الجزء الثانى من اسكريبت "معشوقتى المجنونه "
اسمى عبد الرحمن إمام وخطيب فى المسجد ، ومتقوليش ليا غير باسمى عشان بحب اسمعه
شرف ليا طبعا ان اسمى يكون مرتبط بإسم من أسماء الله الحسنى فمتناديش إلا بيه
أبرار : بس .....
عبد الرحمن: استنى بس اما أكمل
أبرار: ماشى
عبد الرحمن: هتلاقينى مجنون شوية لا لا بصى هتلاقينى مجنون شويتين، كل جمعه الصبح هتلاقينى رايح جاى فى الممر ومتوتر لأنى بخطب يوم الجمعه فبكون متوتر وبفضل اقول الخطبه لنفسى كتير ، أبوكى هو أكتر حد يستحق انك تحبيه أكتر من أى حد تانى حتى انك تحبيه أكتر ما تحبينى ؛ وكمان كل يوم لما ارجع من الشغل هنقرأ قرآن سوا وهنصلى سوا
أبرار باسمه : ماشى
عبد الرحمن: وكمان انا شخص غيور يعنى لما تمشى معايا فى مكان تمشى جنبى ولما تحتاجى حاجه واحنا فى الشارع كفاية نظرة عيونك وانا هفهمك
أبرار:- الله انا بحب كده ، طب احنا مش هنعمل عمرة سوا ؟
عبد الرحمن: اكيد هنعمل عمرة وهنحج وكل حاجه فيها طاعة لله هنعملها سوا ؛ وهتلاقينى قبل ما اكون زوجك هكون ابوكى واخوكى ورفيقك ،مش يلا نروح على بيتنا والا ايه ؟
ابرر : ماشى يلا
..............................
تمر الأيام والليالي
أبرار : عبد الرحمن انت زعلان ليه
عبد الرحمن: شوفى انتى عملتى ايه
أبرار : والله اتأخرت من غير ما اقصد
عبد الرحمن: الصلاة مفيش فيها تأخير ، تسيبى إللى فى ايدك وتصلى على طول
أبرار : خلاص معلش مش هعملها تانى والله
عبد الرحمن: ماشى خلاص بس استغفرى ربنا كتير
أبرار: ماشى
كانت أبرار على وشك الذهاب
عبد الرحمن: أبرار !!!
التفتت له قائلة: نعم
عبد الرحمن: انتى مسمعتيش القرآن النهاردة على فكرة
أبرار : هسمعه؛ احنا ورانا ايه يعنى
عبد الرحمن: تعالى سمعى والغلطه بعقاب
سمعت أبرار القرآن وفجأة مسكها عبد الرحمن من أذنها
أبرار : ودانى هتتقطع؛ سيبها بقى
عبد الرحمن: اسمها " يتربصون " انطقى صح
أبرار: مش هعرف اقولها
عبد الرحمن: خلاص خليكى متعلقه كده على متقوليها
أبرار : عبد الرحمن!!
لم يرد عليها
فتابعت : مش أنا حبيبتك، سيبنى بقى عشان أنا حبيبتك
عبد الرحمن: اللعبه دى مش هتنفع كل مرة ، شوفى غيرها
أبرار : خلاص هقولها
قالتها أخيرا ليقول : امشى، انتى حرة
أبرار : بلا حرة بلا نيلة كان الجو جميل وانا متعلقه
بتسيبنى ليه بس كنت خلينى اشم شوية هوا
عبد الرحمن: بقى كده طب تعالى اما علقك فى السقف بقى وانتى مش جايه شبر كده
أبرار: احم احم دا انا كنت بهزر معاك والله متاخدش
كلامى على الحامى كده
..............................
أبرار : عبد الرحمن قوم عشان نصلى قيام الليل
عبد الرحمن: حاضر
صلو معا قيام الليل وانتظرو حتى أذن الفجر وصلو سويا ، وهاهى تشرق شمس الصباح
عبد الرحمن : أنا ماشى على شغلى
أبرار: طب خد علبة الغدا معاك
عبد الرحمن : ماشى، عايزه تقولى حاجه صح !!
