😂😂😂😂😂😂
.......: ألو ، الحقى يا سلمى
سلمى : خير يا بسمله ؛ مالك
بسمله : أنا عندى أعراض كورونا
سلمى : طب روحى اتغطى كويس وبلاش تحلمى كتير
بسمله : أنا هروح أكشف وأطمن على نفسى ولو طلع عندى كورونا هاجى لكى وأحضنك ما احنا هنموت سوا ، يرضيكى أموت لوحدى يعنى
سلمى : لااااا ، انتى ولا صاحبتى ولا أعرفك ولا عايزة اموت معاكى
بسمله : بقى كده ؛ لما نتقابل فى جهنم ابقى ورينى مين هيصاحبك هناك
سلمى : بسله انتى حبيبتى صح
بسمله: متقوليش بسله ؛ اقفلى وتكونى عندى بالليل
سلمى : ماشى ماشى
بسمله : هاتى معاكى أندومى وخبيه فى شنطتك عشان أمى متشوفهاش
سلمى : لو اتقفشت ؟
بسمله : متخافيش مش هنتقفش
سلمى : منك لله يا بسله هتمودينا عشان كيس أندومى
بسمله : غورى بقى عشان اروح للدكتور
.........................
الدكتور : ايه ده حد يقتحم حياة حد كده
بسمله : نعم يا اخويا
الدكتور : قصدى حد يقتحم عيادة حد كده
بسمله : ايوه انا
الدكتور : يا ابتسام إزاى دخلتى الست دى هنا
بسمله : هدى أعصابك بس يا دكتور ، وروحى انتى يا ابتسام هاتى الشربات على ما نتفاهم
الدكتور : شربات ايه ؟
بسمله : إهدى بس عشان أفهمك
الدكتور : احم ، مالك يا آنسه ، بتشتكى من ايه ؟
بسمله : مليش يا اخويا ، وبعدين هشتكى لك انت ليه ، الشكوى لغير الله مذلة
الدكتور : استغفر الله العظيم ، قصدى يعنى تعبانه مالك ؟
بسمله : مش تعبانه ، انت بتفول عليا ليه
الدكتور : أمال جايه هنا ليه ؟
بسمله : أصلى كنت بتمشى فحبيت المكان ده
الدكتور : طب اتفضلى أمشى
بسمله : هو انت معندكش زوق صح ، اعزمنى على قهوة طيب والا عصير
الدكتور : اللهم طويلك يا روح ، انتى كنتى قصدك تروحى مستشفى المجانين بس غلطتى فى العنوان صح
بسمله : قصدك إن أنا مجنونه
الدكتور : اه مجنونه ، حد قالك إنك هبله قبل كده
بسمله : اه كلهم بيقولو ليا كده
الدكتور : دا ايه الورطه دى
بسمله : يا دكتور متكتبش فى التقرير إن أنا باكل أندومى عشان اجبلك واحد
الدكتور : تقرير ايه ؟ انتى تعبانه مالك أصلا ؟
بسمله : انت مش شايف واحده داخله عليك بمنديل يبقى كورونا ، بس لازم نتجوز الأول يرضيك اموت كده
الدكتور : انتى حد مسلطك عليا
بسمله : اقعد بس ؛ اخلصى يا ابتسام هاتى الشربات
الدكتور: يا خسارة السبع سنين إللى ضيعتهم فى الطب
بسمله : متعملش فى نفسك كده ؛ بكرة نتجوز وهتعوض السبع سنين
الدكتور : اسمك ايه يا حاجه إنتى ؟
بسمله : اسمى بسله بس مش البسله إللى بتتاكل
عارفه انى عسل مش كده
الدكتور : طب أمشى يا آنسه روحى
بسمله : ايه ده ، مش هتكتب ليا علاج
الدكتور : وانتى مالك أصلا
بسمله : طبيبى أنت والطاء حاء
الدكتور : أفندم ؟
بسمله : بقولك شعر ، شكلك مش مثقف يا دكتور
الدكتور : يا ستى أنا جاهل ومتخلف أمشى بقى هتجيبى ليا جلطه
بسمله : متقولش على نفسك كده ، جلطه ايه بس
استنى لما نعمل فرح
خبط على المكتب قائلا : براااااا
بسمله : حاضر بس متزعقش ؛ والتقرير الطبى بتاعى يوصلى لحد البيت
الدكتور : إن شاء الله
بسمله : إن شاء الله يخليلك عيالك ويخلينى لك
الدكتور : متشكر ؛ اتفضلى بقى
بينما على وشك الخروج : يا أحمد ؛ تصدق اسمك عسل ولذيذ
الدكتور : يادى اليوم إللى مش فايت
بسمله : انت عارف لو قلت لأمى إنى باكل أندومى انت حر
الدكتور : وأنا هقول لها ليه بس ، هو انا اعرفها
بسمله : مش هتكون حماتك باعتبار ما سيكون يعنى
ينفع آخد الجمجمه دى عشان أخوف بيها اخويا
الدكتور : خدى كل حاجه وأمشى
بسمله : طب اقلع البالطو ده اما اجربه
الدكتور : يااااارب ، يا ابتسام
ابتسام : نعم يا دكتور
الدكتور : الآنسة دى لو جت تانى متدخلهاش
بسمله : عاجبك كده يا ابتسام ، أهو زعلان أهو عشان مجبتيش الشربات
الدكتور : خدى البنت دى مش وشى ، اطرديها
بسمله : استنى بس هفهمك
الدكتور : مش عايز أفهم
بعد إما خرجت
الدكتور : رفعت ليا الضغط والسكر
ثم ابتسم قائلا : طب والله مجنونه
بسمله : مفيش داعى تحلف
الدكتور بصدمه : انتى لسه هنا
بسمله : أصل ابتسام بقت صاحبتى وباعتك بواحد بونبونى ، همشى خلاص بس خد البونبونى ده
...................
سلمى : قولى يا أختى الدكتور قالك ايه
بسمله : مقلش حاجه ؛ كان دكتور أهبل ؛ استنى هقفل الباب عشان منتقفش
سمعوا صوت طرق على الباب
بسمله : استنى هروح أفتح
فتحت الباب لتغلقه مرة أخرى
......: دى قفلت الباب فى وشى
فتحت الباب تانى : انت جاى تقول لأمى صح
احمد : لا دا انا حتى جايب هديه
اخذت منه الهديه قائله : شكرا اتفضل بقى بس لو لقيت حركة غدر انت حر
دخل وجلس فقالت : تشرب ايه على ما بابا يخلص صلاه
احمد : كنت عايز اشرب الشربات إللى ابتسام مجبتهوش
بسمله : حاليا مفيش غير أندومى
احمد : ما احنا هناكله بعدين فى بيتنا
بسمله : يعنى هنتجوز
احمد : اه
بسمله : وهلبس البالطو الأبيض بتاعك
احمد : اه
بسمله : وهناكل شيبسى
احمد : اه
بسمله : وهتاخد شيبسى منى
أحمد : اه
بسمله : تك اوه ؛ هى واحده بس إللى هتاخدها
أحمد : ماشى يا ستى
بسمله : اسمع شعر بقى
احمد بضحك : قولى
بسمله : طبيبى أنت والطاء حاء ؛ يوه نسيت الباقى
لتقول " وحين أتى ، أتى ملاكا ليخطف قلبى ومازال قلبى يخبرنى بأنه المنتظر ؛ الله عليكى يا بسله ملكيش حل فى الرومانسيه "
😂😂😂😂😂
ندى عماد
