Uni.....
"Kris ဒီပုံလေးကြည့်ပါဦး..."
အိမ်ကိုရောက်လာပြီး Krisကိုပြောစရာရှိသည်ဟုဆိုကာ နှစ်ယောက်သား စာဖတ်ခန်းထဲရှိ ခုံတွင် မျက်နှာခြင်းထိုင်ကာ Willim Kim စားပွဲပေါ်ချပေးလာသော ဓါတ်ပုံကို Kris လှမ်းယူကာကြည့်လိုက်သည်...
ပေးလာသောပုံက အရွယ်စုံကလေးငယ်တွေအယောက်သုံးဆယ်လောက်ခန့် စုပြီးရိုက်ထားသောပုံ...
ပုံကိုသေချာကြည့်နေရင်းမှ ထိုကလေးငယ်တွေကြား Krisနဲ့တူသော ကလေးငယ်တစ်ယောက်ပါပါဝင်နေလေသည်...
"Willim ဒီပုံက?... ပြီးတော့ ဒီပုံထဲမှာ ကျွန်တော်ငယ်ငယ်ကနဲ့တူတဲ့ ကလေးလေးတစ်ယောက်လည်းပါနေတယ်..."
ဘာအတွက်ကြောင့် ထိုပုံကိုပြသည် မသိရ၍ Willim Kimကိုကြည့်ကာ Kris အမေးထုတ်မိသည်...
"Kris မမှတ်မိဘူးလား..."
Krisကိုပြန်မေးလာသော Willimက တစ်ခုခုအတွက် စိတ်လှုပ်ရှားနေသည့်ပုံမျိုးနဲ့...
Kris ခေါင်းခါပြမိတော့ Willimက မျှော်လင့်သလိုဖြစ်မလာတဲ့ပုံမျိုးနဲ့ သက်ပြင်းခပ်တိုးတိုးချ၏... ပြီးမှ~
"Kris ဘာကိုမှ မှတ်မိတော့တာလား... Krisနဲ့တူတယ်ဆိုတဲ့ ကလေးလေးက Krisကိုယ်တိုင်ပဲ... ဒီပုံက ဂေဟာမှာ ရိုက်ထားတာလေ... Krisဘေးကနား ကျွန်တော်..."
Krisလက်ထဲမှ ပုံကိုယူကာ စားပွဲပေါ်ချလိုက်ပြီးမှ ပုံပေါ် လက်ဖြင့်ထောက်ကာ Krisကို ပြောပြလာသည်... Willimပြောပြသည့် ပုံထဲက တစ်ယောက်နဲ့တစ်ယောက် ပခုံးဖက်ကာ ရယ်မောနေသည့် ခြောက်နှစ်အရွယ်ကောင်လေးငယ်နှစ်ယောက်က Krisနဲ့ Willimတဲ့လား...
Kris ဘာလို့အဲ့ဒါတွေကို မမှတ်မိရတော့တာလဲ... ကိုယ့်ကိုယ်ကို မွေးစားသားဆိုတာရော ကိုယ့်ကို ဘယ်ကနေမွေးစားခဲ့တယ်ဆိုတာရော Kris သိပေမယ့်...
မွေးစားမခံရခင်က မှတ်ဉာဏ်တွေက Kris ထံတွင်မရှိတော့ပေ... ဘာကြောင့် ထိုမှတ်ဉာဏ်တွေ မရှိတော့တာလဲဆိုတာကိုတော့ Krisမသိပေ...
"အဲ့တုန်းက ကျွန်တော်နဲ့ Krisက တစ်တွဲတွဲပဲ... ရွယ်တူတွေဆိုတော့ တခြားသူတွေထက်ပိုရင်းနှီးခဲ့ကြတာ... ဒီပုံက Kris မွေးစားခံရပြီး မွေးစားမိဘတွေနဲ့လိုက်မသွားခင်မှာရိုက်ထားတာ..."