أبرار: هو انا ينفع اروح النهاردة عند أمى عشان كتب كتاب يمنى واخويا
لم يرد عبد الرحمن
فقالت مسرعه: بص خلاص انا كنت بهزر أصلا
عبد الرحمن: روحى البسى وتعالى اما أوصلك
أبرار: هييييييه ، طب والله انت عسل
ذهبت وارتدت ملابسها وخرجو معا
..................
يمنى : مش بكلمك على فكرة يا بت انتى
أبرار: ليه بس
يمنى: جاية متأخر ليه !! مش المفروض تنامى معايا من امبارح
أبرار: مينفعش طبعا ، عبد الرحمن مكنش هيرضى
يمنى: بس انا برضو زعلانه
أبرار: انا كنت جايبه معايا شوكولا بس بما انك زعلانه هاكلها انا
يمنى : لا مش زعلانه خالص كنت بهزر ، هاتى الشوكولا بقى
أبرار : هههههههه خدى يا اختى ، الواد اخويا هيعانى معاكى ، دا انتى هتجننيه
يمنى : ليه يا اختى ، ما انا كيوت وعسل أهو
أبرار : هو مين ده يا أختى إللى كيوت وعسل
يمنى: انا طبعا
أبرار: لا دا انتى ملكيش دعوة بكل إللى قولتيها خالص ، احنا مش هنفضل نتكلم اما اروح أشوف الواد اخويا لسه عايز يتجوزك والا رجع فى كلامه
يمنى : طب خليه يرجع فى كلامه كده وانا اقتلك انتى واخوكى
أبرار: قتل !!!! لا اكيد موافق طبعا هو هيلاقى أحسن منك فين يعنى
يمنى : شوفتى بقى
أبرار: ربنا يسامحنى على كذبى
يمنى : امشى يا بت من هنا ، روحى عند اخوكى يلا
أبرار: حاضر بس متزوقيش
.........................
أبرار : ماااااما
الام : فى ايه
أبرار: خلى ابنك يقعد ساكت
الأم : عملتى ايه
أبرار: معملتش حاجه والله بس كنت بقوله هيبقى شكلك حلو من غير شعر
أحمد: شوفتى بقى يا ماما
الأم : شوفت يا ابنى ؛ انت حر أعمل إللى انت عايزه
دق جرس الباب فتحت الأم فوجدته عبد الرحمن
أبرار: عبد الرحمن حبيبى ، زوجى قرة عينى هيخصلنى منك
عبد الرحمن : محتاج مساعده يا احمد
احمد : لا خالص أختى وانا هتعامل معايا
أبرار : غدر !! خيانه !!! حسبى الله ونعم الوكيل
وانت يا عبد الرحمن مش هكلمك طول الأسبوع ده
عبد الرحمن: هتشيلى ذنب .
أبرار: انا هروح عند يمنى هى الوحيدة إللى بتفهمنى
أحمد: باين إنها بتفهمك أوى
أبرار: عيل غليظ ورايح تتجوز
احمد : بقى كده
أبرار: لا مش كده خالص يا ابو حميد، كنت بهزر طبعا
.....................
حان وقت عقد قران أحمد ويمنى
وما إن انتهى عقد القران حتى قال أحمد: مبارك لنا يا مجنونتى
يمنى : انا مجنونه !!!
أحمد : بس اسكتى، لنا بيت يلمنا أحسن ما تفضحينا
يمنى : هههههههههه ماشى
أعطى عبد الرحمن ظرف هدية لأحمد
فتحه فوجده تذاكر عمره
عبد الرحمن : إن شاء الله هنعمل عمرة كلنا سوا
انا وأبرار وانت وزوجتك ووالدك ووالدتك
أحمد: شكرا
عبد الرحمن: الشكر لله
ذهب ووقف بجوار أبرار فنظرت له بفخر حتى قالت له : بحبك على فكرة
عبد الرحمن : وانتى اسمك معشوقتى على فكرة
بس مننساش معشوقتى المجنونه
أبرار : هههههههه
انتهت
اسكريبت "معشوقتى المجنونه "
بقلم ندى عماد
