Uni....
"ကလေးငယ်!!!!..."
လှေကားခြေရင်းတွင် ပုံကာလဲနေသော ကလေးငယ်ထံ Krisပြေးသွားလိုက်သည်...
"အဒေါ်ကြီး... Baekhyun... ဘာလုပ်နေကြလဲ..."
ကလေးငယ်ကို ကောက်ပွေ့ရင်း အဒေါ်ကြီးနဲ့ Baekhyunကိုပါ အော်ခေါ်လိုက်သည်...
"ကလေးငယ်... ကလေးငယ်..."
Kris တကြော်ကြော်ခေါ်နေပေမယ့် သတိမရှိသော ကလေးငယ်က Krisလက်ထဲတွင် ငြိမ်သက်လျက် ခေါင်းကို ထိန်းကိုင်ထားသော လက်တွင် စိုစိစိအထိအတွေ့ကို ခံစားလိုက်ရတာကြောင့် လက်ကိုဖယ်ခွာကာကြည့်မိတော့ ထင်သည့်အတိုင်း သွေးတွေ...
"သားKris Chanလေး ဘာဖြစ်လို့လည်း..."
"Boss... အကိုလေး..."
အနားရောက်လာကြတဲ့ အဒေါ်ကြီးနဲ့ Baekhyunသည်လည်း Krisတို့ကိုကြည့်ပြီး ကြောင်အလျက်ဖြစ်လို့နေသည်...
"Baekhyun Haeraဆီဖုန်းဆက်ပြီး ခုလာခဲ့ဖို့ပြော... အဒေါ်ကြီးက သွေးတိတ်အောင်လုပ်ဖို့ လိုအပ်တာတွေယူပြီး ကလေးငယ်အခန်းထဲကို လိုက်ခဲ့ပေးပါ..."
နှစ်ယောက်လုံးကို လိုအပ်တာတွေမှာပြီးတာနဲ့ ကလေးငယ်ကိုယ်လေးကို ပွေ့ချီကာ အပေါ်ထပ်သို့တက်လာခဲ့လိုက်သည်...
ကုတင်ပေါ်အသာချပြီးနောက် လောလောဆယ် သွေးတိတ်စေရန် အရေးပေါ်နည်းလမ်းများဖြင့် Kris လုပ်ထားရင်း Haeraအလာကို စောင့်နေမိသည်...
"Kris ငါဝင်ခဲ့မယ်နော်..."
"အေး ဝင်ခဲ့..."
"ဘယ်လိုဖြစ်ရတာလဲ..."
ကုတင်ပေါ်တွင် သတိမေ့နေသော ကလေးငယ်ကို ကြည့်ပြီး Haeraက Krisကို မေးလာသည်...
"ငါလည်း နင်နဲ့ ဖုန်းပြောပြီးနောက် ဝုန်းခနဲ အသံကြားလို့ ထွက်ကြည့်တော့ လှေကားရင်းမှာ လဲနေတာကို တွေ့လိုက်ရတာပဲ..."
Haeraက ကလေးငယ်ကို စစ်ကြည့်ရင်း Krisပြောသည်တို့ကို နားထောင်နေသည်...
"တော်သေးတာပေါ့... ဘာမှတော့ သိပ်ကြီးကြီးမားမားမဖြစ်ပါဘူး... ခေါင်း နည်းနည်းလေးပေါက်သွားလို့ နှစ်ချက်လောက်တော့ ချုပ်ရမယ်... နင်ကလည်း သွေးတိတ်အောင်လုပ်ပေးထားတာဆိုတော့ ချုပ်ဖို့ပဲကျန်တယ်..."