الجزء الثانى من اسكريبت
" تمنيتها فى سجده !"
خديجه بفضول : ابوكى كان عاوز ايه ؟؟
هاله : وانتِ مالك ؟؟ دى أسرار دول
خديجه : دول ايه !؟ دا تلاقيكى بتقولى له هات شوكولا
هاله : لا يا أختى ، دا معتز كان ....
خديجه : وقعتى بلسانك ، كملى !
هاله : معتز جاى بكره
خديجه : وايه الجديد
هاله : هيجى بس عشان حاجه تانيه ، فاهمه انتى لما حد يروح يتقدم لحد
خديجه بضحك : معتز وانتى ، صحيح انتو شكل بعض أصلا وكلامكم زى بعض و......
هاله : خلاص يا أختى ، إهدى ، محسسانى ان الفرح الصبح
خديجه بفرح : والله وكبرتى يا بت يا لولو
هاله : أنا الكبيره على فكره
خديجه : تصدقى صح !
ضحكت الفتيات سويا
............................
معتز وهو يتحدث على الهاتف : ماشى هستناك بكره إن شاء الله
....... : طب ادعى أن الأمور تمشى كويس دا انا صاحبك برضو
معتز : يا أخى عمى راجل طيب ولو الأمور تمام مش هيمانع
...... : طيب سلام
أتى الصباح واجتمع معتز وصديقه فى منزل هاله ومعهم والد ووالدة صديق معتز
معتز وهو يحدث والدها : دا حازم صاحبى يا عمى واحنا جينا على حسب معادنا امبارح
الوالد : منورين يا ابنى !
حازم : بنورك يا عمى ، انا هحكى لحضرتك على كل حاجه ويارب الأمور تتوفق
الوالد : خير إن شاء الله
.............
الوالدة : يلا يا هاله اخرجى لهم بالعصير
هاله: بس انا مش عاوزه خلاص بطلت
الوالدة : يا حبيبتى اعقلى
هاله : هو مين إللى جوا
خديجه قبل أن تجيب والدتها : دى لسه هتسأل هاتى يا ماما العصير وأنا ادخل
هاله : لا خلاص هدخل ، حد فيكم يدعى ليا
خديجه : هو انتى راحه حرب يا بنتى
هاله : والله ماشى يا خديجه لما آجى لكِ
...........
دخلت هاله وهى تنظر للأسفل وتركهم الجميع قليلا
حازم : هو انتى مش كونتي اوزعه
هاله وقد أدركت أن من أمامها ليس معتز : نعم ؟؟ انت مين أصلا وفين معتز
حازم : فيه سوء تفاهم اكيد ، فين عروستى
هاله : هو انت إللى جاى عشان كده
حازم : اه ، بس عروستى كانت اوزعه
هاله بضحكه خفيفه وقد فرحت قليلا : قصدك على خديجه أختى الصغيره
حازم : معرفش بس هى كانت اوزعه
هاله بهمس : اه لو سمعتك تعمل لنا حرب
تابعت ولكن بصوت مسموع : حصل سوء تفاهم
معتز فكر انك قصدك عليا وانا كان قصدى هو
ولغبطه
خرجت هاله سريعا فخرج خلفها حازم
والد هاله : خير يا هاله
هاله : مفيش يا بابا بس شكلى فهمت غلط
معتز : فيه ايه يا حازم انت عملت ايه
حازم بمرح : بقى كده يا غبى تودينا فى داهيه
جلس الجميع يفهمون ما حدث فتعالت ضحكات الجميع وتبدل الوضع
حازم بهمس : ما تتكلم انت كمان خلينا نعمل فرح سوا
معتز : تصدق بالله كان لازم اعرف ان كتلة رخامه زيك عاوزه حد شبهها
حازم بغضب مصطنع : عيب عليك ، اوعى تشتم خطيبتى
معتز بصوت عالى وهو يتحداه : طب يا عمى لازم نختبر العريس بكام سؤال كده
تحمس الجميع ليقول حازم بتحدى: اسأل يا اخويا انا مذاكر كويس
معتز : من هو القائل " عجزت النساء أن يلدن مثل خالد "
حازم : أبو بكر الصديق
معتز : من هو الصحابى الذى أبى أن يمس مشركا ؟
حازم : عاصم بن ثابت
معتز : من هو أول مولود للإسلام فى المدينه ؟
حازم وهو يحك فروة رأسه : مش فاكر بصراحه
هاله : عبد الله بن الزبير
عم الصمت قليلا ليقول معتز : ايه رأيك يا عمى بعد سوء التفاهم ده نعدل الأوضاع
والد هاله : إزاى ؟؟
معتز : يعنى على ما الأستاذه الطويله العاقله خديجه تفكر احنا ممكن نخلى هاله تفكر
معاها
لم يجد رد ليقول معتز : أنا بطلب ايد هاله واهو بالمره تفكر مع اختها
ضحك عليه ليقول وهو يوجهه كلامه لها بصوره غير مباشره : أنا مش رخم على فكره
ابتسمت بسمه خفيه حتى لا يراها أحد
..............................
وبعد مرور بعض الأيام والشهور
هاله :قولى كده يا معتز حبتنى إزاى ؟؟ وليه ؟؟
معتز : لا أسباب للحب فمن يحب لا يعطى أسباب ؛ فينسى كل الأسباب
أما إزاى فالإجابه المختصره " تمنيتك فى سجده ، وكنتِ دعائى فى صلاتى ، وطلبى ومطلبى فى مجلس والدك "
لينتهى بنا المطاف تحت عنوان
" تمنيتها فى سجده !"
.............
صلوا على الحبيب
انتهت
ندى عماد
معشوقتى المجنونه 2
والتقينا بعد طول غياب 3
إنه أخى 2
فى الجنه نلتقى 5
على نهج الحبيب نسير 3
تمنيتها فى سجده ! 2
دى كل الإسكريبات الهادفه فيه كوميدى كتير برضو وهيعجبوكم
أراكم فى اسكريبت جديد
