......: بسرعه يا هاله هنتأخر على صلاة التراويح
هاله: خلاص أنا جاهزه أهو ، يلا يا خديجه
خديجه : مش عاوزين حد يقاطعنا فى الطريق ، فاحنا هنعمل نفسنا مش شايفين حد لحد إما نوصل للجامع
هاله : بسرعه هنتأخر
خرجت الفتيات وبينما هم ينزلون على الدرج
......: استنو رايحين فين ؟؟
خديجه بهمس : بدأنا رخامه
تابعت : رايحين نصلى التراويح ومش ناقصين عطله يا أستاذ معتز
معتز : طب ما أنا كمان رايح ، نروح سوا
هاله بعصبية :نروح سوا بمناسبة ايه
معتز : إهدى يا حاجه أنا ابن عمك ، همشى قدامكم
خديجه : طب يلا يا اخويا
....................
وصلوا بالقرب من المسجد فوق معتز يتحدث مع أحد ما ، ووقفت هاله وخديجه على بعد قريب منه
هاله : يلا ندخل باقى 5 دقايق
خديجه : يلا بس متجريش عشان عيب احنا فى الشارع
هاله : ماشى بس بسرعه
سارة الفتيات بخطوات أشبه بالركض حتى دخلن المسجد ، وما إن فرغ معتز نظر خلفه فلم يجدهن فدخل الجزء الخاص بالرجال
خديجه بمرح : حرما يا شيخه هاله
هاله بضحك : جمعا بإذن الله
خديجه : ايه رأيك نحضر الجلسه إللى الناس بتكون مجتمعه حولها دى
هاله : لا ؛ احنا اتفقنا مع ماما نصلى ونروح على طول
خديجه : هو النهاردة بس
هاله : برضو لا
خديجه : طب هنسمع خمس دقايق ونروح يمكن نستفيد حاجه
هاله : ماشى ، بس هم خمس دقايق عشان مش نتأخر تماما تقلق
......................
جلستا مع الحشد المتجمع فى انتظار بدأ الجلسه الدينيه
خديجه : الحقى ، دا الواد معتز ابن عمك هو إللى بيقدم الجلسه
هاله : يلا نمشى بسرعه
معتز : الآنسه إللى بتتكلم ممكن نبطل عشان نبدأ
حمحمت حرجا وصمتت ، بالطبع لم يكونوا خمس دقائق بل تابعتا الجلسه بأكملها
........................
خديجه : بس الواد طلع ذكى و بيقول كلام حلو
هاله: بطلى كلمة واد ده ، دا أكبر منك يا ام شبر ونص انتى
خديجه : ايه الإحراج ده ، القصر مش عيبه على فكره
هاله : طيب يا أختى
تابعت هاله قائله : لكل شىء قلب يحيا به ، فما قلب القرآن يا خديجه ؟
خديجه : قلب القرآن هى سورة يس
هاله : يدق القلب بخفقات ؛ تزداد نحو من نحب ، فوظيفة القلب أنه يشعر ويحب ؛ فماهو الحب يا خديجه ؟
خديجه : هو قول الحبيب " لا تؤذونى فى عائشه"
هاله : فلنصلى على الحبيب
خديجه : هسألك انا بقى !
هاله : اسألى
خديجه : ما هى النساء الصغرى ؟
هاله : سورة الطلاق
خديجه : ما أول معركه بحريه إسلاميه ؟
هاله : ذات الصوارى
خديجه بضحك : ذكيه انتى يا هاله
هاله بغرور مصطنع : طول عمرى يا بنتى
ضحكت الفتيات سويا على حديثهم
.....................
معتز : يا عمى انا كنت جاى أطلب من حضرتك طلب
والد هاله : اتفضل يا ابنى
معتز : واحد صاحبى طالب القرب فى بنتك هاله
والد هاله : ايه ؟؟ وهو شافها امتى يا ابنى
معتز : مش عارف بس هو كان بيصلى التراويح امبارح وحضر الجلسه معانا
والد هاله : ربنا يسهل يا ابنى ، خليه يجى
معتز : ماشى يا عمى
والد هاله : بس انت واثق من الخطوه دى
معتز وهو على وشك الرحيل : واثق يا عمى !
وخرج وهو عازم على أن يأتى برفيقه غدا
.....................
هاله : نعم يا بابا
الوالد : معتز كان قاعد معايا من شويه وطلب منى طلب
فرحت قليلا ليتابع : هيجى بكره هو وصاحبه و.....
خديجه : تعالى بسرعه يا هاله هوريكى حاجه
هاله : عن اذنك يا بابا هروح أشوف خديجه ؛ أنا فهمت خلاص
الوالد : متأكده انك فهمتى
هاله : اه ، هطلع بقى أشوف خديجه
*************
اسكريبت " تمنيتها فى سجده ! "
انتظروا الجزء الثانى
ندى عماد
صلوا على الحبيب
