرهم فاستغلت والدة أحمد خروجه لتقول : أكيد هى إللى علمتك ترد كده
أحمد بشرود : ها ؟
والدته : مش وقت صدمات !
دخلت ريم وجلست وبعد صمت طال قليلا
أحمد : هو بصراحه يا ريم
قاطعته ريم قائله : مفيش داعى تكمل أنا فاهمه انت عاوز ايه
أحمد : بصراحه انا مش حافظ القرآن
ريم : ربنا يكرمك وتحفظه
أحمد : بس ان شاء الله ناوى أحفظه
ريم : إن شاء الله
أحمد : بس مش لاقى محفظ كويس
ريم : ليه بس فيه ناس كتير بتحفظ للقرآن أهله برضو
أحمد : ما أنا مش عاوز أحفظه عند حد غيرك ، ينفع احفظ برا ومراتى ينفع تحفظنى
ريم : أفندم ؟؟
أحمد : طب انا كلى ذنوب وعصيت كتير ، غلطت كتير وضيعت وقت كتير بس هو هينفع نحفظ القرآن سوا فى بيتنا ؟
صمتت ريم ليقول : هكون حد كويس ، أنا فهمت غلطى خلاص ، وبفكر يكون كتب الكتاب بكره موافقه ؟
أومأت له برفق ليقول : طب الحمد لله
......... : بارك الله لكما وبارك عليكما وجمع بينكما في خير
أحمد : طب هو ينفع أمسك ايدك دلوقتى
لم يجد منها رد فأمسك يدها ، ليقول :طب ينفع اقول كلام حلو
ضحكت على طريقته لتقول هى : ولأن الحلال أجمل كان يستحق الإنتظار ، ويحزننى أن تكون الجنه عرضها كعرض السموات والأرض ولا أكون لى مكان فيها ، فنحو الجنان نسير ، والثبات هو الطريق "
صلو على النبى محمد
الجزء الثانى
ندى عماد
رواية شريفه فى غابة الأسود هتنزل على البيدج 👇👇 وأى اسكريبت بعد كده هينزل البيدج
البيدج بعنوان " الماسه اللامعه "
أحبكم في الله يا أحبتى فى الله
