Uni ♡
ဒီနေ့က sundayဖြစ်ပေမယ့်လည်း Chanတစ်ယောက် စိတ်လှုပ်ရှားစွာဖြင့် စောစောနိုးနေမိသည်... မကြာခင်အချိန်အတွင်းမှာ Krisနဲ့ သူက ဘာမှတော်စပ်မှုမရှိကြောင်း အားလုံးသိတော့မည်...
ထိုသို့မလုပ်ချင်ပေမယ့် ညီအကိုဆိုတာကို ပါးစပ်ကမချသော Krisကြောင့် Chanလုပ်လိုက်ရခြင်းဖြစ်သည်... မဟုတ်ရင် ညီအကိုဆိုတဲ့ စည်းကြောင့် Chanဘယ်လိုမှ ရှေ့တိုးလို့ရနိုင်မှာမဟုတ်ဘူး...
ပိတ်ရက်ဆိုတော့ Krisမနက်စာ စားတက်တဲ့ အချိန်လောက်မှန်းပြီး အခန်းထဲကထွက်လာခဲ့ပေမယ့် ထမင်းစားခန်းထဲရောက်တော့ ဘယ်သူမှမရှိစွာတိတ်ဆိတ်လို့နေသည်...
ဝန်ထမ်းတွေကို ပိတ်ရက်ဆို နားရက်ပေးထားသော Krisကြောင့် မရှိကြတာ သိပေမယ့်... Krisကရော?... ဘာလုပ်လုပ် အားလုံးကိုအချိန်နဲ့အတိအကျလုပ်တက်တဲ့ Krisကရော ဘာလို့ ရှိမနေရတာလဲ...
"သားလေး မုန့်စားတော့မလို့လား..."
"ဟုတ် အဒေါ်ကြီး..."
Chanအနောက်ကနေ ဝင်လာတဲ့ အဒေါ်ကြီးကို ဖြေရင်း စားပွဲတွင် Chanဝင်ထိုင်လိုက်သည်...
"အဒေါ်ကြီး Krisရော ဆင်းမလာသေးဘူးလား..."
Chanမေးလိုက်တော့ Chanအတွက် မုန့်ပွဲပြင်နေတာကို ရပ်ကာ Chanကိုကြည့်လာတဲ့ အကြည့်တွေက စိတ်မကောင်းစွာနဲ့...
"သားလေးတို့ ရန်ဖြစ်ထားကြတာလား..."
"မဟုတ်ပါဘူး အဒေါ်ကြီးရဲ့ ဘာလို့လဲ..."
"Kris ညကပဲ အထုပ်အပိုးတွေနဲ့ ထွက်သွားပြီ... အပြင်မှာ ခဏလောက်သွားနေမလို့တဲ့လေ..."
"ဗျာ!!!..."
ဘာတွေဖြစ်ကုန်တာလဲ... Chanလုပ်လိုက်တာတွေက Krisကို Chanအနားက ထွက်သွားစေဖို့မှမဟုတ်တာ...
"Baekhyun hyung..."
ဘယ်အချိန်ထဲက နိုးပြီးအသင့်ရှိနေလဲ မသိရတဲ့ Baek hyungက Chanခေါ်လိုက်တော့ အနားရောက်လာသည်...
"Sehun hyungဆီဖုန်းဆက်ပေးပါ..."
"အတွင်းရေးမှူးOhက ဒီအိမ်မှာပဲကျန်နေခဲ့ပါတယ်..."
