Uni....
"Boss..."
Krisကားပေါ်က ဆင်း,ဆင်းချင်း အနားသို့ အပြေးရောက်လာပြီး ဦးညွှတ်ကာ နှုတ်ဆက်လာသော ကုန်တိုက်တာဝန်ခံကို Krisလက်ကာပြလိုက်ပြီး...
"Chan ဘယ်မှာလဲ..."
"ကျွန်တော့် ရုံးခန်းထဲမှာရှိပါတယ်...."
တာဝန်ခံရဲ့ စကားဆုံးသည်နှင့် Kris ခြေလှမ်းတွေကို ကလေးငယ်ရှိသည်ဆိုသော တာဝန်ခံရုံးခန်းဆီသို့ လျှောက်လှမ်းခဲ့လိုက်သည်....
Krisအနောက်တွင်တော့ Sehunရယ် တာဝန်ခံရယ် အတူလိုက်ပါလာကြသည်....
ရုံးခန်းတံခါးကို ဖွင့်ကာ အထဲသို့ဝင်ခဲ့လိုက်တော့ တာဝန်ခံစားပွဲပေါ်တွင် ခြေချိတ်ထိုင်နေသော ကလေးငယ်နဲ့ ကလေးငယ် အနီးတွင်ရပ်နေသော Baekhyunကိုသာတွေ့ရသည်...
"Chanနဲ့ ပြဿနာဖြစ်တယ်ဆိုတဲ့ ဆိုင်ရှင်ရော ဘယ်မှာလဲ...."
"အခုနက ဒီမှာ ဒီမှာရှိနေပါသေးတယ်..."
တုန်တုန်လှုပ်လှုပ်နဲ့ ဖြေလာသူ တာဝန်ခံက Krisကို ကြောက်နေဟန်... ဘာမှလည်း သေချာမေးလို့ရမည့်ပုံမပေါ်တာကြောင့် ကလေးငယ်အနား အတူရှိနေသည့် Baekhyunကိုသာ မေးလိုက်တော့သည်....
"Baekhyun ဖြစ်တာတွေကို ပြောပြစမ်း..."
"Baek hyung.... ဘာမှ မပြောပြနဲ့တော့... ကျွန်တော်တို့ ပြဿနာက ဖြေရှင်းလို့ပြီးသွားပြီ Kris..."
"ဟုတ်လား Baekhyun..."
ကလေးငယ်ပြောတာကို Kris သိပ်မယုံကြည်တာမို့ Baekhyunကို မေးလိုက်သည်...
"ဟုတ်ပါတယ် Boss... ကျွန်တော် Bossတို့ဆီ ဖုန်းဆက်နေချိန်မှာပဲ... အစ်ကိုလေးတို့ဖြေရှင်းလိုက်ကြပုံရပါတယ်..."
"အဲ့ဒါဆို မင်းက ငါ့ကို အဲ့အကြောင်း ဘာလို့ဖုန်းမဆက်ရတာလဲ... ကုမ္ပဏီက အလုပ်တွေပစ်ပြီးလာရတဲ့ ငါ့အတွက် အချိန်တွေသိပ်ပေါနေတယ်ထင်လို့လား ပြောစမ်း Baekhyun..."
Kris စိတ်တိုစွာ အော်လိုက်တော့ Baekhyunဘေးနားက ကလေးငယ် ကိုယ်လေးတုန်သွားသည်မှာ Krisအော်သံကြောင့် လန့်သွားပုံပင်...