Uni.....
"Baekhyun shi... အစ်ကိုလေးနဲ့ ပြဿနာဖြစ်တဲ့ဆိုင်ကို လိုက်ပို့ပေးပါ..."
"ဟိုမှာ တာဝန်ခံရှိနေတာပဲ ခေါ်သွားလိုက်လေ..."
Sehunခေါ်တာက သူ့ကိုဆိုပေမယ့် တာဝန်ခံကိုသာ ခေါ်သွားဖို့ ညွှန်ပြလာတဲ့ အကောင်ပေါက်လေးက Sehunနဲ့ အတူသွားချင်ပုံမရပေ...
"ဘယ်ဖြစ်မလဲ ဒီကိစ္စကို သိတာလည်း မင်းပဲရှိတယ်... ပြီးတော့ မင်းနဲ့ငါ အတူလုပ်ကြဖို့ Bossက ပြောခဲ့တာ... မင်း မလုပ်ချင်ရင် Bossကို ပြောလိုက်..."
"ပြီးရော ပို့ပေးမယ်... ရှေ့ကသွား..."
Bossနဲ့ ခြိမ်းခြောက်လိုက်တော့မှ ပို့ပေးမည်ဟုဆိုလာသည်...
"ရှေ့ကသွားရအောင် ကိုယ်မှ ဆိုင်နေရာကို မသိပဲ...."
"အာ့ဆိုလည်း နောက်ကလိုက်ခဲ့... ကျွန်တော့် ဘေးကတော့ လာမလျှောက်နဲ့...."
"ဘာဖြစ်လို့လည်း..."
"ဘာမှမဖြစ်ဘူး..."
အထိမခံဖြစ်နေသော အကောင်ပေါက်လေးကို စချင်ပေမယ့်လည်း လောလောဆယ် Boss ခိုင်းထားတဲ့ ကိစ္စကအရေးကြီးသည်မို့ အကောင်ပေါက်လေး ပြောသည့်အတိုင်း အနောက်ကနေသာ လိုက်ဖြစ်ခဲ့တော့သည်...
Sehunထက် နှစ်နှစ်ငယ်တဲ့ ထိုအကောင်ပေါက်လေးက တစ်ချိန်က Sehunသိပ်ချစ်ရတဲ့သူ....
အကြောင်းအမျိုးမျိုးကြောင့် Sehunတို့ ဝေးကွာခဲ့ရသည်.... သို့ပေမယ့် ခုထက်ထိတိုင်အောင် Sehun နှလုံးသားထဲ ထိုအကောင်ပေါက်လေးကသာ နေရာယူထားဆဲဖြစ်သည်...
သက်တော်စောင့်ဆိုပေမယ့် ဝတ်စုံပြည့်ကို ဝတ်ဆင်ထားခြင်းမဟုတ်ပဲ သာမန်တီရှပ်နဲ့ ဂျင်းပင်န်ကိုသာ ဝတ်ဆင်ထားခြင်းကြောင့် အစ်ကိုလေးနဲ့ ရွယ်တူသူငယ်ချင်းဟု ထင်ရလောက်တဲ့အထိ အကောင်ပေါက်လေးက နုပျိုလွန်းနေသည်...
Sehunနဲ့ ပြတ်ပြီး အကောင်ပေါက်လေးဘွဲ့ရပြီးနောက် သူ့အိမ်က အိမ်ထောင်ပြုပေးလိုက်တယ်လို့ကြားမိပေမယ့်... အကောင်ပေါက်ကို Bossတို့ အိမ်မှာ ပြန်တွေ့ရတော့ Sehun အံ့သြသွားခဲ့သလို ပျော်လည်းပျော်သွားမိသည်....