الجزء الثانى من
اسكريبت " إنه أخى "
قدس ..... ريان
ريان :يلا يا قدس عشان تلحقى الجامعه بتاعتك
قدس : خلاص انا جيت أهو
وأخذت حقيبتها وهمت بالخروج
ريان : قدس
قدس : نعم يا ريان
ريان : انتى نسيتى الحلويات والحاجات إللى بتوزعيها يوميا على الأطفال
قدس : بس اكيد انت حطتهم
ريان : اه ؛ الحمد لله حطتهم
قدس : ربنا يخليك ليا يا أحسن أخ فى الدنيا همشى بقى عشان الحق الأطفال
ريان : فى رعاية الله
...................
وفى طريقها إلى الجامعه دخلت إحدى المياتم
قدس : يلا حبيباتى مين هياخد شوكولا
الأطفال : احنا اكيد
وزعت عليهم الحلويات
مديرة الميتم : ربنا يسعدك يا بنتى زى ما بتفرحيهم
ممكن اسألك سؤال يا قدس
قدس :اه طبعا اتفضلى يا أمى
مديرة الميتم : انتى ليه بتطلعى من بيتك وانتى معاكى الحاجات دى كلها !!
قدس بابتسامه :مبحبش اطلع فاضيه ؛ بيكون معايا حلويات للاطفال إللى بقابلهم فى طريقى و معايا سبح ومصاحف صغيرة بديها للى يمشى معايا
وبيكون فيه تسابيح وكلام أذكار مطبوع على ورق ملون بوزعه على طلاب الجامعه ، شوية حاجات بسيطه وسهلة ناخد بيهم ثواب انا وريان اخويا
هو إللى بيفكرنى لما بنسى ولما احنا الإتنين بننسى كفاية الإبتسامه فالرسول قال " تبسمك فى وجه أخيك صدقه "
مديرة الميتم :طب مش هتدينى حاجه من حاجاتك الحلوة دى
قدس : طبعا يا أمى
.........................
وفى نهاية اليوم عادت إلى البيت
قدس : ريان يا ريان
ريان : نعم يا قدس
قدس : انت مروحتش الشغل والا ايه
ريان : مقدرتش اروح
قدس : ليه بس انت كويس ، طب انت فيك حاجه
ريان : متقلقيش يا حبيبتى انا كويس شوية برد بس تعالى احكى ليا عملتى ايه النهاردة فى يومك
بدأت تقص عليه تفاصيل يومها وماذا فعلت فيه
قدس : وزعت الشوكولا والحلويات ولعبت مع الاولاد شوية وكلمت مديرة الميتم تعرف يا ريان ؟
ريان : خير يا قدس
قدس : انا فرحانه أوى
ثم أخذت بيده وظلت تدور فى أنحاء الغرفه
ريان : ايه بس مالك
قدس : فرحانه أوى أوى
ريان : ربنا يسعدك يا حبيبتى بس عرفينى عشان افرح معاكى
قدس : واحده مسيحيه دخلت الإسلام النهاردة
ريان : بجد !! اوعى تكونى اجبرتيها انتى عارفه انه " لا إكراه فى الدين "
ريان : لا طبعا ما اجبرتهاش كلمتها شوية عن الإسلام وهى حبت الكلام بس برضو ما اقتنعتش كنت لسه همشى لقيتها نادت عليا وقالت ليا انها عايزه تصلى ومن وقتها وأنا مبسوطه أوى
ريان : ربنا يبارك فيكى يا حبيبتى
قدس : وفى حاجه كمان
ريان : قولى
قدس : قابلت واحده النهاردة فى الشارع فوقفتها وحصل بينا حوار
قدس للبنت : ممكن اسألك سؤال
البنت : قولى
قدس : انتى ليه خارجه كده من البيت حرام يا حبيبتى ربنا كرمنا فلازم نحافظ على نفسنا لازم تكونى قدوة لغيرك اللبس ده مينفعش دا ضيق جدا انا بكلمك عشان غرضى إنى احافظ عليكى من عيون الناس إللى للأسف بتاخدى عليها ذنوب كتير
البنت : بس دى موضه وكل البنات بتلبس كده
قدس : كونى انتى مختلفه عن باقى البنات ومفيش حاجه اسمها موضه دا مجرد اسم اخترعه الناس ، الجنه عظيمه تستاهل تعملى عشانها كتير ، تستاهل انك تحافظى على نفسك عشانها
الجنه طيبه ولا يدخلها سوى الطيب
البنت : شكرا جدا لكى هغير من نفسى اكيد
قدس : مش هتعرفى تغيرى من نفسك على طول لازم التدرج تبعدى شوية شوية لحد اما تبعدى خالص ووقتها فعلا هيتقال عليكى أنثى كمريم فتاه من فتيان حواء
البنت : شكرا جدا لكى
قدس :الشكر لله
.......
ريان : ماشاء الله تبارك الله ، ربنا يزيد ويبارك فيكى حبيبتى وتكونى فى الجنة مع الأبرار
قدس : انا وانت يارب
ريان : طب مش عايزة تقولى حاجه للناس
قدس : اكيد طبعا هدعى لكل حد انه يكون عنده أخ زى اخويا ريان
ريان : وانا هدعى ان كل البنات تكون قدس
انتهت
ندى عماد
انتظرونى فى اسكريبت بعنوان "قلب يبحث عن نفسه " من اسكريبات ندى عماد
انتظرونى بعد الإمتحانات واجعلو لى نصيب من دعائكم
دمتم موفقين
