الجزء الثالث
سهام بفرح : شايف مش قولت لك مش هيجى ، يلا بقى هات ليا شوكولا
محمود : وانتى ليه متأكده كده
سهام : خلاص المغرب مقرب يأذن وهندخل فى وقت من الأوقات المكروه الزيارة فيها
محمود : ولو، مش هيأس برضو، زمانه جاى دا حتى بابا مستنيه
سهام بضحك : اما نشوف
صلى جميعهم صلاة المغرب فى جماعه فاستمعوا إلى صوت جرس الباب ، فتح محمود الباب ليقول : اتفضل يا أستاذ
تركه جالسا مع والده ودلف للداخل قائلا لسهام بغيظ : يلا يا سهام بقى هتكوى ليا الهدوم لمدة شهر وهاتى ليا عصير
سهام : دا اسمه ظلم
محمود : مش كنت هجيب لكى شوكولا لو مكنش جه فعلا
سهام : انت تجيب لكن انا مش بجيب
محمود : لا هتجيبى وعصير تفاح كمان
سهام : اتشرط اتشرط ، أشوفك فى نفس الموقف ان شاء الله ، الجيات كتير وبعدين أصلا هو مرفوض
محمود : مرفوض ليه بس اقعدى معاه وربنا يسهل
سهام : مرفوض مرفوض مرفوض وهقول له كده
محمود : بصراحه لازم يتحمل طريقة غلطه مش عارف لحد الآن لسه مصمم على الموضوع ده ليه
سهام : انا بقول تروح تقعد معاهم أحسن
محمود : فعلا انا خايف على نفسى
دخلت سهام لتجلس معه
بدأت هى الحديث : فهمت انا انت جاى ليه ، جاى عشان لما نكون فى المنافسة تكون خطيبى وأضحى عشانك
محمد بتفكير : وجهة نظر برضو، بس مش كده لا أنا واثق فى نفسى إنى اقدر أفوز
سهام : طب اما نشوف ، ما السورة التى شيعها ثلاثون ألف ملك ؟
محمد : الفاتحه ويونس
سهام : ما آخر آية فى القرآن الكريم ؟
محمد : " من يعمل سوءاً يجز به "
سهام : ما السورة التى سماها الإمام الغزالى بسورة التقوى ؟
محمد : سورة البقرة لأن لفظ التقوى ذكر فيها أكثر من 20 مرة
سهام : ماشاء الله ، معلوماتك ممتازة
محمد : أسأل انا بقى
سهام : مش لازم يعنى كفايه انا سألت
محمد : ليه خايفه ؟
سهام بغرور مصطنع : لا طبعا ، اتفضل اسال عشان لما أرفضك يبقى أرفضك بضمير
محمد : السورة التى سميت بالدافعة والقاضية ؟
سهام : يس~
محمد : سورة العبادة ؟
سهام : الكافرون
محمد : من هو الصحابي المقصود فى قوله صلى الله عليه وسلم " إن الله أمرنى أن أحبك وأنبأنى بأنه يحبك "
سهام : المقداد بن عمرو
محمد : كده اخاف منك ومن معلوماتك
سهام : طيب انا خارجه
محمد : طب مفيش اى أسئله تانى
سهام بعصبيه : هو سؤال واحد ، انت بتحب الكلام كتير ليه دون داعى بتكلم كل الناس كده ؟
تركته وانصرفت
محمود : يا عينى عليه طيب والله وميستهالش كده
سهام : اسكت انت ، أنا مش مستريحه له أصلا من يوم ما كلمنا
محمود : طب ما تجربى تصلى استخاره
سهام : طيب
اجتمعت سهام ونورا مكان المنافسة
نورا : الحقى دا جاى
سهام : خليه يعملها كده
نورا : خلاص ظلمناه
سهام : طب يلا عشان باقى خمس دقايق نتقابل بعد المسابقة
نورا : بالتوفيق
خرجت سهام من المنافسة فقابلت نورا
نورا : عملتى ايه
سهام : خسرت
نورا : تتعوض إن شاء الله حتى انا برضو خسرت
ضحكتا معا
فرأت سهام محمد قادما لتقول : طب اروح اكلمه
نورا : لا دى فكرة سيئه
أتى محمود ليأخذ أخته لتقول سهام له : روح قول لأستاذ محمد إنى موافقه
محمود : قولى والله كده
سهام : هو فى ايه متفاجئ أوى كده ليه
محمود : يعنى خلاص هنخلص منك
سهام : يا ابنى بلاش احنا مش بيتنا
طب هتصل ببابا الأول وأشوف رأيه عشان ممكن يقولى اعزمهم وكده
أومأت ثم انتظرت أخيها حتى يعود
رأته وهو يتحدث مع محمد ، رأت ابتسامة محمد ومن ثم أقبل محمود عليها
سهام بفضول : ايه إللى حصل
محمود وهو يعطيها ورقة : قالى اديها دى
فتحتها سهام لتقرأ بها " ماذا لو كانت خصمك فى منافستك ومن بعدها أصبحت زوجتك، أم ماذا لو كانت سهام تُرمى فتخترق قلبى "
محمود : ايه إللى مكتوب
سهام : وانت مالك دا سر
محمود : طيب يا أختى
تطلعت إلى أثر ذهابه فلمحته عن بعد ، بادلها البسمه لتنظر فى الأرض
محمود : عمرى ما كنت اتخيل إنى اشوفك فى موقف زى كده
سهام : لنا نقاش لما نروح
وهكذا انتهى اسكريبت " هيا إلى موعد اللقاء "
ندى عماد
أراكم قريبا 🤗
فيه أستاذة قالت فى التعليقات إنى أجمع كل أسئلة الإسكريبات فى بوست مجمع ، حاولت أعمل كده بس هتاخد وقت كتير ومشقه إنى اقعد أقرأ الإسكريبات القديمه عشان اطلع المعلومات إللى فيها وكمان فكرة الإسكريبات مش معلومات وأسئلة بس لا دى كمان سلوك وطرق للتعامل وبعض الإسكريبات بتكون أحكام ، فالأفضل الإسكريبت يتقرأ
ندى عماد 🙂
