......: داليا ! هو أنا كنت عاوزه أقول لكِ على حاجه
داليا : قولى هاجر
هاجر : بصراحه متوتره وخايفه أتكلم معاكى
داليا بمرح : احنا اخوات قولى عادى
داليا : أنا اتعرفت على واحد فى جروب كده وقال انه بيحبى والكلام ده
داليا : اه وبعدين !
هاجر : بنتكلم حاليا على الماسنجر وبيتصل بيا وكده
داليا : وطبعا بعتى له صورتك والشغل إللى بيحصل ده
هاجر بخوف : بصراحه اه !
داليا بعصبيه : انتِ اتجننتى يا بت انتى ، إزاى تعملى كده
هاجر : والله يا داليا مش بنتكلم فى حاجه غلط كأننا أصحاب بس
داليا : الفكره نفسها غلط ، انك تكلميه على برنامج المراسله دا حرام ، حتى لو بيحفظك القرآن حرام برضو ، وبعدين من امتى والولد والبنت ينفع يكونو أصحاب ؟ انتى متخيله فكرته عنك هتكون ايه؟
هاجر : بس هو قال انه هيتجوزنى أول ما يرجع من الجيش
داليا بسخريه : مش هيحصل إللى عاوز حد بيروح من الباب مش من الشباك زى الحراميه
هاجر : يعنى ايه ؟؟ قولى رأيك فى الموضوع ؟
داليا بهدوء : الفكره دى غلط برضو يا هاجر ، أنا قولا لكى رأيى وانتى حره أعملى إللى ريحك
..........................
مريم : ألو
........ : مش بتردى بقالك فتره ليه ؟
مريم : بصراحه انا خايفه من الموضوع بتاعنا ده يا يوسف
يوسف : ليه بس ؟؟
مريم : كل الظروف بتقول إنه غلط وحرام وأنا بصراحه مش عاوزه أعمل حاجه حرام
يوسف : قصدك ايه ؟
مريم : مش هينفع نكمل
يوسف : طب ممكن يوم تفكرى فيه بس يمكن يكون عندك رأى تانى
مريم : تمام هقول لك رأيى النهائى بكره
..............
يوسف : عارف البنت مريم إللى كانت فى الجروب ؟
احمد : مش دى إللى انت ارتبطت بيها
يوسف : ايوه
احمد : مالها بقى
يوسف : قالت النهاردة انها مش هينفع تكمل معايا
أحمد : أكيد شافت حد غيرك
يوسف : ممكن ! بس دى مش كده
احمد : لا هتلاقيها كده ، تلاقيها زهقت منك وشافت حد غيرك
يوسف : وايه إللى خليك تفكر كده ؟
احمد : مهو يا صاحبى زى ما كلمتك اكيد كلمت غيرك
يوسف بتأييد : معاك حق
احمد : طب هتعمل ايه ؟
يوسف : هتفكر اليوم ده و تقول رأيها النهائى
احمد : وان سابتك !
يوسف بضحك : عادى يعنى هى مش اول بنت أكيد فيه غيرها
وضحك الإثنان سويا
" ملحوظه هى دى نظرة الشباب فعلا تجاه البنت إللى بتعمل كده وسمعت بنفسى وانا فى المواصلات واحد بيتكلم مع صاحبه "
.....................
داليا : ها ! عملتى ايه ؟
مريم : اقترح عليا افكر تانى لمدة يوم وانا وافقت
داليا بغضب : بتوافقى ليه ؟ المفروض انك خلاص قررتى ومش محتاجه تفكرى تانى
مريم : إللى حصل بقى
داليا : طب تمام انتى حره ، أنا حياتك وخلاص
بعد فتره من ذهاب داليا اتصلت بها مريم
مريم بدموع : داليا أنا مخنوقه أوى ممكن تيجى ليا
وآسفه على إللى حصل مكنش قصدى
داليا : طب انا جايه
وصلت داليا بالفعل إلى منزل مريم
داليا : عارفه انتى ليه مخنوقه ؟ عشان بتعملى حاجه غلط وانتى متأكده انه غلط
مريم : بس انا بحبه
داليا بسخريه : بتحبيه ايه ؟ دا مجرد سراب ؛ فوقى قبل ما تكونى حطب لجهنم
صمتت مريم قليلا فتابعت داليا بهدوء : اتصلى بيه دلوقتى قدامى وقولى له انك خلاص فوقتى ومش هينفع تكملى فى إللى بيحصل ده
أمسكت مريم الهاتف انتظرت قليلا قبل أن تجيب
مريم : ألو
يوسف : فكرتى كويس ؟؟
مريم : اه
يوسف : ووصلتى لإيه ؟
نظرت مريم لداليا قائله : ..........
حلو اوى كده
كفايه لحد كده
مش لاقيه اسم برضو 😂😂
لها جزء تانى ان شاء الله
أراكم قريبا
ندى عماد
