الجزء الثانى
سهام : أفندم ؟
محمد : هو ينفع ....
سهام : والله ما ينفع
محمد : هو أنا لسه اتكلمت
سهام : أهو حتى كلامك بقى مش هينفع
نورا : آسفين يا أستاذ محمد بس مش هينفع نتكلم مع حضرتك ونقف كتير وأظن حضرتك فاهم دا كويس
أومأ ثم انصرف فقابل صديق له
عبد الله : مالك ؟
محمد : أنا كنت عاوز اقول لها إن المسابقه اتأجلت بقت السبت بدل الخميس
عبد الله : وانت تقولها ليه مش هترضى تتكلم معاك أصلا والا إيه يا أزهرى
محمد : يا عم هو انا بقول لها هاتى رقم تليفونك
عبد الله بضحك : طب لو فكرت تعمل كده هتتعلق على الباب إللى هناك ده
محمد بغيظ : طب اسكت
..................
عادت الفتيات إلى منازلهن
سهام وهى تتحدث على الهاتف : إن شاء الله لازم أستعد عشان يون الخميس
نورا : بلاش توتر ربنا يكرمك
سهام : حاضر
نورا : حضرتِ ومعكِ الخير ، أنا إن شاء الله منافسات يوم السبت فمش هعرف آجى معاكى
سهام : هستحايل على اخويا شويه
نورا بضحك : طب ربنا معاكى عشان عارفه إللى هيحصل
خرجت سهام إلى أخيها
سهام : أعمل حسابك يا محمود إنك هتيجى معايا يوم الخميس
محمود : وإن قلت لا
سهام : يبقى نلجأ للحل الوسط هسألك ولو جاوبت هتودينى ولو مجاوبتش هتودينى برضو
محمود : طب ما أسألك أنا وإن جاوبتى اوديكى
سهام : دا مش عدل ، دا اسمه استغلال
محمود : مش دا برضو الحل الوسط بتاعك
سهام : خلاص اسأل
محمود : من هو الحب بن الحب ؟
سهام : أسامة بن زيد بن حارثة
محمود : شكلك حافظة والطريقة دى مش لصالحى
سهام : لا يا اخويا مفيش تراجع ولا استسلام
محمود : من هو الكرار ؟
سهام : عليّ بن أبى طالب
محمود : حافظ سر الرسول صلى الله عليه وسلم ؟
سهام : حذيفة بن اليمان
محمود : طب سؤال بقى مش هتعرفيه
سهام : ورينى كده
محمود : ترجمان القرآن ؟
سهام : تصدق صعب
تابعت " ترجمان القرآن هو نفسه حبر الأمة عبد الله بن العباس
محمود : طيب من هو سيد الشهداء
سهام : حمزة بن عبد المطلب
محمود : طب مفيش اى طريقة تانيه
سهام : هتودينى وانتهى النقاش وهتستنانى كمان
....................
ذهبت سهام برفقة أخيها إلى مكان المنافسة فقالت أمنية
سهام : هو انتى منافستك النهاردة برضو
أمنية : أيوا خلاص انا راجعه البيت
سهام : طب عملتى ايه ؟
أمنية : كل أمر ما هو إلا قدر ، للأسف فشلت
سهام : ولا يهمك تتعوض ان شاء الله
أمنية : بالتوفيق
ذهبت أمنية وظلت سهام منتظرة هى ومحمود
سهام : حاسه إن مفيش حد ليه وفين الأستاذ المزعج إللى كان هنا
محمود : أستاذ مين ؟
سهام : لا دا الخصم بتاعى
محمود : متأكده إن دا المعاد
سهام : ايوه
محمود : طب هو دا المكان
سهام بغضب : محمود انا مش هبله للدرجة دى يعنى
بعد قليل تقدم منهم محمد
محمد : المنافسة يوم السبت مش النهاردة
سهام : ومحدش قالى ليه
محمد : كنت هقولك بس حضرتك مسمعتنيش
محمود : طب شكرا
سهام بشك : طب وانت موجود ليه اوعى تكون بتعمل كده عشان تفوز
محمد : موجود عشان عارف انك هتكونى موجوده
محمود : نستأذن احنا بقى
محمد : طب ممكن اعرف مين حضرتك
سهام : وانت مالك ؟
محمود : إهدى بس انا أخوها
محمد : اه اهلا وسهلا بأخوها ، ينفع أكون انا واختك اصحاب
محمود بغضب : انت اتجننت وبتقولها ليا كده وكأن الأمر عادى
محمد : أصحاب للجنة
محمود : لا مينفعش ، مفيش بنت وولد اصحاب
محمد : أصحاب هنا بمعنى أزواج
محمود : مينفعش برضو دى شويه وهتولع فيك وانت واقف
محمد بخبث : طب اسألى سؤال صعب خالص ولو مجاوبتش يبقى هنسحب من المنافسة وتكونى انتى الفائزة بس لو جاوبت هاجى بيتكم
سهام : لا
محمد : ليه شكلك واثقه إنى هجاوب
سهام : من هو الصحابي الذى دافع عن النبى صلى الله عليه وسلم فى معركة أحد حتى شلت يمينه ؟
صمت محمد قليلا لتقول سهام : شوفت بقى ابقى أتكلم على قدك
محمد : طب الصحابي ده هو " طلحة بن عبيد الله الأنصاري "
سهام بهمس : ايه الإحراج ده
محمود : الأمور مش بتمشى كده عاوز تيجى بتنا اهلا وسهلا بيك لكن لها حق الرفض مش عشان سؤال يبقى توافق
محمد : هو أنا بقولها اتجوزينى عشان جاولت السؤال
محمود : طب نتشرف بيك واكيد طبعا شكلك مش تايه عن العنوان
محمد بضحك : لا، أنا حافظ العنوان
......................
محمود : الواد دا شكله مجنون
سهام : انت إزاى مضربتهوش
محمود : إهدى وبلاش اندفاع فى الكلام
سهام : لا عاوزنى أكلمه عشان كل شويه يجى يتكلم بقى ، مش لازم يتعود على كده
محمود : على قد ما انا فخور بيكى على قد ما انتى دبش أوى
سهام :بتقول حاجه
محمود : لا ولا حاجه ، مش عارف الأستاذ ده فكر فى الموضوع ده إزاى
سهام : ما بلاش عشان مقربين نوصل والسلاح بيطول
محمود : اوعى تنسى ان إللى بيمسك سلاح لأخوه المسلم بتلعنه الملائكه حتى لو هزار
سهام : استغفر الله العظيم
محمود : هنقول لبابا على اللى حصل ونشوف رأيه ونكون برضة مستعدين عشان لو جه
سهام بتحدى : مش هيجى
محمود : طب اما نشوف مين إللى هيكسب
سهام بهمس : متأكده انه مش هيجى دا شكله بيهزر أصلا
كفاية لحد كده معلش
اسكريبت " هيا إلى موعد اللقاء "
ندى عماد
أرآكم قريبا فى الجزء الثالث إن شاء الله
الإسكريبت الجديد بعد اما ده يخلص هيكون فصحى ، خلونا نجرب فصحى شويه ونشوف هيعجبكم والا لا
ومحدش يقولى منطق ومش منطق طبيعى أى حاجه خياليه بتكون غير منطقيه 😂😁
