Unicode
ပေကျင်းလေဆိပ်ကို ဆင်းတော့ နှစ်ယောက်သား ကြောင်တောင်တောင်လေးတွေရယ်.....
တရုတ်စကားသင်ထားကြသည်ဆိုသော်လည်း တရုတ်လူမျိုးတွေနှင့်
ပြိုင်ပြောနိုင်သည်အထိတော့
မကျွမ်းကျင်ကြပါ .....
လေဆိပ်မှာ ယောင်လည်လည်လေးတွေဖြစ်နေရင်းမှ ဝေလင်းက စကားစလိုက်သည်။
" ငပိုင် တို့သွားရမယ့် entertainmentကို ဆက်သွယ်ကြည့်ရအောင် သူတို့လာခေါ်ရင်ခေါ်လောက်တယ် "
" ဟုတ်သားပဲ...မေ့နေတာ ငါဖုန်းခေါ်လိုက်မယ် "
ပြောပြောဆိုဆိုနဲ့ Silent လုပ်ထားသော
ဖုန်းကို ဖွင့်လိုက်သည်။
အိမ်ဖုန်းနဲ့အတူ ဖေဖေနဲ့မေမေလေးတို့ဆီက
ဖုန်းကောလ်များ မက်ဆေ့များက စီတန်းလို့....
" ငါ့အိမ်က ဖုန်းတွေခေါ်ထားတာပဲ "
" ငါအိမ်ကကောပဲ "
ဝေလင်းကလည်း သူ့ဖုန်းကိုကြည့်ရင်း
ပြောလာ၏။
" ငါခေါ်လိုက်ပြီနော် ဝေလင်း "
" အေး...ခေါ်လေ "
ရှင်းကို Entertainment က ပေးထားသော ဖုန်းနံပါတ်အား ရိုက်ပြီး ခေါ်ဆိုလိုက်သည်။
လိုင်းပျောက်နေသော ဆင်းကဒ်တွေကိုတော့ နှစ်ယောက်လုံး သတိမထားမိကြ။
ဖုန်းကမ၀င်ပဲ တီ တီ ဆိုပြီးပြတ်ကျသွားသည်။
၂ခါ ၃ခါ ဆက်ခေါ်သော်လည်းမရ....
" ခေါ်လို့လည်း မရဘူးရော်...... "
ဖုန်းကိုကြည့်ရင်း ရှင်းမျက်နှာ ငိုတော့မလို မျက်ရည်တွေ ၀ဲတက်လာ၏။
" ငါ...ငါ ခေါ်ကြည့်မယ် ..... "
ဝေလင်းက ရှင်းဖုန်းထဲမှ entertainmentရဲ့ နံပါတ်ကိုယူပြီး သူ့ဖုန်းနှင့်ခေါ်ကြည့်လိုက်သည်။
သူ့ဖုန်းနဲ့ခေါ်သော်လည်းမရ.....
ရှင်းခေါ်တုန်းကလိုပဲ ဖြစ်နေသည်မို့ သူပါမျက်ရည်တွေ၀ဲလာပြီ.....
" ငါတို့ ဘယ်လိုလုပ်ကြမလဲ ဟင့်..... "
ရှင်းစကားအဆုံးတွင် ရှိုက်သံပါ ပါလာခဲ့သည်။
YOU ARE READING
The Romance of Two Stars 🚨🚨🚨 ( Complete)
RomanceChina ရဲ့ နာမည်ကြီးအဆိုတော်မင်းသားတစ်လက်နဲ့ မြန်မာနိုင်ငံကနေ china idolသွားပြိုင်တဲ့ ကောင်လေးတစ်ယောက်တို့ရဲ့ အချစ်ဇာတ်လမ်းလေး A Love Story between Chinese Super Star and The China Idol's Trainee Boy from Myanmar .
