My Heart Belongs To A Soldier_Completed [ Z&U ]

MHBTAS (40)

Part (40) U

"ကျွန်တော် ရောက်ပါပြီ...တပ်ရင်းမှူး..."

"ထိုင်ပါဦး..."

အလေးပြုပြီး ဝင်ထိုင်နေရပေမယ့် ရင်တထိတ်ထိတ်။
ယောက္ခမအိမ်တက် သားမက်မျက်နှာငယ် မဟုတ်ပဲ ယောက္ခမရုံးခန်းထဲ သားမက် မထိုင်ရဲသည့် အဖြစ်မျိုး။

"ရှေ့တန်းမှာ မောင့်ရင့်စွမ်းဆောင်မှုတွေကို ကြားရသိရလို့ ဝမ်းသာမိတယ်..."

"အားလုံး ညီညွတ်မှုကြောင့်ပါ ခင်ဗျာ....."

"မောင်ရင်လည်း တပ်မတော်မှာ အခြေအနေတစ်ခုထိ တာဝန်ထမ်းဆောင်ခဲ့ပြီးဖြစ်လို့ ခေါင်းဆောင်ငယ်တစ်ယောက်အနေနဲ့ ဘာမဆို သင့်တင့်မျှတစွာ ဝေဖန်ပိုင်းခြားနိုင်မယ်လို့ ယူဆတယ်...."

"........."

ခုချိန်ထိ ဘာကို ဆိုလိုနေမှန်း သူမမှန်းဆတတ်သေး။ အရိပ်အကဲကြည့်ကာ မနည်းလိုက်မှီအောင် ဦးဏှောက်ကို အလုပ်ပေးနေရသည်။

"ဆေးစစ်သွားရမယ် ကြားတယ်...ကိုယ့်အမျိုးသမီးလည်း နိုနိုလေးကို ပို့ရင်း ဗိုလ်ကြီးလင်းဖန်ကိုကြည့်ရင်း အပြန်မှာ ဗိုလ်ကြီးလင်းဖန် အမျိုးသမီးနဲ့အတူပြန်လာဖို့ ရှိတယ်...အဲ့ဒါ ဆရာရန်ရှင်းပဲ ပါမှာမို့လို့ ဆေးစစ်ရင်းတစ်ခါတည်းသွားပြီး အပြန်ပါ စောင့်ခေါ်လာစေချင်လို့ပါ...တာဝန်မဟုတ်တဲ့ အကူအညီပါ...."

"ဟုတ်ကဲ့...ဘယ်နေ့လောက် သွားဖြစ်မလဲ ခင်ဗျ..."

"သဘက်ခါမနက် ထွက်ဖြစ်မယ်...လွှဲပြောင်း/လက်ခံတွေ အခုတည်းက ကြိုလုပ်စရာရှိ လုပ်ထားဖို့ ဗိုလ်မှူး ရိကျိုးနဲ့ တိုင်ပင်လိုက်ပေါ့...အထွေအထူးတော့ မရှိဘူးမဟုတ်လား..."

"ဟုတ်ကဲ့ ခင်ဗျ...သီးခြား မရှိပါဘူး...စီမံချက်တွေလည်း ဟိုက်ခွမ်းနဲ့ရေးနေတာ အကြမ်းဖျဥ်း ပြီးနေပါပြီ...."

"ဒေါက်....ဒေါက်....."

"ဆရာရန်ရှင်း ​...ပြော...."

"ကားဘီးပေါက်သွားလို့ နည်းနည်းကြာမယ် သတင်းလာပို့တာ တပ်ရင်းမှူး ခင်ဗျ..."

"ရတယ်...အေးဆေးလုပ်...တစ်ခါတစ်လေပဲ...လမ်းလျှောက်ရင်း ပြန်လိုက်တော့မယ်..."