We Must Be Nuptials

Chapter Eleven

“Grabe Peach, gutom na gutom?”

Hindi ko pinansin ang sinabi sa akin ni Pearl. Oo, gutom na gutom na ako. Hindi ako nag dinner kaya naman ang takaw takaw ko sa harap ng mga kaibigan ko ngayon.

“Here.” inilapag ni Lukas ang baso ng juice sa harapan ko.

“Thank you.” ngumiti ako sa kanya.

“Hoy guys! Sayaw naman tayo!” rinig kong sigaw ni Alyana sa amin. “Mamaya na Alyana, nakain pa tayo oh.”

“Hmp!” napanguso si Alyana habang nakatingin sa mga estudyanteng nagsasayaw sa gitna ng stage pati na din sa gitna ng gym. Malakas pa din ang tugtog ng speaker ngayon kaya may mga ilan ilang estudyante na nagsasayaw imbes na kumain.

Kakatapos lang mag perform ng mga estudyante kanina kaya naman sinabi na ng emcee na pwede na daw kumain. Habang kumakain ako ay panay pa din ang lingod ko sa paligid. Hinahanap ko kasi Yuan.

“Hoy Xiantel, bakit ba panay ang lingon mo diyan?” napatingin ako kay Alyana. “Nasaan na ba ang partner mo? Hindi ba't ang sabi mo kanina ay makikita na namin siya ngayon?”

Nag iwas ako ng tingin. “Kaya nga hinahanap ko siya.” sagot ko sa kanya.

“OMG! Sino ba kasi 'yon, Peach?!” kinikilig na tanong sa akin ni Pearl.

Hindi naman ako sumagot sa kanya at ngumiti na lang.

“Guys! Tara na kasi! Gusto ko ng sumayaw!” hindi na nakapagpigil si Alyana. Tumayo siya sa harapan namin habang nakahawak sa bewang niya. “Dali! Mamaya na kayo kumain!”

“A-Alyana!”

Hindi na kami naka-angal pa ng bigla niya kaming hilahin papunta sa gitna. Mas lalong lumakas ang tugtog nang makarating kami sa gitna kaya naman sumayaw agad ng parang lasing si Alyana.

“Woaaaaaaah! Party! Party!” parang lasing na sigaw niya habang nagtatatalon pa. Natawa naman kaming tatlo nila Pearl at Lukas bago gumaya sa sayaw niya.

Damn. Bagong kain lang ako ngayon pero heto ako, sayaw ng sayaw na parang tanga.

“Go Xiantel! Ihataw mo 'yan!” hinawakan ni Alyana ang kamay ko at itinaas taas sa ere. Natawa naman ako sa ginawa niya bago gawin ang inuutos niya. Sumayaw lang ako ng sumayaw hanggang sa kaya ko.

“Woaaaaaah!” sigawan namin ng lumakas pa lalo ang tugtog. Halos lahat ng estudyante ay nagsayawan na at wala ng natitirang kumakain. Para kaming mga preso na bagong laya kung sumayaw. Todo kung todo!

“Yeaaaah! Go, Lukas!” malakas na sigaw ni Pearl habang nakatingin kay Lukas. Tumawa naman ito bago sumayaw ng sumayaw.

“Jump! Jump! Jump!” malakas na sigawan ng mga estudyante habang napapatalon habang nakataas ang kamay. Hindi ko maiwasan mapasunod sa ginagawa nila kaya tumalon na lang din ako ng tumalon!

“Woaaaaah!” malakas na sigaw ko habang tumatalon.

“Enjoying your dance, Miss?”

Napalingon ako sa boses na 'yon. “Yuan!” malakas na sigaw ko bago lumapit sa kanya. “Let's dance!” sigaw ko bago hawakan ang kamay niya at itaas habang tumatalon. Natawa naman siya ng mahina bago sumayaw at tumalon habang nakangiti.

“Woaaaah! Jump! Jump!” sigaw namin habang tumatalon. Halos hindi na kami magkaintindihan dahil sa sobrang emosyon na nakaramdam namin ngayon.

Sobrang saya. Walang kapantay na saya.

“Dance! Dance! Dance!” rinig kong sigawan ng mga estudyante.

“Let's dance, hon!” malakas na sigaw ko habang nakatingin kay Yuan. Tumango naman siya sa akin bago hawakan ang kamay ko at sabay kaming sumayaw.