NB : 53, 54 ഭാഗങ്ങൾ മുമ്പ് പ്രസിദ്ധീകരിച്ചതാണ്. എഡിറ്റിങ്ങ് നടത്തിയപ്പോൾ അവ പ്രത്യേകം രണ്ട് ഭാഗങ്ങളായി വന്നതിനാലാണ് പുതിയ ഭാഗങ്ങളായി പ്രസിദ്ധീകരിക്കുന്നത്. നിങ്ങൾ വായിച്ച ഭാഗങ്ങൾ തന്നെയാവും ഇതെന്ന് ഓർമ്മപ്പെടുത്തുകയാണ്..
🍁🍁🍁🍁🍁🍁🍁🍁🍁🍁🍁🍁🍁🍁🍁
" നിനക്ക് ഏറ്റവും
പ്രിയപ്പെട്ടതാര്
എന്ന ചോദ്യത്തിന്
ആരുടെയെങ്കിലും
ഉത്തരമായി
നീ മാറുന്നതിനുമപ്പുറം
മറ്റെന്തുണ്ട്..?"
- എം എസ് മിഥുൻ
________________________________
" പക്ഷേ ജവാദേ.. ആ കാർ തന്നെയായ്കൊള്ളണമെന്നില്ലല്ലോ.. ഇതും.. ഒരേ ചിത്രമൊട്ടിച്ച രണ്ട് കാറുകളായിക്കൂടേ..?!"
റോബി സംശയത്തോടെ അവന്റെ മുഖത്തേക്ക് നോക്കി.
" പക്ഷേ ഒറ്റനോട്ടത്തിൽ രണ്ടും ഒരു കാർ തന്നെയാണെന്നാ എനിക്ക് തോന്നിയത്.. അതുമല്ല.. രണ്ട് സ്ഥലത്തുകൂടെയും ഒരേ സമയത്ത്.. അതായത്.. കൊലപാതകം കഴിഞ്ഞ് ആളുകൂടിയപ്പോഴാണ് ആ കാർ പാസ് ചെയ്തുപോയത്.. രണ്ടും ഒരു കാറല്ലെങ്കിലും രണ്ട് കാറുകളും തമ്മിൽ എന്തെങ്കിലും ബന്ധമുണ്ടാകുമെന്ന് എനിക്കൊറപ്പാ.."
ജവാദ് എന്തൊക്കെയോ ചിന്തിച്ചുകൊണ്ട് റോബിക്ക് മറുപടി നൽകി.
" ജവാദ് പറയ്ണതിൽ കാര്യണ്ടെന്നാ എനിക്കും തോന്ന്ണേ.."
ജവാദിനെ പിന്താങ്ങികൊണ്ട് മഹി പറഞ്ഞതും ഹാഫി മേലോട്ട് നോക്കി കണ്ണുരുട്ടി.
" അതേന്തെങ്കിലും കമ്പനീടെ കാറാവും.. ആ പരുന്തിന്റെ ചിത്രം അവര്ടെ ലോഗോയും.. ആ രണ്ട് സ്ഥലത്തൂടേം ചെലപ്പോ ആ കാറിന് പോകേണ്ടിവന്നുകാണും.. തികച്ചും യാദൃശ്ചികം.. അതാ സമയത്തായിപ്പോയത് അവര്ടെ തെറ്റല്ലല്ലോ.."
ജവാദ് ഹാഫിയെ നോക്കി നെറ്റിചുളിച്ചു.
" ഇയ്യെന്താ ഉദ്ദേശിക്ക്ണേ..?"
YOU ARE READING
കനൽപഥം
Mystery / Thrillerശ്വാസമടക്കിപ്പിടിച്ച് ഞങ്ങൾ ആ ചെറിയ മുറിയിൽ ചേർന്നിരുന്നു. പുറത്തുള്ള കാലൊച്ചകൾ ഞങ്ങളൊളിച്ചിരിക്കുന്ന മുറിയുടെ അടുത്തേക്കുവരുന്ന പോലെ തോന്നിയതും ഇസയുടെ കൈ എന്റെ വലതുകൈക്ക് മുകളിൽ മുറുകി. ഞങ്ങളുടെ വേഗത്തിലുള്ള ഹൃദയമിടിപ്പ് ആ മുറിയിലാകെ ഉയർന്നുകേൾക്കു...
