Uni♡
Sehun လာပို့တဲ့ ကလေးငယ်ထံမှ ရှယ်ယာဝင်အချက်အလက်တွေကို သေချာကြည့်ပြီးနောက် Kris စာရွက်တွင်လက်မှတ်ထိုးလိုက်သည်...
"ကဲ Sehun အားလုံးပြီးသွားပြီလို့ ကလေးငယ်ဆီ အကြောင်းပြန်လိုက်ပါဦး..."
"ဟုတ်ကဲ့ Boss... အာ ဒါနဲ့ ကျန်သေးတယ် boss..."
"ဘာများလဲ..."
"ဒါလေးပါ..."
Sehunက Kris လက်မှတ်ထိုးလိုက်တဲ့ စာရွက်ကို သိမ်းရင်း နောက်ထပ်စာရွက်တစ်ရွက်ကို ထပ်ထုတ်လာကာ Kris အရှေ့ စားပွဲပေါ်ချပေးလာသည်...
"ဘာလဲ Sehun..."
"အကိုလေးပေးခိုင်းလိုက်တာပါ..."
Kris ယူကာဖတ်ကြည့်လိုက်တော့ ကလေးငယ်ကုမ္ပဏီမှ ကလေးငယ်ပိုင်ဆိုင်သော ရှယ်ယာထဲမှ အချို့ကို Krisအတွက်လွှဲပေးထားကြောင်း စာချုပ်...
"ဒါဘာအတွက်လဲ Sehun..."
"ကျွန်တော်မသိပါဘူး Boss... အကိုလေးမှာလိုက်တာကတော့ bossဆီက အဲ့စာချုပ်ပေါ် လက်မှတ်ရလာမှ ကျွန်တော့်ကို ပြန်လာခဲ့လို့ပြောထားပါတယ်..."
ကလေးငယ် ဘာလို့ဒီလိုလုပ်လဲဆိုတာ Krisနားမလည်၍ ကလေးငယ်ထံ ဖုန်းခေါ်လိုက်သည်...
ဖုန်းဝင်နေပေမယ့်လည်း ကလေးငယ်က ဖုန်းမကိုင်ပေ...
"အကိုလေးက ဒီကိစ္စတွေကို နောက်မှရှင်းပြမယ်လို့ပြောထားပါတယ် boss... အကိုလေးအကြောင်းလည်း bossသိတယ်မလား တက်နိုင်မယ်ဆိုရင် လက်မှတ်ထိုးပေးပါ..."
Sehunကို ကြည့်ရတာလဲ Kris လက်မှတ်မထိုးမှာ စိုးရိမ်နေပုံပင်... Kris လက်မှတ်မထိုးပေးရင် ကလေးငယ်က ပြဿနာရှာမှာကို Krisသိနေသလို ကြားထဲက ခံရမှာ Sehunတို့ ဝန်ထမ်းတွေဖြစ်နေမှာကိုလည်း သေချာပေါက်သိတာမို့ Kris လက်မှတ်ထိုးပေးလိုက်တော့သည်... ကလေးငယ် ဘာလုပ်ချင်ချင်ပေါ့ အဓိက ကလေးငယ် စိတ်ချမ်းသာဖို့အရေးကြီးတယ်...
"ကဲရော့ ပြီးပြီနော်... ဘာမှမကျန်တော့ဘူးမလား..."
"ကျန်သေးတယ် boss..."
