اسكريبات ندى عماد

خلق وسلوك

أولا نقرأ المنشور بهدوء وتمعن 😌😌
ثانيا مشاركة عشان غيرك يستفاد مش حابب خلاص ☺☺
ثالثا ادعولى من سبب ومن غير سبب 😁

يلا هنبدأ
كل واحد يجهز كوباية الشاى بتاعته وبعد إما جهزتها انزل اقرأ 👇👇

********خلق وسلوك وطريقة تعامل *******

لما حد يقولك مالك
👈 ليس كل ما بيننا وبين الله ينشر على الملأ

لما حد يقولك " تسلم "
👈 سلمت من كل مكروه وسوء
👈 سلمت وعوفيت

لما حد يقولك شكرا
👈 الشكر لله

لما حد يقولك احلف
👈 لإما تحلف بالله يا إما تسكت خالص
مش عاوز تحلف تقول 👈 لست بحالف صدق أولا تصدق

لما حد يقولك " جميل "
👈 جملك الله فى أعين الناظرين

لما حد يقول " عسول "
👈عسلك الله

لما حد يقولك" أحسنت "
👈أحسن الله إليك

لما تشوف حاجه حلوة
👈 لبيك إن العيش عيش الآخره
اقتداءا بسنة الحبيب صلوا عليه 🤗🤗

لما تشوف حاجه كتيرة أو كبيرة
👈 ما شاء الله ، اللهم بارك

لما حد يقولك وحشتنى
أنا عن نفسى بقول 👈 لا أوحش الله قلبك

                        "الكلمة الطيبة صدقة "

طب كل ده اسمه ايه ؟
اسمه خلق وسلوك وطريقة تعامل
....................

اقعدوا لسه مخلصناش ، هاتو كوباية شاى تانيه 😒😒

مفيش حاجه اسمها مرتبطة
المرأة المسلمة إما متزوجة أو مخطوبة أو ميته 😁

ومفيش حاجه اسمها مرتبط
الرجل المسلم إما متزوج أو مخطوب أو ميت 😁

لا نعرف الربط إلا للدواب أكرمكم الله يا بنى آدم

هتطلع واحده فيلسوفه أو واحد ذكى يقول أو تقول
أصل مامى وبابى عارفين وكمان أصل ابن طنط فلانه بيعمل كده هو كمان

👈 الحرام حرام حتى لو مامى وبابى عارفين وحتى لو محروس جاركم بيعمله ، أصل محروس لو قالك ارمى نفسك فى البحر هترمى نفسك 😒😒

هتيجى واحده تقولى أصل أنا بحبه
👈 الحلال أحلى ، قولى " اللهم إنى استودعتك حبى لفلان "
عارفه لما حد بيحط وديعه عندك يعنى أمانه بتكونى حريصه عليها أوى فما بالك بوديعه أودعتيها عند ربك

خطيبك يا سكر مينفعش تاخدى إذنه ولا يصرف عليكِ ولا له يأكلك
👈 خطيبك أجنبى عنك يعنى زيه زى عمو عبدو البقال ، إذنك من والدك وانتى مسئوله من والدك لحد عقد القران

مينفعش تقعدى طول الليل تكلمي خطيبك وشغل الرومانسية الفاشله دى
👈 الخطوبة ما هى إلا وعد بالزواج ، طب افرض الخطوبة فشلت 🤔🤔

طب دا اسمه ايه ؟
اسمه إنك واحده مسلمة ملناش دعوة بعادات الغرب

صلوا على النبى
.................
رايحين فين لسه مخلصناش 😒😒 هاتو كيس لب واقعدوا مكانكم 😁😁

علموا أولادكم ✍✍
👈 علموهم يلقوا السلام وهم ماشين ، وإن هى دى تحية الإسلام مش هاى وفاى وباى
👈 بدل ما تحكى له قصة الأرنب والسلحفه احكى له عن عمر بن الخطاب رضي الله عنه وكيف كان عهد الرسول
👈 علموهم يلعبوا اه ويعملوا كل حاجه هم عاوزينها بس مواعيد الصلاة لا يمكن وأن تخلف
👈 لما تكون رايح تصلى وحد يسألك رايح فين
زوق كلامك 😁
يعنى بدل ما تقول رايح اصلى قول 👈 رايح ألتقى بربى
حبب أخوك أو أختك أو طفلك فى الصلاة
👈 علموهم إن الغيبة والنميمة حرام ومتقعدش تحكى عن فلان عمل كذا وكذا قدامه
👈 علموهم إن ميعملش زى حد ولا يبص لحد
علموهم بالرضا ودايما احمدوا ربنا قدامهم
👈 تلاوة القرآن شىء هام فجملوا القراءة بأصواتكم الحسنة
ابنك لما يسمعك بتقرأ بصوت حلو هيكون عايز يكون زيك
👈 وكمان مينفعش طفل يبقى عنده 10 سنين وفاتح واتس وفيسبوك وسوشيال ميديا😒😒
هو احنا متأخرين من شويه 🙁
هيطلع واحد يقول انا عامله عشان يستفاد
    👈يبقى تفضى نفسك وتقعد معاه تشوفه ماشى إزاى هل فعلا بيستفاد صح من التكنولوجيا دى والا لأ
👈 صاحبوا أولادكم خليهم لما يعملوا حاجه غلط يجى يقولها بنفسه
👈انت مش مضطر تراقب ابنك أو بنتك عرفه إن ربنا مطلع على كل شىء وأن كان بيخاف منك فربنا أحق إن كلنا نخاف منه ونخشاه
👈 علموهم إن الكلمة الطيبة صدقة وتبسمك فى وجه أخيك صدقة

☘☘ نريد رجالا للمستقبل كفاية مش عارفين نفرق بين ولد وبنت 🌺🌺

اذكروا الله يذكركم فى علياه
............ ....

رايحين فين 🙄🤔
لسه نقطة مهمه هاتو كيس شيبسى وارجعوا اقعدوا

واحده هتقولى بتقولى كده بناء على ايه ؟
👈 مش انا إللى بقول والله دا إللى موجود فى الشرع " من رأى منكم منكرا فليغيره "

هتيجى واحده تانيه تقولى عاملة نفسك حاجه أوى ؟
👈 هقولها ربنا يكرمنى يارب وأحج واوعى تقلقى هجيب لكى معايا ماية زمزم 😁😁

هسمع واحده من إللى قاعدين بتقول عامله نفسك ستنا الشيخه ؟
👈 ايوه وهعمل عمره قريب

وبس كده خلصنا 😁😁😁

* هى دى كل الدروس المستفادة من الإسكريبات **
.....................

أشوفكم فى الإسكريبت الجديد قريب
أرآكم قريبا
أحبكم فى الله
ندى عماد

https://sarahaa.com/w/7699335
ودا لينك صراحه إللى مش عاجبه الكلام ومكسوف يغلط فى التعليقات صراحة هتكون ستر وغطا عليك وعلى كلامك 😂😂😁