"မိုးမြေကန်တော့ကြပါ "
"ဘိုးဘေး ကန်တော့ကြပါ "
"မိဘကို ကန်တော့ကြပါ "
"သတို့သား အချင်းချင်း ကန်တော့ကြပါ "
သူ၏ ရှေ့တွင် တည်ငြိမ်သော ဓါတ်ပုံတစ်ပုံသာ ရှိနေသည် ။ ၎င်းရှေ့၌တွင်ကား အေးစက်နေသော ယမကာတစ်ခွက် ... ။
သူ အရိုအသေပြုလိုက်သည် ။
ဤ ည သန်းခေါင်ယံတွင် ကျင်းပသော မင်္ဂလာပွဲ၌ အဖွားဝမ်၊ ခါးကုန်းနေသော အဖိုအိုတစ်ယောက် ၊ အစေခံတစ်ချို့နဲ့ ထိမ်းမြားပေးသော နှုတ်ခမ်းဆိုးဆေး အနီရောင်နဲ့ အမျိုးသမီးတစ်ဦးသာ ရှိသည် ။
အားလုံး ခမ်းနားစွာ ဝတ်ဆင်ထားကြသည် ။
ကြီးကျယ်လှသော ထိုအိမ်ကြီးထဲ ဧည့်သည်မရှိသည့်တိုင် ခမ်းနားသော မင်္ဂလာပွဲ အဆောင်အယောင်တို့ကို သေချာသုံးထားသည် ။
တကယ့် မင်္ဂလာပွဲ အစစ်သဖွယ် ... ။
သူသည် သူ့ရှေ့မှ လှပသော ကောင်လေးရှိသည့် ဓါတ်ပုံကလေးအား စူးစူးစိုက်စိုက် ကြည့်နေမိသည် ။
* သေသူက သေပြီ ...
ဒီလောက၌တောင် ရှိပါဦးမလားမသိ *
* မဆိုင်တဲ့သူ့ကို ခေါ်ပြီး
အမွေပေးရန် အလုပ်ခိုင်းတာနဲ့ပင် တူသေးသည် *
* အိမ်ထောင်ကျသွားပြီ ဆိုရအောင်ကလဲ သူ၏ အိမ်ထောင်ဖက်က ဒီလောက၌ မရှိ *
* ဘာမှ မကွာခြားသွားပေမဲ့ သူဌေးရဲ့ တရားဝင် သမက်ဖြစ်လာပြီး ခဲတံအစား ဂဏန်းပေါင်းစက်ကို ကိုင်ရတော့မှာပေါ့ *
* စာရွက်တွေအစား အထည်လိပ်တွေကို ကိုင်ရမှာပေါ့ ... စစ်ပြန်လူပျိုလေးအစား ... သရဲယောက်ျားရှောင်ကျန့် ဖြစ်ရတော့မှာပေါ့ *
"ယမကာ သောက်နိုင်ပါပြီ "
ရှောင်ကျန့် သူရှေ့က ယမကာခွက်ကို ယူသောက်လိုက်သည် ။ ဓါတ်ပုံထဲက ကောင်လေးကျတော့ သူ့အဖွားက ခွက်ကလေး ရှေ့တို့းပေးသည် ။
" မြေးလေး သောက်လိုက်နော်
ဖြည်းဖြည်းသောက် ... သီးနေဦးမယ် "
YOU ARE READING
Dare you marry me ? (complete)
Spiritualငါလား ... သေပြီးသွားပြီ ... ဒါပေမဲ့ လက်ထပ်ချင်သေးတယ် ... ။ ငါလား ... ေသၿပီးသြားၿပီ ... ဒါေပမဲ့ လက္ထပ္ခ်င္ေသးတယ္ ... ။ By Jin Lusy .
