Uni.....
"Boss တစ်ဖက်က ပြိုင်ဝယ်တဲ့သူကို သိရပါပြီ... ဒါ သူ့အချက်လက်တွေပါ..."
စာရင်းတွေကြည့်နေတုန်း Sehunက ဖိုင်တစ်ခု စားပွဲပေါ်လာတင်ပေးသည်...
"ကောင်းပြီ ကြည့်လိုက်မယ်... သူ့ဘက်က နောက်ဆုံးဈေးဘယ်လောက်ထားပေးလဲ... အဲ့ဒီဈေးထက် တစ်ရာပိုပေးပေးလိုက် Sehun... အဲ့ထက်ပိုလာရင်တော့ မဝယ်နဲ့တော့...."
"ဒါပေမယ့် Boss... မြေကွက်က..."
Sehunက လက်လျှော့စေချင်ပုံမရ...
ယခုဝယ်မယ့် မြေကွက်က တစ်ချိန်မှာ ပြန်ရောင်းရင် ဈေးကောင်းရနိုင်သလို ဈေးဝယ်စင်တာဆောက်မယ်ဆိုရင်လည်း အရှုံးမရှိနိုင်သော နေရာဖြစ်သည်...
"တစ်ခါလောက်နဲ့တော့ ဘာမှမဖြစ်သွားပါဘူးကွာ..."
"ဟုတ်ကဲ့ Boss နားလည်ပါပြီ..."
"အဲ့ဒါဆို လုပ်စရာရှိတာ သွားလုပ်တော့..."
"ခွင့်ပြုပါဦး Boss..."
Krisကို ဦးညွှတ်လို့ Sehun ရုံးခန်းထဲက ထွက်သွားတော့မှ Sehun ထားပေးခဲ့သော ဖိုင်ကို ဖွင့်ဖတ်လိုက်သည်...
"William Kim!..."
ဖိုင်ထဲပါ အကြောင်းအရာတွေအရ William Kimဆိုသောသူသည် Krisအတွက် ပြိုင်ဘက်ကောင်းဖြစ်လာနိုင်သည်... ကိုရီးယားလူမျိုးဖြစ်ကာ ငယ်စဥ်ကတည်းက နိုင်ငံခြားမှာ ကြီးပြင်းလာခဲ့ကြောင်းတွေ့ရသည်... ဓါတ်ပုံပါမလာ၍ ထိုသူပုံစံ ဘယ်လိုရှိမလဲ Krisမသိရ...
ပြီးတော့ သိပ်မကြာသေးခင်ကမှ ကိုရီးယားမှာ နာမည်ရလာတဲ့ Deltaလို့ခေါ်တဲ့ဈေးဝယ်စင်တာ ပိုင်ရှင်က ထိုသူတဲ့လေ...
Krisတို့ရဲ့ အဓိကစီးပွားရေးကလည်း ဈေးဝယ်စင်တာတွေဖြစ်သည်...
နိုင်ငံအနှံ့မှာရော အခြားနိုင်ငံအတော်များများမှာလည်း 'Y Shopping Center'ဆိုတဲ့ လက်ခွဲတွေများစွာကိုလည်း Krisတို့ ပိုင်ဆိုင်ထားသည်...
ကိုယ်ပိုင်ထုတ် အဝတ်အစားBrandတွေအပြင် စားသောက်ကုန်အချို့ကလည်း Krisတို့ ကိုယ်ပိုင်အမှတ်တံဆိပ်တွေဖြစ်သည်....
